Nkyɛʼə 18:2 - Mɨkan wu Fi

² Wɛrə a tɔ́nkɨ́ nɨ nji zɨ ntən ngə́: “A wa bɨ tsənkɨnə ghe! Bɨ tsənkɨ a Babilɔn wu Ngwi ə! Bɨdzɨŋ abɔʼnɨ ɨzhwi tɨbɔŋ chyɛ̌ wə mu tɨtsɔŋnɨ; ɨbə́ŋ bɨsɨ́ŋ bə nyaʼnɨnɨ ba bɨ kɨnɨ nkɨ mban chyɛ̌ wə mu ə.

Nkyɛʼə 18:2 Referans Kwoze

Nkyɛʼə 14:8

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi bá zɔ́ŋtɨ́ a zɨ ntsambyi, ɨ sóŋə́ ngə́, “A vwonə ghe! Təkɔʼ Babilɔn a vwonə ghe! A ghɨ́ ŋwɔn tsum a no mɨluʼ ɨmyi — mɨluʼ mə tən mə ɨnu ntɔrɨ ɨlɛbɨ ɨchi ɛ!”

Nkyɛʼə 18:21

Təkɔʼ bɨ ntsendá Ŋwi zɨ tse tíʼ mbyé ngɔʼ abán zɨ faŋnɨ ɨ maʼ a zɛrə a mu sagɨrə wu ngwi ɨ soŋ ngə́, “Nə nɨ adzaŋ za bɨ ghɨnɨ tsənkɨ ntáʼmbagə wu wiəwi Babilɔn nɨ abə́ŋ adaʼ ziŋ ə, á bɨ láʼ nkeʼ a wɛrə bə ndze.

Nkyɛʼə 18:10

Bo mɨ tɛm nəghagɨ nəghagɨ mbɨ́ʼ ngə́ ka bo ndǒ awa a nchyɛ́ nɨ anu nɨ ndzě ngɨ́ʼ ɨzhi ɛ. Bo mɨ soŋ ngə́, “Zɛʼnə! Nɨ zɛʼ mbɨ́ʼ ntáʼmbagə wu wiəwi Babilɔn! Gho ntáʼmbagə wu wiəwi Babilɔn, tsɛʼ a nye táʼ nyom Ŋwi a nɨŋnə ngɨ́ʼ a nye gho ghe!”

Nkyɛʼə 17:18

Mangye wa o zɛ́nɨ́ lá, a lá ntáʼmbagə wu wiəwi wa ɨ sáʼnə́ bɨfɔ bɨ atuəshe lá.”

Nkyɛʼə 17:5

A nɨdzenɨ mangye wa bɨ ŋwáʼnɨ́ ɨkum wa anu za ɨkum məwiŋ díʼnɨ́ ɨ bénɨ́ anu a nkubə; ngə́, “Babilɔn wu ngwi, nɨmi bɨ ɨkwarɨ ɨtsum nɨ ɨtɨshwe ɨnu ɨtsum tsa ŋwɔn a se tsi nɨ ɨ byi zuʼ tsɛʼ ɨ zuʼnɨ a mu mbyi ɛ.”

Nkyɛʼə 16:19

Ɨnɛm ɨdiʼ za tíʼ ngyɛbtɨ ntáʼmbagə wu wiəwi wa a nye bɨbagɨ bɨtárə́, ntiʼ nkɨ ntsənkɨ ntáʼmbagə tsə wi a mu ɨlaʼ ɨtsum ə. Ŋwi a wáʼtɨ́ a Babilɔn wu ngwi, ntiʼ ngɨ ngə́ á ɨbɛn ba bɨ tsínɨ́ ɨwu no mɨluʼ ma mɨ tsinɨ a mu ndɔ́ŋ ɨzhi — mɨluʼ ma mɨ lá chwusətú mɨlwi ɨyi wu ntən lá.

Nkyɛʼə 16:13

Ma tíʼ ndzɛ́n ɨzhwi tsɨ tɔmnɨnɨ tsi tárə́ tsa tsɨ fínɨ́ ɨsamnkye ə. Táʼ a kə́ fúə a ntsu dragɔn wa, táʼ a funə a ntsu ɨnyam mɨbaʼ za, wu mɔʼɔ a funə a ntsu ntom Ŋwi ɨchwenu za.

Nkyɛʼə 14:15

Ntsendá Ŋwi zɨ mɔʼɔ ɨ tíʼ fú a mu nɨshwim mbugɨ nɨ nji zɨ ntən ɨ soŋ a mbó za ɨ shíʼtɨ́nɨ́ ntsi atú mbaʼ za lá ngə́, “Lɔgɨ ɨŋwi nɨfuʼ ɨzo za, ɨ fuʼ mɨdzɨ ɨwu, mbɨ́ʼ ngə́ nkfu ɨ kuʼnə ghe; nɨfuʼ nɨ atuəshe tənə ghe!”

Nkyɛʼə 10:3

Wɛrə a ghám nji ɨzhi kɔʼ atɨ́ tso ngə́ afon a múʼə́ ghe. A mɛtɨnə a ngamə, mbəŋ tsə bɨʼkɨnɨ tsa tsi samba chwɨgɨ nɨ ɨmúʼə ghe.

Nkyɛʼə 5:2

Ma kwíʼ nkɨ́ ndzɛ́n ntsendá Ŋwi zɨ ntən zɨ tse za ɨ chwítɨ́nɨ́ nɨ nji zɨ ntən ngə́, “Ɨwa a tsi nɨ ɨlɨŋ a ntə́ntɨ́ ɨfɛnwu tsen ɨ ŋaʼ aŋwaʼnɨ zə karɨnɨ zen le?”

Nkyɛʼə 1:15

mɨku ɨmyi kə́ ŋwankə nkə́ ndzínkə́ tso broŋsɨ wa bɨ sugɨnɨ a mu alam, nji ɨzhi dzuʼnə tso adiʼ a nkyi zə vwonə.

Nkyɛʼə 11:8

á ɨkfú ɨtsa tiʼ nɔnkɨ a mu kɔŋ ndóm wu ntáʼmbagə wu wi wu wi wa, adiʼ wa bɨ kwémtɨ́nɨ́ a Maʼmbyí ɨwa ɨwu lá. Ɨkum ntáʼmbagə wu wi wa a nye nɨgham nə nanɨ nɨ Sodom abɔʼnɨ Gyibto ghe.