Nkyɛʼə 2:9 - Mɨkan wu Fi

⁹ Ma zhi ngɨ́ʼ ɨzɨŋ ə; ma zhi ngə́ nɨ nɨ ɨfúm ə — lá nɨ lanɨ mbe lá ngaŋ nkáb ə! Ma zhi ɨnu tsɨ tɔmnɨnɨ tsa ba bɨ soŋnɨ ngə́ bo nɨ bə Yuda tɨ be bə Yuda, a bɨ sóŋnə́ mbɨ́ʼ awɨŋ ə; bo nɨ ngǒtə Satan ə!

Nkyɛʼə 2:9 Referans Kwoze

Nkyɛʼə 3:9

Zuʼnə! Mbɨ́ʼ ngǒtə za ɨ tsinɨ a mbó Satan lá, ngaŋ ɨchwenu tsa bo soŋnɨ ngə́ bo nɨ bə Yuda tɨ be bɛrə lá, ma mɨ ghɨ á bo yen nkwem mɨkwiʼtɨ ɨma a ɨshi bɨŋ ə. Bo bɨtsum mɨ zhi ngə́ ma kɔŋ awɨŋ ə.

2 Korɨnto 8:9

Nɨ zhi abɔŋəntəm a Maʼmbyí Yeso Kristo ɨwɨgɨnə ghe; wɛrə a tsí nɨ afuʼ tsɛʼ nkə, lá ngɨ atuəmbəm azhi a nye afúm mbɨ́ʼ atú azən, taŋ ɨ ghɨ awən a nye ngaŋ afuʼ ɨ tsa a ndzum afúm azhi ɛ.

Roma 9:6

Ka ma sóŋə́ aghan lá ngə́ akaʼ a Ŋwi a se fuə; mbɨ́ʼ ngə́ ka a be ayi ɨbɔ bɨ Izrai bɨtsum ba a nɨ ɨbɔ bɨ Ŋwi ə.

2 Korɨnto 6:10

bɨ báʼtə́ nɨ́ŋə́ adzə́ŋnɨ a nye bɨgɨ ɨ nɨŋnɨ lá, bɨgɨ dorɨnɨ nkfu tsum; bɨgɨ tsi tso ngə́ bɨgɨ nɨ ɨfúm lá bɨgɨ ghanə afuʼ a mbó ɨbɛn bə ghaʼnɨ a ntsǎ a ndzum nkən wu shiʼnɨ wa bɨgɨ sóŋnə́ a mbó bo; ntsi tso ngə́ bɨgɨ nɨ bɨ mbômbô tɨ azúm lá ntsi nɨ azúm atsum ə.

1 Timotyo 6:18

Soŋ a mbó bo ngə́ á bo ngɨ̌ ɨbɔŋ, ngɨ̌ ɨnu tsɨ shiʼnɨ tsɛʼ a nkan, ngǎ abó, nkɨ ntsi nɨ ntəm ngyɛbtɨ ɨdzúm ɨtsa bo bɨ ɨbɛn bə mɔʼɔ ghe.

Alukasɨ 4:18

“Azhwi a Maʼmbyí a tsi atú me, mbɨ́ʼ ngə́ a tsɔʼ aghan ngə́ á ma yen nɨ nkən wu shiʼnɨ a mbó ɨfúm ə. A tyigɨ aghan ngə́ á ma fɨʼtɨ a mbó ngaŋ atsáŋ ngə́ bɨ mɨ nyɛʼtɨ awa, á bɨfɨgɨ bə ndze ɨdiʼ; ɨ kɨ ghɨ á bɨ nyɛʼtɨ ɨbɛn ba bɨ zhíʼnə́ awa

Nkyɛʼə 2:2

Ma zhi anu za nɨ ghɨnə ghe; ma zhi adzaŋ za nɨ faʼnə nɨ adaʼ azən atsum abɔʼnɨ nchigə za nɨ tsinə nɨ zɛrə ghe. Ma zhi ngə́ nɨ chi keʼ bemtɨ bɨntɔmnɨnɨ ə. Ma kɨ nji ngə́ nɨ zhwəŋtɨnə ɨbɛn ba bɨ soŋnɨ ngə́ bo nɨ ntóm Yeso tɨ be tsɛrə lá, ntiʼ nji ngə́ bo nɨ ngaŋ ɨchwenu ə.

Alukasɨ 6:20

Yeso a líŋ bɨyɛʼ ɨbyi ɨ soŋ ngə́, “Nɨdorɨ tsi a mbó bɨŋ, ɨfúm; mbɨ́ʼ ngə́ Nɨfɔ nɨ Ŋwi nɨ ɨnɨŋ ə!

Roma 12:12

A ntsiŋə ɨzən nɨ ntəm ɨwɨŋ ɨtsum gha nɨdorɨ a mbó bɨŋ ə, á nɨ tsi nɨ nchigə a mu ngɨ́ʼ, nkə́ ntsáʼtə́ a Ŋwi tsɛʼ nkfu tsum ə.

Roma 5:3

Bɨgɨnə kə́ ntɛ́rə́ mbɨ́ʼ ngɨ́ʼ ɨzɨgɨnə, mbɨ́ʼ ngə́ bɨgɨnə zhi ngə́ ngɨ́ʼ ghɨə bɨgɨnə tsinə nɨ achigəntəm

1 Timotyo 1:13

le buŋ, a mbyi ma ghám ɨnu tsɨ tɔmnɨnɨ mbɨ́ʼ ayi, ndɨgɨ ayi nkɨ ndzɔm ayi ɛ. Lá Ŋwi a kó a mɨlɨŋnɨ ɨghan mbɨ́ʼ ngə́ ma bvúrɨ́ tɨ tsi nɨ abeməntəm, ma lan, ma sá zhi anu za ma kɨ́nə́ ngɨ̌ nkfu məwa.

1 Tesalonaika 3:4

Mbɨ́ʼ ngə́, mbáʼ bɨgɨ bvúrɨ́nɨ́ ntsi bɨgɨnə lá, bɨgɨ sóŋ a mbó bən bɔŋ a nkfu nkuʼə ngə́ bɨ ghɨ dɨ́gɨ́ awɨgɨ ə; adzaŋ za nɨ kɨnɨ nkɨ nji ɨ shiʼnɨ lá, a nɨ ndəŋndəŋ anu za a fúnə́.

2 Korɨnto 8:2

Bɨ zhwəŋtɨnə awa a nye nji adaŋ ntsa a ndzum ngɨ́ʼ za bo zɛ́nə́ ghe. Bo baʼtɨ mbe be ɨfúm lá, nɨdorɨ ɨna gháʼ be tɨ́sə́n a nye ndóm wa bo ghánə́ tə́ ndə́ŋtə́ ghe.

Roma 8:35

Ɨwa chi tiʼ santɨ, ɨ fɨgɨ awɨgɨnə a mu akɔŋnɨ a Kristo le? A nə́ ngɨ́ʼ chi ghɨ, kə ntwɛʼ mɨlwi ɨ shwen kə nghagə za bɨ ghágɨ́nə́ awɨgɨnə kə nji kə afúm kə nɨbɔgɨ ngə́ anu a tɨbɔŋ a mɨ fu kə nɨvwo le?

Nkyɛʼə 7:14

Ma chwɨ́gɨ́ ngə́, “Tə̧, ka ma zhi aghə. A zhi gho ghe.” Wɛrə a sóŋ a mbó me ngə́, “Nə nɨ ɨbɛn ba bɨ loŋnɨ ɨ fu a mu ndɨgə zɨ ntən za. Bo sugɨnɨ bɨtɔgɨ ɨba nɨ alɛm a Mɔn Mbyindzɨ wa ngɨ a bɛrə bɨ fugɨnə ghe.

Alukasɨ 22:65

Bɛrə kɨ́ nchwé ɨnu tsɨ ghaʼnɨ atú wɛrə nkɨ ndzɔm ayi ɛ.

Alukasɨ 12:21

Yeso a tíʼ ndwɨgɨnɨ ngə́, “Lə nɨ adzaŋ za a bénə́ a mbó ɨbɛn ba bɨ kwɛ́ʼnɨ́ ɨdzúm a ɨnɔ a mbó ɨtumbəm ɨtsa, lá mbe ɨfúm a ɨshi ɨmɨgɨ Ŋwi ə.”

Roma 2:17

A mbó gho wa o soŋnɨ ngə́ o nɨ ŋwɔn bə Yuda, o zɛʼtɨ a nye Nyɔngɔŋ nkə́ ntɛ́rə́ ngə́ o nɨ táʼ a tɨtərɨ ɨbɛn bɨ Ŋwi;

Ɨfaʼ 26:11

Nkfu tsə ghaʼnɨ ma nɨ́ŋ ngɨ́ʼ a nye bo a mu ndáŋwi bə Yuda, nkɨ njwəŋtɨ a ngɨə á bo nyɛʼ abeməntəm aza ghe. Ma lwí ntɔŋ a nye bo tɨ́sə́n ɨ kɔʼ kuʼ ɨfɨʼ za ma kɨ́nə́ fúrə́ awa ngěn nɨ ntáʼmbagə tsɨ wi tsɨ ɨtóm ɨtóm a ndɨ́gɨ́ bo ghe.”

Ɨfaʼ 14:22

Bo nɨ́ŋ mɨntəm mɨ ɨbɛn ba bɨ nɨ́ŋnɨ́ mɨntəm ɨma a nye Kristo nkɨ ngwɔŋtɨ awa ngə́ á bo keʼ chiʼnɨ a mu abeməntəm aza ghe. Bo díʼ awa ngə́, “Bɨgɨnə mɨ zagɨ ze ngɨ́ʼ zɨ ngwi bɔŋ ɨ kon a mu Nɨfɔ nɨ Ŋwi ə.”

Yoane 16:33

Ma soŋ a məzen a mbó bən lá taŋ á nɨ tsi nɨ mbɔnɨ a ntsǎ a ndzum adzaŋ za nɨ tsinɨ a mbúm bɨgɨnə ghe. Atuəshe mɨ diʼ ngɨ́ʼ a mbó bɨŋ ə. Lá nɨ kotɨ mbáŋnɨ́ ɨtsɨŋ ə! Awa ma ghaʼnə atuəshe!”

Matyo 4:10

Yeso a tíʼ nchwɨ́gɨ́ ngə́, “Lotɨ a ɨshi me a Satan! Aŋwaʼnɨ a Ŋwi a soŋ ngə́, ‹O mɨ ghuʼsɨ tsɛʼ a Maʼmbyí Ŋwi ɨgho ɨ kə́ faʼnə tsɛʼ wəmbo ə!› ”

Nkyɛʼə 1:9

A nɨ me Yoane, mɨma ɨwɨŋ ə. Me tso táʼ ŋwɔn wa a zɔŋnə a Yeso, ma nɨ ŋwɔn aku ɨwən a nye adzaŋ za ma chigɨnɨ ntəm a mu ngɨ́ʼ za ɨ yenə a mbó ɨbɛn ba bɨ tsinɨ a mu nɨfɔ ɨni ɛ. Bɨ tságɨ́ aghan a Batɨmɔsɨ, adiʼ za nkyi karɨsɨnɨ mbɨ́ʼ ngə́ ma sóŋ anu a Ŋwi abɔʼnɨ ɨnu tsa bɨgɨ zɛ́nɨ́ mbɨ́ʼ a Yeso ghe.

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

Nkyɛʼə 2:24

Lá abvuʼ azən za nɨ tsinɨ a Tiatira, nɨ ton awən ɨnu abɨgəntəm tsen tsa bɨ diʼnə lá: nɨ se yɛʼ ɨnu tsa bə mɔʼɔ tɔ́ŋnə́ ngə́, ‹ɨnu nkubə tsə Satan tsə shwinə›. Ma soŋ a mbó bən ngə́ ma mɨ kaʼ bə ntɛgɨ abyɛʼ zə mɔʼɔ atú bɨŋ ə.