Nkyɛʼə 2:2 - Mɨkan wu Fi

² Ma zhi anu za nɨ ghɨnə ghe; ma zhi adzaŋ za nɨ faʼnə nɨ adaʼ azən atsum abɔʼnɨ nchigə za nɨ tsinə nɨ zɛrə ghe. Ma zhi ngə́ nɨ chi keʼ bemtɨ bɨntɔmnɨnɨ ə. Ma kɨ nji ngə́ nɨ zhwəŋtɨnə ɨbɛn ba bɨ soŋnɨ ngə́ bo nɨ ntóm Yeso tɨ be tsɛrə lá, ntiʼ nji ngə́ bo nɨ ngaŋ ɨchwenu ə.

Nkyɛʼə 2:2 Referans Kwoze

1 Yoane 4:1

O bɨson ɨban, á nɨ keʼ nɨŋ mɨntəm ɨmən a nye ɨbɛn bɨtsum ba bɨ kaŋnə ngə́ bo tsi nɨ Azhwi za, lá á nɨ zhwəŋtɨ awa a ndzé ngə́ a lə azhwi za bo tsinɨ nɨ zɛrə a lo a mbó Ŋwi kə ngáŋ ə. Mbɨ́ʼ ngə́ ntóm Ŋwi ɨchwenu ghɛnə nɨ ɨdiʼ ɨtsum ə.

1 Tesalonaika 5:21

A nɨ njwə́ŋtɨ́ ɨnu ɨtsum; ndě a za a bɔŋnɨ

Nkyɛʼə 3:8

Ma zhi ɨnu tsa nɨ ghɨnə ghe; ma zhi ngə́ adaʼ azən a kɨ́gɨ́ ə; nɨ zɔŋnə ɨnu tsa ma díʼnɨ́ awən nɨ tsɛrə, nɨ kə́ faʼə a mbó me nɨ táʼ ntəm ə. Zɛnə azɨŋ ə, ma ŋaʼnə ntsu ndá a ɨshi bən wa ŋwɔn tse a chi keʼ vwuʼnə.

2 Timotyo 2:19

Lá atsé ndá za Ŋwi a tumnɨ bɨ chi keʼ a zɛrə chiʼtɨ; bɨ kɨ ŋwaʼnɨ mɨgham men wu atú ngə́: “Maʼmbyí a zhi ɨbɛn ba bɨ nɨ ɨbyi” abɔʼnɨ “Ɨbɛn bɨtsum ba bɨ soŋnɨ ngə́ bo tsi a mbó Maʼmbyí mɨ zagɨ bəŋ mɨntəm ɨma a nye ɨbvu ə.”

1 Tesalonaika 1:3

Bɨgɨ wáʼtə́ a ɨshi Ŋwi ɨwɨgɨnə, zɨ wa nɨ Tarɨ, adzaŋ za abeməntəm azən a ghɨnə nɨ faʼnə, adzaŋ za akɔŋnɨ azən a ghɨ́nɨ́ nɨ faʼnə nɨ adaʼ azɨŋ atsum, abɔʼnɨ adzaŋ za ntsiŋə nɨ ntəm tsum ɨzɨŋ ɨ tɛmnɨ ntɨŋə ngə́ twə́ŋ a nye Maʼmbyí ɨwɨgɨnə Yeso Kristo ghe.

Galesha 1:7

Tsɛʼ a nkənu, ka anu zə tse a tsi ayi ɨwu tso “Nkən wu shiʼnɨ wədaŋ ə”, lá ma soŋ a zen lá mbɨ́ʼ ngə́ ɨbɛn bə tse tsi ɨwu ba bɨ bvǔrɨnɨ ɨtú ɨtsən, ndɔ́btɨ́ nkwebɨ nkən wu shiʼnɨ mbɨ́ʼ a Kristo ghe.

Nkyɛʼə 3:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.

Ɛbal 6:10

Ka Ŋwi a ndiʼə ayi nkyerɨ ə. Wɛrə a mɨ keʼ lɨgɨnɨ ɨfaʼ wa nɨ fáʼnɨ́ kə akɔŋnɨ za nɨ díʼnɨ́ wəmbo a nye adzaŋ za nɨ ghánɨ́ akwatɨ nkə́ mbvúrə́ ngǎ akwatɨ a mbó ɨbɛn ba bɨŋ bo nɨŋnɨ mɨntəm ɨmən a nye Kristo lá.

Ɛfɛso 4:14

taŋ á bɨgɨnə keʼ bə mbvurɨ mbe tso ɨbɔ bə bɔrɨ ba bɨ bémnɨ́ ɨnu ɨtsum tsa bɨ diʼnə awa nɨ tsɛrə tə ntɔ́ʼnə́ lá. A ntám za ngaŋ ɨchwenu diʼnə keʼ shwuŋ awən nkwebtɨ ɨdiʼ nɨ bən tso kɨfɛrɨ ə. Ngaŋ ndiʼ ɨchwenu mətsiŋ tíntɨ́ ɨbɛn bɨ vwonə atám nɨ atú nɨ nkob za bo báʼnə́ ghe.

Nkyɛʼə 2:9

Ma zhi ngɨ́ʼ ɨzɨŋ ə; ma zhi ngə́ nɨ nɨ ɨfúm ə — lá nɨ lanɨ mbe lá ngaŋ nkáb ə! Ma zhi ɨnu tsɨ tɔmnɨnɨ tsa ba bɨ soŋnɨ ngə́ bo nɨ bə Yuda tɨ be bə Yuda, a bɨ sóŋnə́ mbɨ́ʼ awɨŋ ə; bo nɨ ngǒtə Satan ə!

Nkyɛʼə 2:6

Lá za nɨ ghɨnə za a bɔŋnɨ a zɛnə: nɨ bə̌ ɨnu tsa bə Naikolaitan ghɨnə tsɛʼ adzaŋ za ma kɨnɨ nkɨ mban lá.

Nkyɛʼə 3:15

Ma zhi ɨnu tsa nɨ ghɨnə ghe; ma zhi ngə́ ka nɨ shwě awən nkeʼ nkə́ ndómə́ ghe. A ghɨ́ ake á nɨ shwě kə ndómə́ le!

Matyo 7:23

A nkfu məwa á ma soŋ a mbó bo ngə́, ‹Ma láʼ nkáʼ awən zhyɛ. Nɨ lokɨ a ɨshi me bɨŋ ngaŋ abɨgəntəm!› ”

Yoane 6:6

(Yeso a sóŋ a məzen lá a njwə́ŋtɨ́ Firɨbɔ ghe; wɛrə zɨmboŋ a kwɛ́nə nji anu za zɨə mɨ ghɨə.)

Nkyɛʼə 2:5

A nɨ waʼtɨ adiʼ za nɨ tɛ́mnɨ́ ɨwu bɔŋ ɨ tiʼ bə bəntə! A nɨ bəŋ mɨntəm ɨmən a nye mɨbvu ɨmən mbɨŋə ngɨ̌ mɨnu ma nɨ kɨ́nə́ ngɨə a ntsambyi ɛ. Be nɨ tú bəŋ mɨntəm ɨmən a nye mɨbvu ɨmən muŋ ma mɨ yen a mbó bən ɨ tsɔʼ atɛkɨ a nkaʼ azən adiʼ wa a tɛmnɨ ɨwu ə.