Nkyɛʼə 21:8 - Mɨkan wu Fi

⁸ Lá bə kɨəngvwurɨ, bɨ tɨ tsi nɨ abeməntəm a nye Yeso, ɨbɛn ba bɨ ghɨnɨ ɨtumbəm tsa tsɨ nyaʼnɨ, ngaŋ njwítɨ́ ɨbɛn, ngaŋ ngɨ ɨnu ntɔrɨ ɨlɛbɨ, ngaŋ fu abú, ngaŋ nguʼsɨ ɨbɔ bɨ abe abɔʼnɨ ngaŋ ɨchwenu ɨtsum — adiʼ aza a nɨ sagɨrə ɨmugɨ wa ɨ tənɨ be tɨ́sə́n, mbáʼ lá nɨvwo na nɨ zɔŋtɨnɨ a nye ɨdiʼ tsi bá lá.”

Nkyɛʼə 21:8 Referans Kwoze

Nkyɛʼə 2:11

Zɨ wa a tsinɨ nɨ ɨtoŋnɨ á zhwiʼtɨ anu za Azhwi a sóŋnə́ a mbó ndáŋwi ə! Ŋwɔn tsum wa a tokɨnɨ ntsi nɨ ayanguʼ məzen, nɨvwo na nɨ zɔŋtɨnɨ a nye ɨdiʼ tsi bá mɨ keʼ ghɨ á ze ngɨ́ʼ ə.”

Nkyɛʼə 22:15

Lá abyɛn ntáʼmbagə wu wi wa, a tsi ɨbɛn ba bɨ ghɨnɨ ɨtumbəm ɨtsa tsɨ nyaʼnɨ, ngaŋ fuə abú, ngaŋ ntɔrɨ ɨlɛbɨ, ngaŋ njwítɨ́ ɨbɛn, ngaŋ ngúʼsɨ́ ɨbɔ bɨ abe abɔʼnɨ ngaŋ ɨchwenu tsa tsɨ chwɛ́nɨ́ ɨnu a nye mɨgham ɨma abɔʼnɨ ngɨnɨ mɨnu ɨma ghe.

1 Yoane 3:15

Ŋwɔn tsum wa a banə a bə mɔʼɔ a nɨ ɨsɔbɨ mɨto, o kɨ nji ngə́ ka ɨsɔbɨ mɨto a tsi ayi nɨ ntsi ntən nɨnkoŋ a mu ɨnye ɨzhi ɛ.

Nkyɛʼə 19:20

Bɨ chwá ɨnyam mɨbaʼ za abɔʼnɨ ntom Ŋwi ɨchwenu za ɨ ghɨ́nɨ́ ɨnu tsɨ yerɨnɨ-yerɨnɨ a ɨshi ɨnyam mɨbaʼ za lá a nye ngaŋ atsáŋ ə. (Bɨ tsá lá a ndzum ɨnu tsɨ yerɨnɨ-yerɨnɨ tsa wɛrə a támtɨ́nɨ́ ɨbɛn ba bɨ tsínɨ́ nɨ alyigɨ a ɨnyam mɨbaʼ za abɔʼnɨ ba bɨ ghúʼsɨ́nə a mɔn abe ɨnyam mɨbaʼ wa lá.) Bɨ máʼ ɨnyam mɨbaʼ za abɔʼnɨ ntom Ŋwi ɨchwenu za atú ntən a mu sagɨrə ɨmugɨ wa ka ɨ ndáʼə mbyɛ́nə́ ayi lá.

Ɛbal 13:4

A mangye bo ndóm nkɔ́ʼsə́ mɨzɔ́ʼ mɨtsum atɨ́, á achwurɨ a keʼ ɨwu be, mbɨ́ʼ ngə́ Ŋwi a ghɨ sáʼ ɨbɛn ba bɨ ghɨnɨ ɨnu ntɔrɨ ɨlɛbɨ abɔʼnɨ ba bɨ chwurɨnə ghe.

1 Timotyo 4:2

Ɨdzaŋ ɨnu mətsen tsa bɨ diʼnə lá, a dzagɨ ngaŋ ɨchwenu tsa tsɨ lonɨ nɨ ntám, bo ba mɨntəm ɨma kfokɨnɨ tso ngə́ bɨ tɔn a mɛrə nɨ atɨŋə zə lomnɨ lá.

Matyo 8:26

Yeso a bítɨ́ awa ngə́, “Nɨ bɔ́gə́ lá mbɨ́ʼ ake le? Abeməntəm azən a kɨ́gɨ́ be tɨsɨŋə!” A tíʼ ndo ngamtɨ a kɨfɛrɨ wa bo nkyiɛ yiŋənɛmə wa; ɨdiʼ tiʼ mbɔnɨ ngə́ tum.

Nkyɛʼə 9:21

Bo sé kɨ mbəŋ mɨntəm ɨma a njwítɨ́ ɨbɛn, a nye abú aza, ɨnu ntɔrɨ ɨlɛbɨ ɨtsa kə ɨzɛrə ɨwa ghe.

Yoane 8:44

Nɨ nɨ ɨbɔ bɨ ta ɨwɨŋ Dəbɨrɨ, nɨ kə́ ndǒ ndzɔŋ ɨnu tsa ta ɨwən a lɔnə ghe. A bé ngwarɨ ŋwɔn ɨ lɔgɨnɨ a mbiʼnə, a láʼnə nkeʼ nɨ anu zə tse a ngɨə nɨ nkənu tsi, mbɨ́ʼ ngə́ ka nkənu zɨ tsɛrə ɨ tsi ayi wə ɨnye. A chwe ɨnu lá, a ghamnə lá nɨgham na nɨ tsinɨ a mu mbɔm ɨzhi, mbɨ́ʼ ngə́ a nɨ ŋwɔn ɨchwenu nkɨ mbe ta bɨ ɨchwenu ə.

Matyo 10:28

A nɨ keʼ mbɔ́gɨ́ ɨbɛn ba bɨ zhwítɨ́nɨ́ mbəmnye lá nchi keʼ a gharɨ zhwitə; nɨ baŋnɨ mbɔgɨ be a Ŋwi, zɨ wa a chinɨ zhwitɨ mbəmnye bo gharɨ a mu ɨmugɨ nɨnkoŋ ə.

1 Yoane 2:22

A tiʼ mbe ɨwa mbe ngaŋ ɨchwenu le? A nɨ zɨ wa a soŋnɨ ngə́ Yeso a se Wa bɨ Zɔ́ŋnɨ́ wa be ə. Adzaŋ a ŋwɔn məzen lá ngaŋ Kɨban Kristo — a túŋə́ ayi a Tarɨ bo Mɔn ə.

1 Yoane 5:10

Ma lan, ŋwɔn tsum wa a nɨŋnɨ ntəm ɨyi a nye Mɔn Ŋwi a tsi nɨ atɛmə-ndzě məzen a mu ɨyi ntəm; lá ŋwɔn tsum wa a se ntəm ɨyi a nye Ŋwi nɨŋ, a ghɨ ayi a nye ŋwɔn ɨchwenu, mbɨ́ʼ ngə́ ka a nɨŋ ayi ntəm ɨyi a nye anu za Ŋwi a sóŋnɨ́ mbɨ́ʼ a Mɔn ɨyi ɛ.

Nkyɛʼə 2:2

Ma zhi anu za nɨ ghɨnə ghe; ma zhi adzaŋ za nɨ faʼnə nɨ adaʼ azən atsum abɔʼnɨ nchigə za nɨ tsinə nɨ zɛrə ghe. Ma zhi ngə́ nɨ chi keʼ bemtɨ bɨntɔmnɨnɨ ə. Ma kɨ nji ngə́ nɨ zhwəŋtɨnə ɨbɛn ba bɨ soŋnɨ ngə́ bo nɨ ntóm Yeso tɨ be tsɛrə lá, ntiʼ nji ngə́ bo nɨ ngaŋ ɨchwenu ə.

2 Tesalonaika 2:9

Ŋwɔn Abɨgəntəm a mɨ yen nɨ ngɨnɨ mɨnu mɨ Satan, ɨ ghɨ mbúŋ ɨnu tsɨ yerɨnɨ-yerɨnɨ tsɨ ɨchwenu abɔʼnɨ tsə tsanɨnɨ tsɨ ɨchwenu,

Ɛbal 12:24

Nɨ yenə nkuʼ a nye Yeso, ŋwɔn wa a tsinɨ a tɨtərɨ ɨbɛn bɨ Ŋwi nɨ akan zə fi za, a nye alɛm za bɨ myígɨ́tɨ́nɨ́, za a ghamnə nɨ abɔŋəntəm za a tsanɨ abɔŋəntəm za alɛm Abɛrɨ a ghamnə nɨ zɛrə lá.

Tɨ́tósɨ 1:16

Bo sóŋə́ ngə́ bo zhi a Ŋwi, lá ntúŋə́ awa ayi a nye ngɨnɨ mɨnu ɨma ghe. Bo lon nɨ kɨban, nkɨ mbe ngaŋ atɨŋətú, nkeʼ kuʼnɨ a ngɨ anu zə shiʼnɨ zə tsɛrə ghe.

Nkyɛʼə 9:17

A mu ndzɛm nəzhwɨgɨnɨ za ɨ lyénɨ́ aghan lá ma zɛ́n ɨnyamənkárə́ tsa abɔʼnɨ ɨbɛn ba bɨ kɔ́ʼnɨ́ a tsɛrə ghe. Bo tsí nɨ ngobɨ ntso nɨgǒ tsa tsɨ kɨ́nə́ mbaŋə tso ɨmugɨ, ɨ fɨ́ŋə́ tso ngɔʼ zɨ fɨŋnɨ zɨ tse bɨ tɔŋə ngə́ safaya nkə́ mbaŋə tso azúm zə tse bɨ tɔŋə ngə́ sɔlfɔ ghe. Ɨtú ɨnyamənkárə́ tsa fí ɨtú ɨfon ə. Ɨmugɨ, fɨndyiʼ abɔʼnɨ sɔlfɔ kə́ fúə a mu mɨntsu ɨma ghe.

Nkyɛʼə 14:10

a mɨ tiʼ no mɨluʼ mɨ mɨlwi Ŋwi ə. Ŋwi a mɨ lwi ntɔŋ ɨ tiʼ nɨŋ ngɨ́ʼ zɨ ntən a ɨnye zɨ tso ngə́ wɛrə a no mɨluʼ mə tɨŋə! Ŋwɔn tsum wa a konɨ a mu ngɨ ɨbvu məzen, bɨ ghɨ nɨŋ ngɨ́ʼ wə ɨnye a mu ɨmugɨ wa ɨ tənɨ be tɨsɨŋə. Məzen a ghɨ lɔgɨ adiʼ lá a ɨshi ɨtsendá Ŋwi tsə fɛmnɨ abɔʼnɨ Mɔn Mbyindzɨ wa.

Nkyɛʼə 21:27

Lá ka azúm zə tse za a se fɛm a ghɨ kón a mu ntáʼmbagə wu wi wa, kə ŋwɔn tse wa a ghɨnɨ ɨnu adɨrətú, kə ŋwɔn tse wa a chwɛ́nɨ́ ɨnu ə. Ɨbɛn ba bɨ ghɨnɨ kón a mu ntáʼmbagə wu wi wa nɨ tsɛʼ ba bɨ ŋwaʼnɨnɨ mɨkum ɨma a mu aŋwaʼnɨ a Mɔn Mbyindzɨ za a tsinɨ nɨ mɨkum mɨ ɨbɛn ba bɨ ghɨnɨ tsí nɨnkoŋ lá.

Matyo 25:25

Ma lan, ma kɨ chyɛ mbɔ́gə́, ntiʼ ngɛn ntoŋ nɨbɨ́ a tɨshe ndwɛʼ nkáb nchwuʼ nɨghúm ɨtso tsa ɨwu ə. Ze azo, ɨ ziŋ ə, koə.›

Marɨkusɨ 9:44