Ka Maʼmbyí a shwuŋə ayi ɨnye a ngɨ anu za a kaʼnə, tso mbáʼ bə tse kwaʼtɨnə lá. Wɛrə baŋnə nchyɛ̌ nɨ nchigə bɨŋ zɨ, mbɨ́ʼ ngə́ ka a ndǒ ayi ngə́ á bɨ tsənkɨ a ŋwɔn tse, lá mbáŋnə́ ndǒ ngə́ á bɨtsum bəŋ mɨntəm ɨma a nye mɨbvu ɨma ghe.
Bɨ tɔ́n awa nɨ ndomə zɨ tən, bo tiʼ ndɔʼ ɨkum Ŋwi, zɨ wa a tsinɨ nɨ mɨtən atú ngɨ́ʼ tsiŋ ə. Lá bo sé bəŋ mɨntəm ɨma a nye mɨbvu ɨma ɨ tiʼ kɨ gha nɨfáŋ a mbó Ŋwi ə.
A nɨ ze nchigə Maʼmbyí tso abárɨ́ za wɛrə a ghánə́ a mbó bən, á bɨ loŋ awən, tsɛʼ tso mbáʼ mbɔŋ mɨma ɨwɨgɨnə Baolo a ŋwáʼnɨ́nɨ́ a mbó bən, ɨ faʼə nɨ zóŋ wa Ŋwi a ghánɨ́ a mbó zɨ lá.
Mətsiŋ bé lá ɨzhwi ɨbɛn ba bo sé zuʼnɨ a Ŋwi a nkfu za wɛrə a kɨ́nə́ ntsiŋə tsɛʼ nɨ achigəntəm a nye njwi tsa Nua a kɨ́nə́ ntǒ abáŋ a nkyi azhi za lá. Mbum ɨbɛn ba bɨ tsínɨ́ a mu abáŋ a nkyi za — bɨtsum bé bi nɨfə̧ — nkyi wa ɨ lóŋ awa,
Ndəŋndəŋ anu nɨ nkənu mbɨ́ʼ anu za Ŋwi a ghɨnə ghe. Wɛrə a kə́ ndǒ ndiʼ alwɛntɔ́ŋ azhi, ɨ kɨ ghɨ á bɨ zhi mɨtən ɨmyi ɛ. Lá wɛrə a tsí nɨ nchigə abɔʼnɨ achigəntəm a nye ɨbɛn ba ntɔŋ ɨyi kɨ́nə́ ndwɛ̌ a nye bo, bo ba bɨ tsínɨ́ ɨ ghɨ tsənkɨ awa lá.