Nkyɛʼə 17:2 - Mɨkan wu Fi

² Bɨfɔ bɨ atuəshe kə́ ngɨ̌ ɨnu ntɔrɨ ɨlɛbɨ bo bo, ɨbɛn bɨ atuəshe tíʼ mbánɨ́ mɨluʼ ma ntɨŋ akwarə za a ghánɨ́ a mbó bo, bo bo tiʼ nkɨ ngɨ ɨnu ntɔrɨ ɨlɛbɨ ə.”

Nkyɛʼə 17:2 Referans Kwoze

Nkyɛʼə 14:8

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi bá zɔ́ŋtɨ́ a zɨ ntsambyi, ɨ sóŋə́ ngə́, “A vwonə ghe! Təkɔʼ Babilɔn a vwonə ghe! A ghɨ́ ŋwɔn tsum a no mɨluʼ ɨmyi — mɨluʼ mə tən mə ɨnu ntɔrɨ ɨlɛbɨ ɨchi ɛ!”

Nkyɛʼə 18:3

Mbɨ́ʼ ngə́ ɨlaʼ ɨtsum nonə mɨluʼ ɨmyi ɛ — mɨluʼ mə tən ma mɨ ghɨnə bo ghɨnɨ ɨnu ntɔrɨ ɨlɛbɨ bo bo ghe. Bɨfɔ bɨ atuəshe tɔ́rɨ́ ɨlɛbɨ ɨtsa bo zɨ, bɨntaŋ mɨtan bɨ atuəshe tiʼ nkɨ ntsi nɨ nkáb mbɨ́ʼ ngə́ wɛrə a lǒ nchyɛ̌ nɨ ɨdzúm tə́ nzhwúrə́ ghe.”

Nkyɛʼə 18:9

Bɨfɔ bɨ atuəshe ba bɨ ghɨ́nɨ́ ɨnu ntɔrɨ ɨlɛbɨ bo bo abɔʼnɨ nchyɛ̌ nɨ ɨdzúm tə́ nzhwúrə́ lá mɨ zɛʼ ɨ kɨ bugɨ mbɨ́ʼ ntáʼmbagə zɨ ngwi məzen a nkfu za bo zɛnɨ fɨndyiʼ fuənə a nye ndwa ɨmugɨ za ɨ tɔnə a zɛrə ghe.

Nkyɛʼə 18:23

Bɨ láʼ keʼ bə ndze nkaʼ wa bɨ chwuʼnɨ ɨwu; bɨ láʼ keʼ bə ndzuʼ nji bɨmɨngən abɔʼnɨ bɨlóm bɨ mɨngən ɨwu ə. Bɨntaŋ mɨtan ɨbɨŋ tə́n ntsa bɨtsum a mu mbyi, nɨ támtɨ́ ɨbɛn bɨ atuəshe bɨtsum nɨ afu a ɨfusɨ azɨŋ ə!”

Nkyɛʼə 17:17

Mbɨ́ʼ ngə́ Ŋwi a ghɨnə ngə́ á bo tsɔʼ a mu mɨntəm ɨma a ngɨ anu za wɛrə lɔnə, a nye adzaŋ za bo faʼnə a mbúm abɔʼnɨ nga mɨtən a sáʼə a mbó ɨnyam mɨbaʼ za ɨ kɔʼ kuʼ nkfu za nɨgham nɨ Ŋwi ghɨ be nkənu ə.

Nkyɛʼə 3:10

Mbáʼ nɨ lɛnə nɨgham ɨnan na nɨ lɔnə ngə́ á nɨ tsi nɨ nchigə, ma mɨ kɨ baʼtɨ awən a mbó nkfu ngɨ́ʼ zen za ɨ yenə atuəshe a njwə́ŋtɨ́ ɨbɛn bɨ atuəshe bɨtsum lá.

Nkyɛʼə 17:13

Məben bi nɨghúm lǒ tsɛʼ táʼ anu, bo ghǎ adaʼ aza abɔʼnɨ mɨtən ɨma a mbó ɨnyam mɨbaʼ za.

Yoane 2:10

ɨ soŋ wəmbo ngə́, “Ŋwɔn tsum a fomə nɨ́ŋtə́ mɨluʼ mə shiʼnɨ ma, bɨghən ghɨ tagɨtɨ awa ɨ no, bɨ tiʼ ngyen nɨ ma ka mɨ nyɛtɨ mbɔŋ ayi lá. Lá o lɛn a mə shiʼnɨ mbaŋnɨ ngyen nɨ mɛrə be tɨtsɔŋnɨ ə!”

Nkyɛʼə 2:22

Ma lan, ma mɨ tɔʼ ayi ɨ maʼ atú ɨkon nɨghɔ wa zɨ abɔʼnɨ ɨbɛn ba bo bo chwurɨnə ɨwu lá mɨ ze ngɨ́ʼ zɨ ntən ə. Ma mɨ ghɨ a məzen tɨtsɔŋnɨ mbáʼ be bo tú bəŋ mɨntəm ɨma a nye ɨnu abɨgəntəm tsa bo ghɨ́nɨ́ bo bɨ wɛrə lá.

Nkyɛʼə 9:21

Bo sé kɨ mbəŋ mɨntəm ɨma a njwítɨ́ ɨbɛn, a nye abú aza, ɨnu ntɔrɨ ɨlɛbɨ ɨtsa kə ɨzɛrə ɨwa ghe.

Nkyɛʼə 17:5

A nɨdzenɨ mangye wa bɨ ŋwáʼnɨ́ ɨkum wa anu za ɨkum məwiŋ díʼnɨ́ ɨ bénɨ́ anu a nkubə; ngə́, “Babilɔn wu ngwi, nɨmi bɨ ɨkwarɨ ɨtsum nɨ ɨtɨshwe ɨnu ɨtsum tsa ŋwɔn a se tsi nɨ ɨ byi zuʼ tsɛʼ ɨ zuʼnɨ a mu mbyi ɛ.”

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.