Nkyɛʼə 2:10 - Mɨkan wu Fi

¹⁰ A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

Nkyɛʼə 2:10 Referans Kwoze

Jemsɨ 1:12

Nɨdorɨ tsi a mbó ba bɨ chigɨnɨ ntəm a nkfu za bɨ zhwəŋtɨnɨ awa, mbɨ́ʼ ngə́ be bo tsa abə́ŋ a njwəŋtə məza muŋ bo mɨ kwarɨ mɨkyaŋnɨ ma mɨ lá ntsi mbyi za Ŋwi a kaʼnɨ a mbó ba bɨ kɔŋnɨ ayi ɛ.

Matyo 10:22

Ŋwɔn tsum a ghɨ ban awən mbɨ́ʼ atú azə. Lá ŋwɔn tsum wa a chigɨnɨ ntəm ɨ ghɛn kuʼ a ndwitə, bɨ ghɨ loŋ ayi ɛ.

1 Bita 5:4

A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

Marɨkusɨ 13:13

Ɨbɛn bɨtsum ghɨ tiʼ ɨ bə̌nə awən mbɨ́ʼ aghə. Lá ŋwɔn tsum wa a korɨnɨ ntəm ngɛn fu a ndwitə, bɨ ghɨ loŋ ayi ɛ.”

Ɛfɛso 6:12

Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

Nkyɛʼə 2:9

Ma zhi ngɨ́ʼ ɨzɨŋ ə; ma zhi ngə́ nɨ nɨ ɨfúm ə — lá nɨ lanɨ mbe lá ngaŋ nkáb ə! Ma zhi ɨnu tsɨ tɔmnɨnɨ tsa ba bɨ soŋnɨ ngə́ bo nɨ bə Yuda tɨ be bə Yuda, a bɨ sóŋnə́ mbɨ́ʼ awɨŋ ə; bo nɨ ngǒtə Satan ə!

Matyo 24:13

Lá ŋwɔn tsum wa a ghɨnɨ kórɨ́ ntəm ɨyi ɨ ghɛn kuʼ a ndwitə, bɨ ghɨ loŋ ayi ɛ.

1 Bita 5:8

A nɨ ŋaʼ ɨtoŋnɨ ɨtsən nkɨ ntsi a nɨkyerɨ ə! Ngaŋ kɨban ɨzən, Dəbɨrɨ, a númə́ nkárə́, ɨ múʼə tso afon ndǒ a ŋwɔn wa wɛrə a mɨ kfurə.

1 Korɨnto 9:25

Ŋwɔn nɨkɨə tsum a tɛ́gɨ́ atú azhi tsɛʼ ɨ shiʼnɨ a nye mɨndóm mɨtsum tsɛʼ taŋ ɨ kwarɨ mɨkyaŋnɨ ma mɨ mɨ keʼ ghɔŋ nɨnkoŋ ə; lá bɨgɨnə ghɨə mə lan lá a nkwárɨ́ mɨkyaŋnɨ ma mɨ mɨ ghɔŋ nɨnkoŋ ə.

Matyo 10:28

A nɨ keʼ mbɔ́gɨ́ ɨbɛn ba bɨ zhwítɨ́nɨ́ mbəmnye lá nchi keʼ a gharɨ zhwitə; nɨ baŋnɨ mbɔgɨ be a Ŋwi, zɨ wa a chinɨ zhwitɨ mbəmnye bo gharɨ a mu ɨmugɨ nɨnkoŋ ə.

Nkyɛʼə 13:7

Bɨ nyɛ́ʼtɨ́ ngə́ á wɛrə a tó ɨbɛn bɨ Ŋwi, ɨ kɨ gháʼ awa ghe. Bɨ ghá mɨtən ngə́ á wɛrə a sáʼ atsé zə wi atsum, alaʼ atsum, nɨgham nɨtsum nɨ ngwəgɨ ŋwɔn mɨsɔŋ a ntsu tsum ə.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Yoane 13:2

Yeso bo bɨ bɨyɛʼ ɨbyi tsí a mɨdzɨ mɨ nkwɛfɔ ə. Dəbɨrɨ a kwɛ́nə nɨ́ŋ akwaʼtɨ a fiŋ Yeso a mu ntəm Yudasɨ Iskario wa a bénɨ́ mɔn Samɔn Iskario ghe.

Yoane 12:25

Ŋwɔn tsum wa a kɔŋnɨ ntsi ntən ɨzhi, a mɨ sam a zɛrə; ŋwɔn wa a banɨ ntsi ntən ɨzhi atuəshe wen, a mɨ lɛn a zɛrə taŋ ɨ ghɨ tiʼ tsi ntən nɨnkoŋ ə.

Alukasɨ 21:12

Bɔŋ á ɨnu tsiŋ ɨtsum fuə, le buŋ, bɨ mɨ kǒtɨ awən ɨ dɨgɨ awɨŋ ə; bɨ mɨ gha awən nɨ ndáŋwi bə Yuda ngə́ á bɨ sáʼ awən ɨ nɨŋ atsáŋ; bɨ mɨ gha awən a mbó bɨfɔ abɔʼnɨ bɨsáʼ bɨ ɨlaʼ mbɨ́ʼ atú azə.

Marɨkusɨ 8:35

Mbɨ́ʼ ngə́ Ŋwɔn tsum wa mbáʼ a lɔnɨ ndoŋ ntsi mbyi ɨzhi a mɨ sam a zɛrə; lá ŋwɔn tsum wa a samnɨ ntsi mbyi ɨzhi mbɨ́ʼ aghan abɔʼnɨ nkən wu shiʼnɨ, a mɨ loŋ a zɛrə ghe.

Nkyɛʼə 13:2

Ɨnyam mɨbaʼ za fí angwabaʼ, mɨku ɨmyi be tso mə bɛ, ntsu ɨyi fi ntsu afon ə. Dragɔn a tíʼ ngá adaʼ azhi, abərɨ azhi abɔʼnɨ mɨtən ɨmyi ma mɨ ghaʼnɨ lá a mbó ɨnyam mɨbaʼ za.

Ɨfaʼ 21:13

Lá wɛrə a chwɨ́gɨ́ ngə́, “Nɨ ghɨə lá ake adzaŋ wiŋ ə, mbúgə́ a nye ndóm wen ɨsɔ́bɨ́ ntəm ɨghan le? Ma kyaŋtɨ ɨnye ɨzan ngə́ á bɨ keʼ aghan tsɛʼ korɨnɨ korɨ a Yerosalɛm, lá be a be be nkfǒ ɨwu mbɨ́ʼ atú a Maʼmbyí Yeso, ma tsi ɨwu ə.”

Ɨfaʼ 20:24

Lá, a mbó me, ma lɔgɨ ntsi mbyi ɨzan a nye azúm adaŋədaŋə; ma lǒ tsɛʼ ɨ mɛtɨ za ma funɨ abyɛn a faʼə ɨ kɨ mɛtɨ afaʼ za Maʼmbyí Yeso a ghánɨ́ a mbó me a faʼə ghe. Afaʼ məzen a tsi lá a sóŋ ntəm mbɨ́ʼ Nkən wu Shiʼnɨ mbɨ́ʼ abɔŋəntəm a Ŋwi ə.

Yoane 13:27

Tsɛʼ mbáʼ Yudasɨ a kwárɨ́nɨ́ abán za, Satan a kón wə mu ɨnye ə. Yeso a sóŋ wəmbo ngə́, “Tsɔʼtɨ ɨnye ɨzo, ngwaŋnɨ ngɨ anu za o mɨ zagɨ ghɨ lá!”

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

Nkyɛʼə 13:14

Wɛrə a támtɨ́ a ŋwɔn tsum wa a tsínə́ atuəshe ntsa a ndzum ɨnu tsɨ yerɨnɨ-yerɨnɨ tsa Ŋwi a nyɛ́ʼtɨ́nɨ́ ngə́ á wɛrə a ghɨ a ɨshi ntsambyi ɨnyam mɨbaʼ za. Ɨnyam mɨbaʼ za sóŋ a mbó bo ngə́ á bo bɔm a mɔn abe a nkɔ́ʼsɨ́ ɨnyam mɨbaʼ za bɨ lɛ́mnɨ́ nɨ lumban lá ɨ bvurɨ ntsi atú ntən lá atɨ́ ə.

Nkyɛʼə 17:14

Bo mɨ tǒkɨ a Mɔn Mbyindzɨ wa; lá Mɔn Mbyindzɨ wa abɔʼnɨ ɨbyi ba bɨ tsɔ́ʼnɨ́, ndzarɨ awa, bɨ kə́ ndzɔŋə ayi tsɛʼ nɨ táʼ ntəm lá, bo mɨ ghaʼ awa mbɨ́ʼ ngə́ wɛrə a nɨ Maʼmbyí bɨmaʼmbyí nkɨ mbe Ɨfɔ bɨfɔ ghe.”