Nkyɛʼə 22:1 - Mɨkan wu Fi

¹ Mbáʼ Ntsendá Ŋwi za mɛ́tɨ́nɨ́ a ndiʼ ntáʼmbagə wu wi wu fi wa a mbó me, ɨ tíʼ nkɨ ndiʼ a mɨzam wu nkyi wa ɨ ghánɨ́ ntsi ntən lá, ɨ dzinkɨnə tso ntsəŋ ɨləŋ, ndǒ a nye abərɨ a Ŋwi bo Mɔn Mbyindzɨ wa

Nkyɛʼə 22:1 Referans Kwoze

Nkyɛʼə 7:17

mbɨ́ʼ ngə́ Mɔn Mbyindzɨ wa, zɨ wa a nɨ tɨtərɨ abərɨ za mɨ be ntsiŋ mɨnyam ɨwa, ɨ tsɨŋnɨnə awa ɨ tsagɨnə a mbó bɨnáŋə́bə́rə ba bɨ ghánɨ́ nkyi ntsi ntɨŋ ə. Ŋwi a mɨ tiʼ chiʼ nkyi nɨzɛʼ ɨtsum a ɨmɨgɨ bo ghe.”

Yoane 4:14

lá ŋwɔn tsum wa a mɨ no nkyi wa ma mɨ gha, a láʼ keʼ nji nkyi bə ndzáŋə́. Nkyi wa ma mɨ gha a mbó bo mɨ tiʼ bəŋ ɨ be tso náŋə́bə́rə a mu ɨnye bo wa ɨ mɨ gha nkyi wa ɨ ghánɨ́ ntsi ntən abɔʼnɨ ntsi ntən nɨnkoŋ a mbó bo ghe.”

Nkyɛʼə 21:6

Wɛrə a kwíʼ sóŋ ngə́, “Ma ghɨnə ɨnu tsiŋ ɨtsum ə! Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe. Ma mɨ gha a mbó ŋwɔn tsum wa nji nkyi záŋnə́ ayi mɨtən ngə́ á no nkyi wa ɨ lonɨ a mu náŋə́bə́rə wa nkyi ɨyi ghánɨ́ ntsi ntən tɨgha a tfu a wɛrə ghe.

Nkyɛʼə 22:17

Azhwi za abɔʼnɨ Mɨngən wa bɨ soŋ ngə́, “Yiŋə!” Ŋwɔn tsum wa a zuʼnɨ a məzen a mɨ kɨ zagɨ soŋ ngə́, “Yiŋə!” Ŋwɔn tsum wa nji nkyi záŋnə́ ayi, a kə ndǒ, á yen nkwarɨ nkyi wa ɨ ghánɨ́ ntsi ntən tso azúm zə ghanɨ ə.

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

Ɨfaʼ 2:33

Ŋwi, Ta ɨyi, a tsɔ́ʼ ayi nkɔʼ ngɛn nɨ zɨ a bagɨ abó zɨ zə maʼə ghe. Yeso a kɨnə nkɨ nkwarɨ Azhwi zə Fɛmnɨ a mbó Tarɨ, adzaŋ za wɛrə a káʼnə́. Za nɨ zɛ́nə́ tɨtsɔŋnɨ nkə́ ndzúʼə lá, a nɨ azúm zə ghanɨ zə Yeso za a ghanɨ a mbó bɨgɨ ə.

Nkyɛʼə 21:11

Ntáʼmbagə wu Wi wu Fɛmnɨ wa kə́ ntǎ nɨ nɨfáŋ nɨ Ŋwi ə. Ɨ kə́ ntǎ tso ngɔʼ zɨ ŋwenɨnɨ, tso jasɨba, ɨ ŋwenə tso ntsəŋ ɨləŋ za o lenə ndzě ndzum zɨ mɔʼɔ ghe.

Yoane 15:26

Nkwatɨ, zɨ wa a nɨ Azhwi zə nkənu lá, a ghɨ yiŋə, wa a kyɛʼnɨ nkənu mbɨ́ʼ a Ŋwi, wa a kɨnɨ ndo lá a mbó Tarɨ lá. Ma mɨ kwarɨ ayi a mbó Tarɨ ɨ tsagɨ a mbó bən, á tiʼ ngam mbɨ́ʼ aghə.

Nkyɛʼə 5:13

Ma kwíʼ nkɨ́ ndzúʼ azúm zə kaʼnɨ atsum za a tsínɨ́ a fɔməbvurə, atuəshe, mbyishe, nkwiʼtɨ a sagɨrə wu ngwi — ɨdzúm tsɨ kaʼnɨ ɨtsum tsa tsɨ tsínɨ́ ntən a mu mbyi mbyi tsum — bo tiʼə ndzɔbə ngə́: “A mbó zɨ wa a shiʼtɨnɨ ntsi atú abərɨ za, nkɨ mbe a mbó Mɔn Mbyindzɨ wa, á bɨ bontɨ, nkɔʼsɨ atɨ́, nga nɨfáŋ abɔʼnɨ mɨtən a mbó bo nɨnkoŋ nɨnkoŋ ə!”

Nkyɛʼə 5:6

Ma tíʼ ndzɛ́n a Mɔn Mbyindzɨ wu tse a tɛm a tɨtərɨ, atú abərɨ za, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba karɨsɨ a zɛrə ghe. Mɔn Mbyindzɨ wa a fí tso bɨ zhwítɨnə a wɛrə ghe. A tsí nɨ mɨndɔ́ŋ mi samba nkɨ ntsi nɨ ɨmɨgɨ mi samba mbáʼ lá ɨzhwi tsa tsi samba tsa tsɨ faʼnə a mbó Ŋwi tsa bɨ tsagɨnə a mu mbyi tsum lá.

Nkyɛʼə 1:1

Aŋwaʼnɨ zen a lá aŋwaʼnɨ za bɨ ŋwaʼnɨnɨ ɨnu tsa Yeso Kristo a Kyɛ́ʼnɨ́ wə mu ə. Ŋwi a ghá nkyɛʼə məzen wəmbo lá taŋ ɨ kyɛʼ a mbó ɨbɛn ba bɨ zɔŋnə ayi ɨnu tsa tsɨ mɨ zagɨ fu mbáʼ abaŋ a se bə satə. Kristo a fɨ́ʼtɨ́ ɨnu mətsen a mbó ngaŋ afaʼ ɨzhi Yoane ntsa lá a ndzum ntsagɨ ntsendá ɨzhi a mbó zɨ,

Nkyɛʼə 21:9

Táʼ ntsendá Ŋwi a tɨtərɨ ɨtsendá Ŋwi tsa tsi samba tsa tsɨ tsínɨ́ nɨ ɨkəbɨ tsa tsi samba tsa tsɨ lónɨ́ nɨ ngɨ́ʼ ntsɨrɨndzum tsa tsi samba, yén a mbó me ɨ soŋ ngə́, “Yiŋə, ma mɨ diʼ a mɨngən wa, ngwe Mɔn Mbyindzɨ wa a mbó gho ghe.”

Nkyɛʼə 22:6

Ntsendá Ŋwi za tíʼ soŋ a mbó me ngə́, “Mɨgham miŋ nɨ nkənu, o chi kɨ nɨŋ ntəm ɨgho a nye mɛrə ghe. Maʼmbyí Ŋwi, zɨ wa a ghánɨ́ Azhwi azhi a mbó ntóm Ŋwi, a tsagɨ ntsendá Ŋwi ɨzhi ngə́ á ɨ diʼ anu za a mɨ zagɨ fu tsɛʼ a nye məkum a nkfu a mbó ngaŋ afaʼ ɨchi ɛ.”

Yoane 13:32

Be bɨ kɨ nkyɛʼ nɨfáŋ nɨ Ŋwi a ntsǎ a ndzum wɛrə, muŋ Ŋwi a mɨ kyɛʼ nɨfáŋ nɨ Mɔn Ŋwɔn a mu atuəmbəm azhi ɛ, a mɨ kɨ byi ghɨ adzaŋ məwa.