Nkyɛʼə 21:3 - Mɨkan wu Fi

³ Ma zúʼ nji zɨ ntən ɨ ghamnə ndo atú abərɨ za ɨ sóŋə́ ngə́: “Tɨtsɔŋnɨ njwuʼ Ŋwi tsi a tɨtərɨ ŋwɔn mɨsɔŋ a ntsu ə! Wɛrə a mɨ tsi bo bo, á bo tiʼ nkɨ mbe ɨbɛn ɨbyi ɛ. Ŋwi zɨmboŋ a mɨ tsi bo bo, ɨ kɨ be Ŋwi ɨwa ghe.

Nkyɛʼə 21:3 Referans Kwoze

2 Korɨnto 6:16

Be nɨshwim nɨ Ŋwi bo bɨ ɨbɔ bɨ abe bemnɨ lá ɨ nə́ le? Ma soŋə a məzen lá mbɨ́ʼ ngə́ bɨgɨnə lá nɨshwim nɨ Ŋwi, zɨ wa a tsinɨ ntɨŋ ə! Ŋwi zɨmboŋ a soŋ ngə́: “Ma mɨ ghɨ njwuʼ ɨzan a tɨtərɨ ɨbɛn ɨban ɨ tiʼ tsi a tɨtərɨ bɛrə; ma mɨ be Ŋwi ɨwa, á bo tiʼ mbe ɨbɛn ɨbə.

Yoane 14:23

Yeso a chwɨ́gɨ́ wəmbo ngə́, “Ŋwɔn tsum wa a kɔŋnɨ aghan, a mɨ zuʼnɨnə ɨnu tsa ma diʼnə ghe. Ta ɨghan a mɨ kɔŋ ayi, á bɨgɨ Ta ɨghə ghɨ ngyen wəmbo, ntsi bɨgɨ bo ghe.

Ɛbal 8:10

Akan za ma mɨ ghɨ bɨgɨ bɨ ɨbɛn bɨ Izrai a nye njwi tsa tsɨ mɨ zɔŋ a zɛnə: ma mɨ ghɨ á bo ngwíʼtɨ́ bɨnyɔngɔŋ ɨban nkfu tsum, ɨ kɨ ghɨ á bo lɛn a bɛrə a mu mɨntəm ɨma ghe. Ma mɨ be Ŋwi ɨwa, á bo tiʼ nkɨ mbe ɨbɛn ɨbə.

Ɛbal 11:16

Lá, adzaŋ za a tsinɨ, bo lǒ be alaʼ za a bɔŋnɨ ntsa a məza, mbe lá za a tsinɨ a fɔməbvurə ghe. Ma lan, ka Ŋwi a ndɨrə ayi atú ngə́ be bo tɔŋ ayi ngə́ Ŋwi ɨwa, mbɨ́ʼ ngə́ wɛrə a kyaŋtɨnə ntáʼmbagə wu wi a mbó bo ghe.

Nkyɛʼə 7:15

Nə nɨ anu za a ghɨnɨ bo tɛm a ɨshi abərɨ a Ŋwi ɨ fáʼə wəmbo nɨ njwi bo nɨ ɨtfúʼ a mu nɨshwim ɨni lá. Zɨ wa a shiʼtɨnɨ ntsi atú abərɨ za a mɨ kɨŋtɨ awa nɨ adzaŋ za a tsinɨ bo bo ghe.

2 Korɨnto 6:18

ma mɨ be Tá ɨwən, á nɨ tiʼ nkɨ mbe ɨbɔ ɨban bə mbáŋnɨ́ bo bə bəngye.”

Nkyɛʼə 21:7

Ɨbɛn ba bɨ tsinɨ nɨ ayanguʼ məziŋ mɨ kwarɨ a məzen a mbó me: ma mɨ be Ŋwi ɨwa, á bo tiʼ kɨ mbe ɨbɔ ɨbə.

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

Nkyɛʼə 12:10

Ma tíʼ ndzúʼ nji za ɨ nkɔʼnɨ atɨ́ zɨ tsɛrə a fɔməbvurə a soŋənə ngə́, “Tɨtsɔŋnɨ ɨloŋ Ŋwi yenə ghe! Tɨtsɔŋnɨ Ŋwi a diʼnə mɨtən ɨmyi tso ɨfɔ ghe! Tɨtsɔŋnɨ, Wa bɨ Zɔ́ʼnɨ́ wa Ŋwi a tsɔʼnɨ a diʼnə mɨtən ɨmyi, mbɨ́ʼ ngə́ zɨ wa a tɛ́mnɨ́ a ɨshi Ŋwi ɨwɨgɨnə nkǎŋ ɨbɔmbɨma ɨbɨgɨnə nɨ njwi nɨ ɨtfúʼ bɨ maʼnə ayi a fu a fɔməbvurə ghe.

Nkyɛʼə 10:8

Ma tíʼ nkwiʼ ndzuʼ nji za ma kwɛ́nɨ́ ndzúʼ ɨ lo a fɔməbvurə ngamə a mbó me lá ɨ bə nkwiʼ ngam a mbó me, ɨ soŋ ngə́, “Ghɛn ndɔgɨ aŋwaʼnɨ zə karɨnɨ za bɨ ŋaʼnɨ, za a tsinɨ a mu abó Ntsendá Ŋwi za ɨ tɛ́gɨ́nɨ́ a táʼ aku ɨyi atú sagɨrə wu ngwi nɨ táʼ wu mɔʼɔ atú ɨshe lá.”

Nkyɛʼə 10:4

Tsɛʼ mbáʼ mbəŋ tsə bɨʼkɨnɨ tsa tsi samba múʼnɨ́, ma kə́ ndǒ ɨ ŋwaʼnə ghe. Lá ma zúʼ nji zɨ tse za ɨ lónɨ́ a fɔməbvurə ɨ soŋ ngə́, “Lɛn a nkubə anu za mbəŋ tsə bɨʼkɨnɨ tsa tsi samba soŋnə; njimbɨʼ o ŋwaʼnɨ a zɛrə ghe!”

1 Tesalonaika 3:11

A Ŋwi ɨwɨgɨnə, nkɨ mbe Tarɨ zɨmboŋ bo Maʼmbyí Yeso ɨwɨgɨnə kyaŋtɨ ndóm a mbó bɨgɨ ɨ yen a mbó bɨŋ ə!

Ɛbal 8:2

Wɛrə a faʼə tso Ntumshe wu Ngwi a mu Adiʼ za a Fɛmnɨ ntsa Atsum, lá be ngə́, a mu ngótɨ́ ntaŋ wa a vwúnɨ́ Maʼmbyí nkeʼ be ŋwɔn mɨsɔŋ a ntsu be.

Nkyɛʼə 22:3

Bɨ chi ghɨ keʼ azúm za Ŋwi a lɔʼnɨ zɛ́n a mu ntáʼmbagə wu wi wa. Abərɨ a Ŋwi abɔʼnɨ abərɨ a Mɔn Mbyindzɨ wa ghɨ tsí a mu ntáʼmbagə wu wi wa, á ngaŋ afaʼ Ŋwi ngúʼsə́ ayi ɛ.