Nkyɛʼə 22:5 - Mɨkan wu Fi

⁵ Ɨtfúʼ ghɨ keʼ bə mbe, á bo keʼ mɨnkaʼ a ndó kə ntá nɨnyom, mbɨ́ʼ ngə́ Maʼmbyí Ŋwi a ghɨ be nkaʼ ɨwa, á bo tiʼə sáʼə tso bɨfɔ nɨnkoŋ nɨnkoŋ ə.

Nkyɛʼə 22:5 Referans Kwoze

Nkyɛʼə 20:4

Ma tíʼ ndzɛ́n ɨbərɨ ə. Bɨ ghá mɨtən mɨ sáʼə mɨsáʼ a mbó ɨbɛn ba bɨ shíʼtɨ́nɨ́ ntsi atú tsɛrə ghe. Ma kɨ́ ndzɛ́n bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nkənu za mbɨ́ʼ a Yeso abɔʼnɨ nɨgham nɨ Ŋwi ə. Bo sé ghuʼsɨ ɨnyam mɨbaʼ za kə a mɔn abe ɨyi ɛ. Bo sé kɨ ntsi nɨ alyigɨ a ɨnyam mɨbaʼ za a mɨdzenɨ bo kə a nye mbó ɨma ghe. Bo yén a mu ntsi ntən, ɨ sáʼ tso bɨfɔ bo bɨ Kristo atú ɨlom táʼ nchwuʼ ə.

Roma 5:17

A nɨ nkənu ngə́ a ndzum ɨbvu táʼ ŋwɔn nɨvwo tsí atú ɨnu ɨtsum mbɨ́ʼ a táʼ ŋwɔn məwa. Lá bɨ chi keʼ fɨʼnɨ a məzen nɨ anu za Yeso Kristo a ghɨnə ghe. Ŋwi a diʼnə abɔŋəntəm azhi za a chwinɨnə adaŋədaŋə mbɨ́ʼ a Yeso Kristo, ma lan, bɨgɨnə tiʼ ntsi nɨ adaʼ atú nɨvwo ə.

Nkyɛʼə 11:15

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba ɨ tɔ́ŋ ɨzhi ntaŋ ə. Nji tsə kɔʼnɨ atɨ́ tsə tsɛrə ló a fɔməbvurə ɨ sóŋə́ ngə́, “Mɨtən mɨ sáʼ atuəshe tsi tɨtsɔŋnɨ lá a mbó Maʼmbyí ɨwɨgɨnə abɔʼnɨ Wa bɨ Zɔ́ʼnɨ́ ɨyi ɛ. Wɛrə a mɨ sáʼ nɨnkoŋ nɨnkoŋ ə!”

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

2 Timotyo 2:12

Be bɨgɨnə ngěn nɨ mbyi nchigɨ ntəm, muŋ bɨgɨnə ghɨ kɨ saʼnə bɨgɨnə bɨ wɛrə ghe. Be bɨgɨnə ton ayi, muŋ wɛrə a ghɨ kɨ ton awɨgɨnə ghe.

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Nkyɛʼə 18:23

Bɨ láʼ keʼ bə ndze nkaʼ wa bɨ chwuʼnɨ ɨwu; bɨ láʼ keʼ bə ndzuʼ nji bɨmɨngən abɔʼnɨ bɨlóm bɨ mɨngən ɨwu ə. Bɨntaŋ mɨtan ɨbɨŋ tə́n ntsa bɨtsum a mu mbyi, nɨ támtɨ́ ɨbɛn bɨ atuəshe bɨtsum nɨ afu a ɨfusɨ azɨŋ ə!”

Matyo 25:46

Məbiŋ mɨ tiʼ kwarɨ ɨnɨŋ ngɨ́ʼ zɨ nɨnkoŋ, lá á bə chinɨnɨ ghɛn a mu ntsi ntən nɨnkoŋ ə.”

Matyo 19:28

Yeso a sóŋ a mbó bo ngə́, “Tsɛʼ a nkənu, ma sóŋə́ awɨŋ ə, a mu mbyi zɨ fi za, mbáʼ Mɔn Ŋwɔn a ghɨnɨ shíʼtɨ́ tsí atú abərɨ a nɨfáŋ azhi lá, bən ba nɨghúm ntsɔb bá ba nɨ zɔ́ŋnɨ́ aghan lá, nɨ ghɨ kɨ shiʼtɨ tsi atú ɨbərɨ nɨghúm tsɔb bá, ɨ saʼnɨ ɨtsé tsə wi tsɨ bə Izrai tsa nɨghúm tsɔb bá ghe.

Nkyɛʼə 20:6

Nɨdorɨ abɔʼnɨ ɨfɔgə zɨ ngwi tsi a mbó ba bɨ nɨŋnɨ awa a mu ntsambyi nzhwemnə a mbó nɨvwo məziŋ ə. Ka nɨvwo na nɨ zɔŋtɨnɨ a nye ɨdiʼ tsi bá tsi ayi nɨ mɨtən mə tsɛrə atú bo ghe; bo ghɨ bé bɨntumshe bɨ Ŋwi kɨ be a mbó Kristo, bo mɨ sáʼ bo bɨ wɛrə atú ɨlom táʼ nchwuʼ ə.

Nkyɛʼə 21:11

Ntáʼmbagə wu Wi wu Fɛmnɨ wa kə́ ntǎ nɨ nɨfáŋ nɨ Ŋwi ə. Ɨ kə́ ntǎ tso ngɔʼ zɨ ŋwenɨnɨ, tso jasɨba, ɨ ŋwenə tso ntsəŋ ɨləŋ za o lenə ndzě ndzum zɨ mɔʼɔ ghe.