Nkyɛʼə 2:16 - Mɨkan wu Fi

¹⁶ Tɨtsɔŋnɨ, nɨ bəŋ mɨntəm ɨmən a nye mɨbvu ɨmɨŋ ə! Be nɨ tú lá ɨ ghɨ, muŋ mɨmboŋnɨ ma mɨ yen a mbó bən ɨ tiʼ tǒkɨ ɨbɛn məba nɨ lumban wa a fúnə́ a ntsu me lá.

Nkyɛʼə 2:16 Referans Kwoze

2 Tesalonaika 2:8

Bɨ mɨ tiʼ kyɛʼ a Ŋwɔn Abɨgəntəm ə. Lá a nkfu za Maʼmbyí Yeso a yenɨ, wɛrə a mɨ zhwitɨ ayi nɨ azhwi za a funɨ a ntsu zɨ, ɨ kɨ tsənkɨ ayi nɨ nkaʼ wa ɨ dzinkɨnə ɨfúə wə ɨnye adzaŋ za a yenə ghe.

Nkyɛʼə 1:16

A tíʼtɨ́ mɨdzɔŋ mi samba a mu abó azhi zə maʼə, lumban ndzum ɨtsum wu ntsɛgɨnɨ a fú wə ɨmu ntsu ə. Ɨshi ɨyi kə́ ŋwankə tso ntsu nɨnyom a ntənɨ nyom ə.

Nkyɛʼə 2:5

A nɨ waʼtɨ adiʼ za nɨ tɛ́mnɨ́ ɨwu bɔŋ ɨ tiʼ bə bəntə! A nɨ bəŋ mɨntəm ɨmən a nye mɨbvu ɨmən mbɨŋə ngɨ̌ mɨnu ma nɨ kɨ́nə́ ngɨə a ntsambyi ɛ. Be nɨ tú bəŋ mɨntəm ɨmən a nye mɨbvu ɨmən muŋ ma mɨ yen a mbó bən ɨ tsɔʼ atɛkɨ a nkaʼ azən adiʼ wa a tɛmnɨ ɨwu ə.

Ɛfɛso 6:17

A nɨ lɔgɨ ɨloŋ tso akáŋə́tú, á nɨgham nɨ Ŋwi tsi tso ɨŋwi mbáʼ za Azhwi a Ŋwi a ghánə́ a mbó bɨŋ ə.

Nkyɛʼə 19:21

Bɨ zhwítɨ́ abvuʼ a ɨbɛn nɨ lumban wa a jigɨnɨnɨ a ntsu zɨ wa a kɔ́ʼnɨ́ atú ɨnyamənkárə́ za; bɨsɨ́ŋ ba bɨtsum tíʼ nkfúrɨ́ ɨnyam ɨnye ɨtsa nkuʼ ndvuŋ wa bo chínɨ́ kfurɨ, nzhwurɨ ə.

Nkyɛʼə 19:15

Lumban wu ntsɛgɨnɨ a jígɨ́nɨ́ a ntsu zɨə. Wɛrə mɨ lɔgɨ lá a wɛrə ɨ gháʼ ɨlaʼ ɨwu ə. Wɛrə a mɨ sáʼ awa nɨ mɨtən tso a sáʼə nɨ mbaŋ atɨŋə, ɨ kɨ kám mɨntam mɨ atɨ mɨ nyɛtɨ mɨluʼ ma a mu adiʼ a nkám mɨluʼ za, mbáʼ lá chwusətú mɨlwi Ŋwi Tamɨtən Mɨtsum lá.

Nkyɛʼə 2:12

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Bɛgamum ngə́: Nə nɨ nkən wa ɨ lonɨ a mbó zɨ wa a tsinɨ nɨ lumban ndzum ɨtsum wu ntsɛgɨnɨ ə.

Nkyɛʼə 3:19

Ma ghamtə nkə́ nɨ̌ŋ ngɨ́ʼ a nye ŋwɔn tsum wa ma kɔŋnə. A nɨ mbɛ́bə́ a mbəŋ mɨntəm ɨmən a nye mɨbvu ɨmɨŋ ə.

Nkyɛʼə 22:7

Yeso a soŋ ngə́, “Zhwiʼtə! Mɨmboŋnɨ, ma mɨ yiŋə! Nɨdorɨ tsi a mbó bo ba bɨ zúʼnɨ́nɨ́ mɨgham men ma bɨ ŋwaʼnɨnɨ a mu aŋwaʼnɨ zen mɨ ghamnə mbɨ́ʼ a za a mɨ fu tɨtsɔŋnɨ abɔʼnɨ za a ghɨnɨ fú a nkfu ndzum lá!”

Nkyɛʼə 16:9

Bɨ tɔ́n awa nɨ ndomə zɨ tən, bo tiʼ ndɔʼ ɨkum Ŋwi, zɨ wa a tsinɨ nɨ mɨtən atú ngɨ́ʼ tsiŋ ə. Lá bo sé bəŋ mɨntəm ɨma a nye mɨbvu ɨma ɨ tiʼ kɨ gha nɨfáŋ a mbó Ŋwi ə.

Nkyɛʼə 22:20

Zɨ wa a chwitɨnɨ mɨnkən men mɨtsum, a sóŋə́ ngə́, “E, tsɛʼ nkənu, ma mɨ yen a nye məkum a nkfu ə!” A be lá. Yiŋə a Maʼmbyí Yeso!