Nkyɛʼə 2:1 - Mɨkan wu Fi

¹ “Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Ɛfɛso ngə́: Nə nɨ nkən wa ɨ lonɨ a mbó zɨ wa a tiʼtɨnɨ mɨndzɔŋ ma mi samba a mu abó azhi zə maʼə, zɨ wa a númnə́ ngyíŋə́ a tɨtərɨ ɨtɛkɨ nkaʼ ŋwaʼŋwaʼ tsa tsi samba lá.

Nkyɛʼə 2:1 Referans Kwoze

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

Nkyɛʼə 1:16

A tíʼtɨ́ mɨdzɔŋ mi samba a mu abó azhi zə maʼə, lumban ndzum ɨtsum wu ntsɛgɨnɨ a fú wə ɨmu ntsu ə. Ɨshi ɨyi kə́ ŋwankə tso ntsu nɨnyom a ntənɨ nyom ə.

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.

Nkyɛʼə 3:7

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Filadɛlfia ngə́: Nə nɨ nkən wa ɨ lonɨ a mbó zɨ wa a fɛmnɨ nkɨ mbe wɛrə wa a nɨ wu nkənu ə. Wɛrə a tsi nɨ akugɨ za a bénɨ́ zə Devidɨ ə. Be wɛrə a ŋaʼ ntsu ndá, ŋwɔn tse a chi keʼ a wɛrə vwuʼnə. A kɨ ngvuʼnɨ a wɛrə, ŋwɔn tse a chi keʼ ŋaʼə.

Nkyɛʼə 3:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.

Nkyɛʼə 2:18

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Tiatira ngə́: Nə nɨ nkən wa ɨ lonɨ a mbó Mɔn Ŋwi, zɨ wa ɨmɨgɨ ɨmyi kwárɨ́nə́ tso ɨmugɨ, wa mɨku ɨmyi dzinkɨnə tso broŋsɨ wa bɨ sugɨnɨ a mu alam lá.

Nkyɛʼə 2:12

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Bɛgamum ngə́: Nə nɨ nkən wa ɨ lonɨ a mbó zɨ wa a tsinɨ nɨ lumban ndzum ɨtsum wu ntsɛgɨnɨ ə.

Nkyɛʼə 2:8

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Smaina ngə́: Nə nɨ nkən wa ɨ lonɨ a mbó zɨ wa a nɨ ntsambyi ŋwɔn nkɨ mbe ntsɨrɨndzum ŋwɔn, zɨ wa a kfónɨ́ mbə́ mbən ntsi ntən wədiʼ lá.

Matyo 18:20

Mbɨ́ʼ ngə́ be ɨbɛn bi bɨbá kə bi bɨtárə́ ghotɨ táʼ adiʼ nɨ ɨkum ɨghan, ma mɨ tsi a tɨtərɨ bo ghe.”

Yoane 5:35

Yoane a bé lá tso nkaʼ, nkɨ́ə nkə́ mbáŋə́ ghe. A nye məkum a nkfu, nɨ kə́ ndǒ ndorɨkə a mu nkaʼ ɨyi ɛ.

Nkyɛʼə 12:1

Alɨgɨ zə wi za a kɨʼnɨnɨ ɨbɛn a tíʼ fú a ɨshe a nɨkaŋ ə. Alɨgɨ zen a bé mangye wa atsɛʼ azhi a bénɨ́ nɨnyom ə. Wɛrə a tsí nɨ saŋ a shwúrɨ́ mɨku zɨ, ɨsáʼfɔ za ɨ tsínɨ́ nɨ mɨndzɔŋ nɨghúm ntsɔb bá tsí atú wɛrə ghe.

Matyo 28:20

nkə́ ndiʼnə awa ngə́ á bo ndzúʼnɨ́ ɨnu ɨtsum tsa ma tɨ́gɨ́tɨ́nɨ́ awən ɨwu ə. Ma mɨ tsi bɨgɨnə nkfu ɨtsum ɨ kɔʼ kuʼ a ndwitɨ mbyi ɛ.”

Ɨfaʼ 18:19

Bo yén fu a Ɛfɛso, adiʼ wa wɛrə a nyɛ́ʼtɨ́nɨ́ a Brɨsɨla bo Akwila ghe. Wɛrə a ghɛ́n a mu ndáŋwi bə Yuda, ntáŋ ɨnu bo bɨ bə Yuda ghe.

Ɨfaʼ 18:21

Wɛrə a báŋnɨ́ soŋ a mbó bo, mbáʼ a kɨ́nə́ nyɛʼtə awa ngə́, “Be Ŋwi a bemtɨ muŋ ma mɨ bə yiŋə.” Ma lan, wɛrə a yíŋ nɨyen a mu nkyi ndo a Ɛfɛso ghe.

Ɨfaʼ 19:1

Mbáʼ Abolo a tsínɨ́ a Korɨnto lá, Baolo a yíŋ nɨyen a mu ɨdiʼ tsa tsɨ tsínɨ́ a ɨmu alaʼ, ngyen fu a Ɛfɛso ghe. Ɨwu wɛrə a zɛ́n bɨyɛʼ bə tsɛrə ghe.

2 Korɨnto 6:16

Be nɨshwim nɨ Ŋwi bo bɨ ɨbɔ bɨ abe bemnɨ lá ɨ nə́ le? Ma soŋə a məzen lá mbɨ́ʼ ngə́ bɨgɨnə lá nɨshwim nɨ Ŋwi, zɨ wa a tsinɨ ntɨŋ ə! Ŋwi zɨmboŋ a soŋ ngə́: “Ma mɨ ghɨ njwuʼ ɨzan a tɨtərɨ ɨbɛn ɨban ɨ tiʼ tsi a tɨtərɨ bɛrə; ma mɨ be Ŋwi ɨwa, á bo tiʼ mbe ɨbɛn ɨbə.