Nkyɛʼə 20:2 - Mɨkan wu Fi

² Wɛrə a fé a dragɔn, ɨnyo bənguʼ za — lá be ngə́, Dəbɨrɨ, kə Satan — nkorɨ ayi nɨ mɨnkɨ mɨ atɨŋə atú ɨlom táʼ nchwuʼ ə.

Nkyɛʼə 20:2 Referans Kwoze

2 Bita 2:4

Ŋwi a sé ghɨʼtɨ mbó ɨmyi a nye bɨtsen bɨ ndá bɨ Ŋwi ba bɨ ghɨ́nɨ́ mɨbvu, lá wɛrə a máʼ awa a mu ɨmugɨ nɨnkoŋ wa, adiʼ wa bɨ korɨnɨ awa nɨ mɨnkɨ ndɛn a mu ndzumnɨ, ntsǐŋ Njwi Nɨsáʼ ə.

Nkyɛʼə 12:9

Bɨ tyíŋ a tə́fəm dragɔn wa ɨ maʼ a ntáʼə — ɨnyo bənguʼ za bɨ tɔ́ŋnə́ ngə́ Dəbɨrɨ, kə Satan, mbáʼ ɨ támtɨ́nɨ́ atuəshe atsum lá. Bɨ máʼ ayi a shiʼ ngyen atuəshe, ndzɔŋ nkwiʼtɨ ɨtsendá Ŋwi ɨchi ɨtsum ə.

Judɨ 1:6

Waʼtɨnə bɨtsen bɨ ndá bɨ Ŋwi ba bɨ sé ghɔŋ a mu ɨfɨʼ za mɨtən ɨma kɔʼnɨ nkuʼ ɨwu, lá mbaŋnɨ nyɛʼ adiʼ a nchyɛ aza lá: bɨ korɨ awa nɨ mɨnkɨ mɨ atɨŋə mə nɨnkoŋ a mu ndzumnɨ za ɨ tsinɨ a mbyishe, adiʼ wa Ŋwi a lɛnɨ awa ɨwu ntsǐŋ Njwi zɨ ngwi za bɨ ghɨnɨ sáʼ awa ɨ sóŋ ngə́ bo vwo ɨsáʼ lá.

Yoane 12:31

Tɨtsɔŋnɨ a nɨ nyom á bɨ sáʼ ɨbɛn bɨ mbyi ziŋ ə; nkfu ɨ kuʼ za bɨ mɨ gháʼ a zɨ wa a sáʼnɨ́ mbyi ziŋ ə.

1 Bita 5:8

A nɨ ŋaʼ ɨtoŋnɨ ɨtsən nkɨ ntsi a nɨkyerɨ ə! Ngaŋ kɨban ɨzən, Dəbɨrɨ, a númə́ nkárə́, ɨ múʼə tso afon ndǒ a ŋwɔn wa wɛrə a mɨ kfurə.

Ɛbal 2:14

Mbáʼ ɨbɛn ba a tɔ́ŋnə́ nɨ ɨbɔ ɨbyi, a nɨ tsɛʼ ɨbɛn bɨ mɨsɔŋ a ntsu lá, nə nɨ anu za wɛrə kɨ́nɨ́ nkɨ́ mbe ŋwɔn mɨsɔŋ taŋ ɨ tsa a ndzum nɨvwo ɨ zhwi adaʼ a ŋwɔn wa a ghɨnə ɨbɛn kfonə, mbe lá Dəbɨrɨ ə.

Roma 16:20

A nye ndóm məwen, Ŋwi, zɨ wa a ghánɨ́ mbɔnɨ a mɨ bɛʼtɨ a Satan ɨ tsagɨ a shwúrɨ́ mɨku bən a nye məkum a nkfu ə. A abɔŋəntəm a Maʼmbyí Yeso Kristo ɨwɨgɨnə a tsi a mbó bɨŋ ə.

Yoane 16:11

za bo kwaʼtɨnɨ mbɨ́ʼ nɨsáʼ nɨ Ŋwi ka a kuʼnɨ ayi mbɨ́ʼ ngə́ bɨ kwɛnə sáʼ a nsaʼlaʼ atuəshe wen nchɛrɨ ɨsáʼ ɨyi ngə́ a vwo ɨsáʼ ə.

Nkyɛʼə 13:2

Ɨnyam mɨbaʼ za fí angwabaʼ, mɨku ɨmyi be tso mə bɛ, ntsu ɨyi fi ntsu afon ə. Dragɔn a tíʼ ngá adaʼ azhi, abərɨ azhi abɔʼnɨ mɨtən ɨmyi ma mɨ ghaʼnɨ lá a mbó ɨnyam mɨbaʼ za.

Nkyɛʼə 12:17

Ntɔŋ dragɔn lánɨ́ ndwi a nye mangye wa, wɛrə a tiʼ ndo ngɛn a ntó abvuʼ a ɨbɛn bɨ ɨlə̌ mangye wa, bo ba bɨ zúʼnɨ́nɨ́ ntɨgə Ŋwi nkə́ ndzɔ̌ŋ nkənu za Yeso a kyɛ́ʼnɨ́ lá nɨ táʼ ntəm ə. Dragɔn a tíʼ ntɛ́m a ngə́rɨ́ sagɨrə wu ngwi ə.

Nkyɛʼə 12:15

Dragɔn a tíʼ twɔ́kɨ́ nkyi a ntsu zɨ wa ɨ fínɨ́ a mɨzam a ndzum mangye wa, taŋ nkyi wa ɨ kwə́ŋnɨ́nə́ lá ɨ kwəŋ ayi ngɛn nɨ zɨə.

Nkyɛʼə 12:13

Mbáʼ dragɔn a zhínɨ́ ngə́ bɨ máʼnə ayi a shiʼ ngyen atuəshe lá, wɛrə a tíʼ mbiʼnɨ a fúrɨ́ mangye wa a jwínɨ́ a mɔn mbáŋnɨ́ wa lá.

Marɨkusɨ 5:7

ntiʼ mbugɨ tsɛʼ nɨ nji zɨ ntən, ɨ sóŋə́ ngə́, “Yeso, Mɔn Ŋwi Akɔ́ʼɔ́ntsɨrə o tsi nɨ anu zə tse a ngɨə bɔgə le? Ma buʼ mbó a mbó gho nɨ ɨkum Ŋwi, koʼ ngɨ́ʼ a mbó me ghaə.”

Matyo 8:29

Mbáʼ bo bómnɨ́ a Yeso lá, bo byí ntɔ́nkɨ́ mbitɨ ngə́, “Mɔn Ŋwi, bɨgɨnə tsi lá nɨ anu ake le? O yen ɨghan lá a nɨ́ŋ ngɨ́ʼ a nye bɨgɨ bɔŋ á nkfu za ɨ kuʼnɨnɨ ɨ yen le?”

Nkyɛʼə 13:4

Ŋwɔn tsum a ghúʼsɨ́ a dragɔn mbɨ́ʼ ngə́ wɛrə a ghánə mɨtən ɨmyi a mbó ɨnyam mɨbaʼ za. Bo kɨ́ ngúʼsɨ́ ɨnyam mɨbaʼ za ɨ soŋə ngə́, “Ɨwa chi be tso ɨnyam mɨbaʼ le? Ɨwa chi tó a zɛrə le?”

Nkyɛʼə 9:11

Bo tsi nɨ ɨfɔ wa a sáʼnə́ awa, mbe ntsendá Ŋwi za ɨ lə́ŋtɨ́nə́ abɨ́ a kfúrɨ́mándzó za. Ɨkum ɨyi a nye nɨgham nɨ bə Ɛbal nɨ Abadɔn; a nye nɨgham nɨ bə Grikɨ ɨ nɨ Abolyɔn (ndiʼ lá ngə́ “Ntsənkɨ wa”).

Matyo 19:29

A ŋwɔn tsum wa a nyɛʼtɨnɨ ndá kə ɨbɔmbɨma bə mbáŋnɨ́ kə ɨbɔmbɨma bə bəngye kə a ta ɨyi kə a nɨmi ɨyi kə ɨbɔ ɨbyi kə ɨbɨŋ ɨshe ɨchi mbɨ́ʼ ɨkum ɨghan, a mɨ bə tsi nɨ tsɛrə nkfu táʼ nkɨ, ɨ kɨ kwarɨ ntsi ntən nɨnkoŋ ə.

Marɨkusɨ 4:15

Ɨbɛn bə mɔʼɔ be lá tso mbum nchwi tsa tsɨ vwókɨ́nɨ́ abɔʼ ndómnji lá. Tsɛʼ mbáʼ bo zuʼnɨ, Satan a byi ntiʼ ngyen, ndɔgɨ nɨgham na bɨ warɨnɨ a mu ntəm bo lá ndo nɨ nɛrə ghe.

Nkyɛʼə 12:3

Alɨgɨ zə kɨʼnɨnɨ zə mɔʼɔ a kwíʼ fú a ɨshe a nɨkaŋ ə. A bé tə́fəm dragɔn wa a kɨ́nə́ mbaŋə wa a tsínɨ́ nɨ ɨtú tsi samba abɔʼnɨ mɨndɔ́ŋ mi nɨghúm, ɨsáʼfɔ tsi atú ɨtú tsa ɨtsum ə.

Nkyɛʼə 12:4

Wɛrə a shwúʼ a táʼ adiʼ mbáʼ bɨ yɛbtɨnɨ mɨndzɔŋ a nɨkaŋ ɨdiʼ tsi tárə́ nɨ nkon ɨyi ɨ nyɛʼ a mɛrə atuəshe. Wɛrə a tɛ́m a ɨshi mangye wa taŋ ɨ kfurɨ a mɔn ɨyi wa tsɛʼ mbáʼ mangye wa mɨ byi jwi a wɛrə ghe.

Nkyɛʼə 20:7

Mbáʼ ɨlom tsa táʼ nchwuʼ tsanə, bɨ mɨ fɨgɨ a satan adiʼ wa bɨ kórɨ́nɨ́ ayi ɨwu lá, ɨ nyɛʼtɨ ə.

Nkyɛʼə 20:10

Bɨ tíʼ maʼ a Dəbɨrɨ wa a támtɨ́nɨ́ awa lá a mu sagɨrə ɨmugɨ wa ɨ tənɨ be tɨ́sə́n, adiʼ wa bɨ kwɛ́nə maʼ ɨnyam mɨbaʼ za abɔʼnɨ ntom Ŋwi ɨchwenu za ɨwu lá. Bɨ mɨ diʼ ngɨ́ʼ nɨ bo nɨ njwi nɨ ɨtfúʼ nɨnkoŋ nɨnkoŋ ə.