Nkyɛʼə 22:2 - Mɨkan wu Fi

² nkóŋə́ shiʼə a ndzɔʼ kɔŋ ndóm ntáʼmbagə wu wi wa. A nye ngə́rɨ́ mɨzam tsa tsi bá, atɨ za a ghánɨ́ ntsi ntən a tɛ́m ɨwu, za a kónɨ́nə́ mɨntam nkfu nɨghúm ntsɔb bá atú alom, táʼ nkfu atú táʼ saŋ; ɨzəŋ ɨchi tsi a ntsúʼ ɨlaʼ ɨtsum lá.

Nkyɛʼə 22:2 Referans Kwoze

Nkyɛʼə 22:1

Mbáʼ Ntsendá Ŋwi za mɛ́tɨ́nɨ́ a ndiʼ ntáʼmbagə wu wi wu fi wa a mbó me, ɨ tíʼ nkɨ ndiʼ a mɨzam wu nkyi wa ɨ ghánɨ́ ntsi ntən lá, ɨ dzinkɨnə tso ntsəŋ ɨləŋ, ndǒ a nye abərɨ a Ŋwi bo Mɔn Mbyindzɨ wa

1 Bita 2:24

Kristo zɨmboŋ a byɛ́ʼ mɨbvu ɨmɨgɨnə a mu ɨnye zɨ ngɛn nɨ mɛrə atɨ abaŋnɨ-baŋnɨ, taŋ á bɨgɨnə chi be tso ɨbɛn ba bɨ kfokɨnɨ mbáʼ be bɨ ngámə́ lá mbɨ́ʼ ɨbvu, ɨ kə́ tsinə taŋ ɨ ghɨnɨ ɨnu tsa tsɨ chinɨnɨ ə. Bɨ tsuʼnə awən ntsa lá a ndzum ɨlagɨ ɨchi ɛ.

Nkyɛʼə 2:7

Zɨ wa a tsinɨ nɨ ɨtoŋnɨ á zhwiʼtɨ anu za Azhwi a sóŋnə́ a mbó ndáŋwi ə! A mbó ba bɨ tsinɨ nɨ ayanguʼ məzen, ma mɨ ghɨ á be adiʼ aza a ndzɨ́ fɨtam fɨ atɨ za a ghánɨ́ ntsi ntən za a kwínə́ a mu Baradiso Ŋwi lá.”

Nkyɛʼə 22:14

Nɨdorɨ tsi a mbó ɨbɛn ba bɨ sugɨnɨ ɨtsɛʼ ɨtsa tsɨ fɛm, ma lan, ntiʼ ntsi nɨ abárɨ́ a ndzɨ́ mɨntam mɨ atɨ ma mɨ lonɨ a nye atɨ za a ghánɨ́ ntsi ntən, ɨ kɨ tsi nɨ abárɨ́ a ntsǎ a mɨntsu mɨ abuʼ ɨ kon a mu ntáʼmbagə wu wi wa.

Nkyɛʼə 22:19

Be ŋwɔn tsɛrə a fɨgɨtɨ anu zə tsɛrə a nye ɨnu tsa Ŋwi a soŋnɨ a mu aŋwaʼnɨ zen mbɨ́ʼ ɨnu tsa tsɨ ghɨnɨ fú lá, Ŋwi a mɨ kwarɨ wəmbo azhi abárɨ́ a ndzɨ́ mɨntam mɨ atɨ mɨ atɨ za a ghánɨ́ ntsi ntən lá abɔʼnɨ azhi abárɨ́ a nkuŋə a mu ntáʼmbagə wu Wi wu Fɛmnɨ wa, ɨnu tsi bá tsa bɨ fɨʼtɨnɨ a mu aŋwaʼnɨ zen lá.

Nkyɛʼə 21:24

Nkaʼ ntáʼmbagə wu wi mɨ kyɛʼtɨnɨ ɨlaʼ ɨtsum atuəshe á bo númə́ ngɨ̌ mɨnu ɨma ghe. Bɨfɔ bɨ atuəshe mɨ tiʼ kɨ yen nɨ afuʼ aza ɨwu ə.

Nkyɛʼə 21:21

Mɨntsu mɨ abuʼ ma nɨghúm ntsɔb bá bé lá tso mbaŋətuʼ tsɨ wiəwi nɨghúm ntsɔb bá, táʼ ntsuəbuʼ bɨ nyɛtɨ nɨ táʼ mbaŋətuʼ ə. Kɔŋ ndóm ntáʼmbagə wu wi wa a bé ŋwaʼŋwaʼ tɨ nyam, ɨ ŋwenə bɨ chi ze ndzum zɨ mɔʼɔ tso ntsəŋ ɨləŋ ə.

Alukasɨ 4:18

“Azhwi a Maʼmbyí a tsi atú me, mbɨ́ʼ ngə́ a tsɔʼ aghan ngə́ á ma yen nɨ nkən wu shiʼnɨ a mbó ɨfúm ə. A tyigɨ aghan ngə́ á ma fɨʼtɨ a mbó ngaŋ atsáŋ ngə́ bɨ mɨ nyɛʼtɨ awa, á bɨfɨgɨ bə ndze ɨdiʼ; ɨ kɨ ghɨ á bɨ nyɛʼtɨ ɨbɛn ba bɨ zhíʼnə́ awa