Nkyɛʼə 2:5 - Mɨkan wu Fi

⁵ A nɨ waʼtɨ adiʼ za nɨ tɛ́mnɨ́ ɨwu bɔŋ ɨ tiʼ bə bəntə! A nɨ bəŋ mɨntəm ɨmən a nye mɨbvu ɨmən mbɨŋə ngɨ̌ mɨnu ma nɨ kɨ́nə́ ngɨə a ntsambyi ɛ. Be nɨ tú bəŋ mɨntəm ɨmən a nye mɨbvu ɨmən muŋ ma mɨ yen a mbó bən ɨ tsɔʼ atɛkɨ a nkaʼ azən adiʼ wa a tɛmnɨ ɨwu ə.

Nkyɛʼə 2:5 Referans Kwoze

Nkyɛʼə 3:19

Ma ghamtə nkə́ nɨ̌ŋ ngɨ́ʼ a nye ŋwɔn tsum wa ma kɔŋnə. A nɨ mbɛ́bə́ a mbəŋ mɨntəm ɨmən a nye mɨbvu ɨmɨŋ ə.

Nkyɛʼə 2:16

Tɨtsɔŋnɨ, nɨ bəŋ mɨntəm ɨmən a nye mɨbvu ɨmɨŋ ə! Be nɨ tú lá ɨ ghɨ, muŋ mɨmboŋnɨ ma mɨ yen a mbó bən ɨ tiʼ tǒkɨ ɨbɛn məba nɨ lumban wa a fúnə́ a ntsu me lá.

Nkyɛʼə 2:19

Ma zhi ɨnu tsa nɨ ghɨnə ghe. Ma zhi akɔŋnɨ za nɨ tsinɨ nɨ zɛrə a nye me, adzaŋ za nɨ faʼnə nɨ táʼ ntəm, afaʼ azən abɔʼnɨ nchigə ɨzɨŋ ə. Ma zhi ngə́ nɨ faʼə tɨtsɔŋnɨ ntsa adzaŋ za nɨ kɨ chinə faʼə a ntsambyi ɛ.

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

Alukasɨ 1:17

A mɨ byigɨ mbyi Maʼmbyí, á Azhwi a ghɨ á wɛrə a tən, ɨ be wu ngwi tso Ntom Ŋwi za ɨkum ɨyi bénɨ́ Alaja lá. A mɨ bə bosɨ bɨtarɨ bo bɨ ɨbɔ wədiʼ ə; ɨ byigɨ ngaŋ atɨŋətú á bɨ bə mbən a ndóm akwaʼtɨ a ɨbɛn ba bɨ chinɨnə; a mɨ kyaŋtɨ ɨbɛn bɨ Maʼmbyí á bɨ ntíʼə ntsíŋə́ a wɛrə ghe.”

Alukasɨ 20:16

“A mɨ yen zhwitɨ ɨbɛn ba ɨ tiʼ gha ɨshwom wa a mbó ngaŋ afaʼ tsə daŋ ə.” Ɨbɛn ba zuʼnə a məzen lá ɨ soŋ ngə́, “A Ŋwi a keʼ nyɛʼtɨ adzaŋ anu zen á fuə!”

Marɨkusɨ 12:9

Yeso a bítɨ́ ngə́, “Mboŋ ɨshwom wa a mɨ tiʼ ghɨ ɨ nə́ le? Wɛrə a mɨ yen ɨ zhwitɨ ɨbɛn ba wɛrə a tɛ́gɨ́nɨ́ ɨshwom mɨntam mɨ atɨ ɨyi wa a mbó bo ɨ tiʼ gha a wɛrə a mbó ɨbɛn bə daŋ ə.

Nkyɛʼə 2:2

Ma zhi anu za nɨ ghɨnə ghe; ma zhi adzaŋ za nɨ faʼnə nɨ adaʼ azən atsum abɔʼnɨ nchigə za nɨ tsinə nɨ zɛrə ghe. Ma zhi ngə́ nɨ chi keʼ bemtɨ bɨntɔmnɨnɨ ə. Ma kɨ nji ngə́ nɨ zhwəŋtɨnə ɨbɛn ba bɨ soŋnɨ ngə́ bo nɨ ntóm Yeso tɨ be tsɛrə lá, ntiʼ nji ngə́ bo nɨ ngaŋ ɨchwenu ə.

Galesha 5:4

Bən ba nɨ lɔnɨ ntɛmnə a ɨshi ɨmɨgɨ Ŋwi a ntsǎ a ndzum ndzuʼnɨ Nyɔngɔŋ Mǒse lá, nɨ fɨgɨnɨnə ɨtumbəm ɨtsən a nye Kristo ghe. Nɨ ton awən abɔŋəntəm a Ŋwi ə.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

Ɛbal 10:32

Lá nɨ waʼtɨ adzaŋ za a tsínɨ́ nɨ bən a mbyi ɛ. A nye njwi mətsa, mbáʼ nɨ fómnɨ́ nɨŋ mɨntəm ɨmən a nye Nkən wu Shiʼnɨ lá, nɨ zé ngɨ́ʼ a mbó ɨnu tsə ghaʼnɨ, lá ngɨ́ʼ məzen ɨ sé awən gháʼə.

Nkyɛʼə 16:9

Bɨ tɔ́n awa nɨ ndomə zɨ tən, bo tiʼ ndɔʼ ɨkum Ŋwi, zɨ wa a tsinɨ nɨ mɨtən atú ngɨ́ʼ tsiŋ ə. Lá bo sé bəŋ mɨntəm ɨma a nye mɨbvu ɨma ɨ tiʼ kɨ gha nɨfáŋ a mbó Ŋwi ə.

Matyo 5:14

Nɨ tsi lá tso nkaʼ a mu mbyi ɛ. Ntáʼmbagə wu wi wa bɨ korɨnɨ atú a ntáʼ chi keʼ lyɛmtə.

Matyo 5:15

Ka ŋwɔn tse a nchwúʼə ayi nkaʼ nkúbɨ́nə́ nɨ nkagɨ ə; a baŋnə ntɛ́gə́ atú atɛkɨ a nkaʼ, adiʼ wa ɨ ghánɨ́ nkaʼ a mbó ŋwɔn tsum a mu ndá ə.

Filibi 2:15

taŋ á nɨ chi be bɨmbuʼ ɨ keʼ nɨ ɨfərɨ wu tse tsi tso ɨbɔ bɨ Ŋwi ba bɨ kɔʼnɨ ntɛm ngə́ tsáŋ, ba bɨ tsínə́ a mu mbyi za ɨ lonɨ nɨ nkobɨ abɔʼnɨ ngaŋ ngɨ mɨbvu ə. Nɨ tsi nɨ ɨ zagɨ ɨ tánə tso mɨndzɔŋ ma mɨ tánə́ a nɨkaŋ,

2 Bita 3:17

Lá bən, nə bɨson ɨban, nɨ kwɛnə nji a məziŋ ə. A nɨ tiʼ ndə̌ ɨtú ɨtsən, taŋ á ɨbɛn ba bɨ se a nyɔngɔŋ a ndě keʼ awən shwuŋ nkon nɨ bən a mu ɨfənu ɨtsa, á nɨ vwo ɨ fu a mu adiʼ azən za a tsinɨ tɨ ngɨ́ʼ ə.