Nkyɛʼə 2:3 - Mɨkan wu Fi

³ Nɨ tsi nɨ nchigə, nɨ kɨnə nkɨ ndze ngɨ́ʼ mbɨ́ʼ atú azan, nkeʼ kɨ ntsɔʼ mbó ɨmən ɨwu ə.

Nkyɛʼə 2:3 Referans Kwoze

Ɛbal 10:36

Nɨ tsi nɨ nchyɛ nɨ achigəntəm taŋ ɨ chi ghɨ anu za Ŋwi a lɔnə, ɨ tiʼ kwarɨ a za wɛrə a káʼnɨ́ awən ɨwu ə.

Ɛbal 12:1

Ma lan, mbáʼ bətɛmə-ndzě a ɨnɔ karɨsɨnɨ awɨgɨnə lá, á bɨgɨnə tiʼ nkɨ nyɛʼ ntasɨ tsum abɔʼnɨ ɨbvu ɨtsum wa ɨ korɨnɨ awɨgɨnə tso ŋwɔn a laʼnɨ a mu mɨndyiʼ, ntintɨ a tsɛrə ndɛn táʼ bagɨ ə. A bɨgɨnə nkɨə nɨkɨə nɨ amaŋnɨ na nɨ tsinɨ a ɨshi bɨgɨnə nɨ achigəntəm,

Galesha 6:9

Ma lan, á bɨgɨnə keʼ kán a ngɨ ɨnu tsɨ shiʼnɨ; mbɨ́ʼ ngə́ be bɨgɨnə tú kyɛntɨ a ngɨ ɨnu tsɨ shiʼnɨ, muŋ nkfu ghɨ yen za bɨgɨnə ghɨ fuʼ a za bɨgɨnə bínə́.

Kolose 1:11

A Ŋwi a ghɨ á nɨ ntɨ́ŋə́ nɨ adaʼ za a lonɨ a mbó mɨtən ma a nɨ mə nɨfáŋ ɨni, taŋ á nɨ chi chigɨ ntəm a nye ɨnu ɨtsum nɨ nchigə abɔʼnɨ nɨdorɨ ə.

Yoane 15:21

Bo mɨ dɨgɨ awən lá mbɨ́ʼ ngə́ nɨ zɔŋə aghə; mbɨ́ʼ ngə́ bo se zhi a ŋwɔn wa a tságɨ́nɨ́ aghə.

1 Korɨnto 13:7

Akɔŋnɨ a ghɨə ɨbɛn chigɨnɨ ntəm a nye ɨnu ɨtsum ə. Akɔŋnɨ a ghɨə ɨbɛn nɨŋənɨ mɨntəm ɨma a nye ɨnu ɨtsum, nchyɛ̌ nɨ ntsiŋə nɨ ntəm ɨtsum a nye ɨnu ɨtsum nkə́ nkorɨ ntəm a nye ɨnu ɨtsum ə.

Nkyɛʼə 3:10

Mbáʼ nɨ lɛnə nɨgham ɨnan na nɨ lɔnə ngə́ á nɨ tsi nɨ nchigə, ma mɨ kɨ baʼtɨ awən a mbó nkfu ngɨ́ʼ zen za ɨ yenə atuəshe a njwə́ŋtɨ́ ɨbɛn bɨ atuəshe bɨtsum lá.

Ɛbal 6:15

Abraʼm a tsí nɨ nchigə, ma lan, wɛrə a kwárɨ́ a za Ŋwi a káʼnɨ́ ayi nɨ zɛrə ghe.

Ɛbal 6:12

Ka bɨgɨ ndǒ awɨgɨ ngə́ á nɨ bəŋ ɨnarɨ ə. Lá bɨgɨ lǒ ngə́ á nɨ be tso ɨbɛn ba bɨ nɨŋnɨ mɨntəm ɨma a nye Kristo nkɨ ntsi nɨ nchigə, ma lan, məzen a ghɨ á nɨ kwarɨ a za Ŋwi a káʼnɨ́ lá.

Ɛbal 6:10

Ka Ŋwi a ndiʼə ayi nkyerɨ ə. Wɛrə a mɨ keʼ lɨgɨnɨ ɨfaʼ wa nɨ fáʼnɨ́ kə akɔŋnɨ za nɨ díʼnɨ́ wəmbo a nye adzaŋ za nɨ ghánɨ́ akwatɨ nkə́ mbvúrə́ ngǎ akwatɨ a mbó ɨbɛn ba bɨŋ bo nɨŋnɨ mɨntəm ɨmən a nye Kristo lá.

1 Timotyo 4:10

Bɨgɨnə nyuʼnə nkə́ fáʼə nɨ ɨtən, mbɨ́ʼ ngə́ bɨgɨnə nɨŋ ntsiŋə ɨzɨgɨnə nɨ ntəm ɨtsum a nye Ŋwi, zɨ wa a tsinɨ ntən, mbe Ndoŋ ŋwɔn tsum, tɨ́sə́n tɨ́sə́n, ɨbɛn ba bɨ nɨŋnɨ mɨntəm ɨma a nye Ŋwi ə.

2 Tesalonaika 3:13

Lá bən, nə ɨbɔmbɨma, á nɨ zagɨ keʼ nkə̌ a ngɨ ɨbɔŋ ə.

2 Korɨnto 4:16

Ma lan, ka bɨgɨ ntsɛ́gɨ́nə́ awɨgɨ ɨnye ə. Ntsi mbyi mbəmnye ɨtsɨgɨ báʼtə́ ndékə́ ngěn lá, ntsi mbyi azhwi ɨtsɨgɨ baŋnə nkwiə nɨ njwi nɨ njwi ə.

2 Korɨnto 4:1

Ma lan, mbáʼ a nɨ mbɨ́ʼ a mɨlɨŋnɨ Ŋwi mbáʼ bɨgɨ faʼnə afaʼ məzen lá, ka bɨgɨ ntsɛ́gɨ́nə́ awɨgɨ ɨnye ə.

Roma 12:12

A ntsiŋə ɨzən nɨ ntəm ɨwɨŋ ɨtsum gha nɨdorɨ a mbó bɨŋ ə, á nɨ tsi nɨ nchigə a mu ngɨ́ʼ, nkə́ ntsáʼtə́ a Ŋwi tsɛʼ nkfu tsum ə.

Roma 8:25

Lá be bɨgɨnə ntsiŋə azúm za bɨgɨnə se ndzě nɨ ntəm ɨwɨgɨnə ɨtsum, bɨgɨnə tsiŋənə nɨ nchigə ghe.

Alukasɨ 14:27

Ŋwɔn tsum wa mbáʼ a chi keʼ byɛʼ abaŋnɨ-baŋnɨ azhi ndzɔŋ a ndzum me, a chi keʼ be ngyɛʼ ɨghə.

Nkyɛʼə 1:9

A nɨ me Yoane, mɨma ɨwɨŋ ə. Me tso táʼ ŋwɔn wa a zɔŋnə a Yeso, ma nɨ ŋwɔn aku ɨwən a nye adzaŋ za ma chigɨnɨ ntəm a mu ngɨ́ʼ za ɨ yenə a mbó ɨbɛn ba bɨ tsinɨ a mu nɨfɔ ɨni ɛ. Bɨ tságɨ́ aghan a Batɨmɔsɨ, adiʼ za nkyi karɨsɨnɨ mbɨ́ʼ ngə́ ma sóŋ anu a Ŋwi abɔʼnɨ ɨnu tsa bɨgɨ zɛ́nɨ́ mbɨ́ʼ a Yeso ghe.

2 Bita 1:6

ɨ kwiʼtɨ nchwatɨ ɨnye a nye azhyɛ azən; ɨ kwiʼtɨ achigəntəm a nye nchwatɨ ɨnye ɨzən; ɨ kwiʼtɨ ngɨ ɨnu tsa Ŋwi a lɔnə a nye achigəntəm azən;

1 Tesalonaika 1:3

Bɨgɨ wáʼtə́ a ɨshi Ŋwi ɨwɨgɨnə, zɨ wa nɨ Tarɨ, adzaŋ za abeməntəm azən a ghɨnə nɨ faʼnə, adzaŋ za akɔŋnɨ azən a ghɨ́nɨ́ nɨ faʼnə nɨ adaʼ azɨŋ atsum, abɔʼnɨ adzaŋ za ntsiŋə nɨ ntəm tsum ɨzɨŋ ɨ tɛmnɨ ntɨŋə ngə́ twə́ŋ a nye Maʼmbyí ɨwɨgɨnə Yeso Kristo ghe.

2 Korɨnto 11:23

Bo nɨ ngaŋ afaʼ Kristo le? Be ma soŋ adzaŋ məwa, ma nɨ ŋwɔn afaʼ wa a tsanɨ awa bɨtsum ə. Ma ghamə lá tso abarə ghe. Ma faʼnə ntsa, ma konə atsáŋ nkfu tsə ghaʼnɨ ntsa, bɨ ləŋnə aghan nɨ ngwan nkfu tsə ghaʼnɨ ntsa, ma kɨnə nkɨ ntsi a ntsu nɨvwo nkfu tsə ghaʼnɨ ntsa.

2 Korɨnto 5:9

Ma lan, kə bɨgɨ tsi a mu mbəmnye zɨ atuəshe zen bɨgɨ bɨ Maʼmbyí kə nkeʼ bɨgɨ bo tsi muŋ, za bɨgɨ lɔnə ntsa atsum a nɨ ngə́ á bɨgɨ ngɨə á ɨnye ɨzhi mbɔ́ŋə́ ghe.

Roma 2:7

Ɨbɛn ba bɨ sě nkə̌ a ngɨ ɨnu tsɨ shiʼnɨ, ɨ faʼə ndǒ nɨghaʼ, nkɔʼsə atɨ́ abɔʼnɨ ntsi ntən za bo láʼnɨ́ keʼ kfo; Ŋwi a ghɨ gha ntsi ntən nɨnkoŋ a mbó bo ghe.

Alukasɨ 18:1

Yeso a tíʼ ná nɨgham a mbó bɨyɛʼ ɨbyi taŋ ɨ diʼ a mbó bo ngə́ á bo ghɔŋ a mu atsaʼtɨ a Ŋwi tə́ mbɔ́rɨ́kə́ ghe.

Alukasɨ 8:15

Mbum tsa tsɨ vwókɨ́nɨ́ atú ɨshe nɨkomə lá, tsɨ diʼ lá ɨbɛn ba bɨ zuʼnɨ anu a Ŋwi ndɛn a zɛrə a mu ntəm wu shiʼnɨ nkə́ nchigɨ mɨntəm ɨma ɨ kɔʼ kuʼ nkfu za a ghɨ yen nɨ anu zə shiʼnɨ ə.”

Ɛbal 13:13

Ma lan, á bɨgɨnə ghɛn nɨ mbyi nkwatɨ ayi abyɛn balɨgɨ ntiʼ nkɨ nkwarɨ adɨrətú za wɛrə a kwárɨ́nə́ ghe.

1 Timotyo 5:17

Ɨtú ndáŋwi tsa tsɨ faʼnɨ ɨfaʼ wu shiʼnɨ tso bɨntsagɨnɨ, bɨ tsi nɨ ndɔgɨ bo tso ngə́ bo kuʼnɨ a nkwárɨ́ nkáb afaʼ ɨza nkfu tsi bá, tɨ́sə́n tɨ́sə́n bo ba bɨ faʼnɨ ɨ shiʼnɨ a sóŋə́ ɨ kə́ diʼnə anu a Ŋwi ə.

2 Tesalonaika 3:8

Bɨgɨ sé kwárɨ́ mɨdzɨ mɨ ŋwɔn tsɛrə tɨ tfu nkáb ɨzhi ɛ. Bɨgɨ kə́ mbaŋnə fáʼə nkə́ nyúʼnə́; bɨgɨ kə́ faʼə nəzhwɨgɨnɨ bo nɨ ɨtfúʼ taŋ ɨ keʼ abyɛʼ a mbó ŋwɔn nɨ bən wu tse be ə.

2 Tesalonaika 3:5

A Maʼmbyí a tsagɨnɨ awən a ndzúʼə ɨ kɨ zhi ɨ ghɛn nɨ mbyi nɨ akɔŋnɨ a Ŋwi abɔʼnɨ achigəntəm, tso mbáʼ Kristo a kɨ́nɨ́ nkɨ́ nchigɨ lá.

1 Tesalonaika 2:9

Ɨbɔmbɨma ɨbɨgɨ, nɨ wáʼtə́ adzaŋ za bɨgɨ fáʼnɨ́ nkɨ nyúʼnə́! A nkfu za bɨgɨ kɨ́nə́ sǒŋ Nkən wu Shiʼnɨ wa ɨ lonɨ a mbó Ŋwi a mbó bən lá, bɨgɨ fáʼ nɨ ɨtfúʼ nɨ njwi taŋ ɨ keʼ abyɛʼ zə tsɛrə a mbó bən be ə.

Filibi 4:3

Gho, ŋwɔn aku ɨghan wa a faʼnə tsɛʼ nɨ táʼ ntəm, ma lǒ ngə́ o kwatɨ bəngye ben; mbɨ́ʼ ngə́ bo faʼnə bɨgɨ bo tsɛʼ nɨ adaʼ aza atsum a ndaʼ nkən wu shiʼnɨ ə. Bo faʼə bo bɨ Klɛmɛn abɔʼnɨ ngaŋ afaʼ tsə mɔʼɔ ɨtsum tsa bɨgɨ bo faʼnə abó mɔ́ʼɔ́, tsa mɨkum ɨma tsinɨ a mu aŋwaʼnɨ a ɨbɛn ba bɨ tsinɨ ntən lá.

Filibi 2:16

a sóŋ nkən ntsi ntən wa a mbó bo ghe. Be nɨ ghɨ ma lan, muŋ ma ghɨ tsi nɨ anu za ma ghɨnɨ tiʼə ŋuʼənɨ ɨnye ɨzan mbɨ́ʼ awən nɨ zɛrə a Njwi wa Kristo a lo bə yen, mbɨ́ʼ ngə́ a ghɨ diʼ ngə́ adaʼ azə atsum abɔʼnɨ afaʼ azə atsum se adaŋədaŋə tsaə.

Galesha 6:2

A nɨ nkwátɨ́ ngɨ́ʼ a nye ŋwɔn nɨ ŋwɔn ə. Adzaŋ məwen, nɨ mɨ zúʼnɨ́nə́ a nyɔngɔŋ Kristo ghe.

2 Korɨnto 10:15

Ma lan, ka bɨgɨ ntɛ́rə́ awɨgɨ mbɨ́ʼ ɨfaʼ wa ɨbɛn bə daŋ faʼnɨ ntsa fəŋ ɨfɨʼ za Ŋwi a nɨ́ŋnɨ́ a mu mbó bɨgɨ ə. Bɨgɨ baŋnə ntsiŋə nɨ ntəm tsum ngə́ abeməntəm azən a chi kwi, taŋ á bɨgɨ chi faʼ a tɨtərɨ bən ɨ ghɛn nɨ mbyi ɨ tsa adzaŋ za bɨgɨ fáʼnɨ́ a mbyi, ɨ keʼ fəŋ ɨfɨʼ za Ŋwi a ghanɨ a mbó bɨgɨ ə.

2 Korɨnto 6:5

ndəŋ bɨgɨ nɨ ngwan, ɨ farɨ bɨgɨ atsáŋ, ngvugɨ ndum, njiʼ bɨgɨ nɨ afaʼ, ndye a nɨkyerɨ abɔʼnɨ nchyɛ nɨ nji ɛ.

Roma 16:12

A nɨ tɔŋtɨ a Trɨfina abɔʼnɨ Trɨfosa, bo ba bɨ faʼnə a mbó Maʼmbyí lá. A nɨ tsaʼtɨ a Bəsisɨ mbɔŋ ɨson ɨghan wa a faʼnə nɨ adaʼ azhi atsum a mbó Maʼmbyí lá.

Alukasɨ 21:19

Nɨ tɛm ntɨŋə ngə́ kɔ́ŋ, nɨ mɨ loŋ ɨtumbəm ɨtsɨŋ ə.”

Marɨkusɨ 15:21

A ndómnji bo bóm a ŋwɔn wu tse wa ɨkum ɨyi bénɨ́ Samɔn ə. Samɔn məwen a ló ayi a mu alaʼ nkúŋə́ ngyíŋə́ a mu ntáʼmbagə wu wi, bɨgwe ba chwa ayi ɨ nyəm a wɛrə a byɛʼ abaŋnɨ-baŋnɨ a Yeso za. (Samɔn a bé ŋwɔn bə Sirin, mbe ta bɨ Alɛgɨsanda bo Rufusɨ ə.)

1 Tesalonaika 5:12

Ɨbɔmbɨma, bɨgɨ bǔʼ mbó a mbó bən ngə́ á nɨ ndǐʼ mbɔm zɨ shiʼnɨ a mbó ɨbɛn ba bo faʼnə a tɨtərɨ bən, bo ba bo tsɨŋnɨnə nkə́ ntɨ́gɨ́tə́ awən a nye ntsi mbyi ɨzən tso ɨbɛn ba bɨ zɔŋnə a Kristo lá.

1 Korɨnto 16:16

ngə́ á nɨ ndzúʼnɨ́ ɨbə́ŋ ɨbɛn tso mətsen, nkə́ ndzúʼnə́ a ŋwɔn tsum wa a faʼnə tso bo ghe.

Alukasɨ 5:5

Samɔn a chwɨ́gɨ́ ngə́, “Tə̧, bɨgɨ lye tsɛʼ a nyuʼnə a nyuʼnə lá nkeʼ tsɛʼ a təgho koə. Lá be a soŋ gho ma mɨ tam mɨghoŋ ə.”