Nkyɛʼə 15:2 - Mɨkan wu Fi

² Ma tíʼ ndzɛ́n azúm zə tsɛrə za a fínɨ́ a sagɨrə wu ngwi wa bɨ nyɛtɨnɨ nɨ ntsəŋ ɨləŋ wa ɨmugɨ kɨ́nə́ nkwárə́ wə mu ə. Ma kɨ́ nkwiʼ ndzɛ́n ɨbɛn ba bɨ gháʼnɨ́ ɨnyam mɨbaʼ za abɔʼnɨ mu abe ɨyi nɨ ɨnyam mɨbaʼ za nkwaʼə zɨ tse lɔ́gɨ́nɨ́ adiʼ a ɨkum ɨyi lá. Bo tɛ́mkɨ́ a ngə́rɨ́ sagɨrə wu ngwi wa bɨ nyɛ́tɨ́nɨ́ nɨ ntsəŋ ɨləŋ lá, ntiʼtɨ mɨloŋ mɨ aŋantɨ ma a ghánɨ́ Ŋwi a mbó bo

Nkyɛʼə 15:2 Referans Kwoze

Nkyɛʼə 4:6

A nkwiʼtə, a ɨshi abərɨ za azúm zə tse a nɔ́ŋ ɨwu tso sagɨrə wu ngwi wa a bénɨ́ be ntsəŋ ɨləŋ, nkə́ ŋwenə tso malum wa o lenə ndzě ndzum zɨ mɔʼɔ ghe. A nkárɨ́sɨ́ abərɨ za a nye bɨbagɨ ɨbyi bɨtsum bi nɨkwa, ɨdzúm tsɨ kaʼnɨ tsa tsɨ tsínɨ́ ntən tsi nɨkwa tsí ɨwu nɨ ɨmɨgɨ a ɨshi bo ndzum ə.

Nkyɛʼə 12:11

Ɨbɔmbɨma ɨbɨgɨnə tsí nɨ ayanguʼ atú zɨ ntsa lá a ndzum alɛm a Mɔn Mbyindzɨ za nkɨ ntsa lá a ndzum nkənu za bo chwítɨ́nə́; bo kyáŋtɨ́ ɨnye ɨtsa a ngá ntsi mbyi ɨtsa mbáʼ be a kwɛ ndiʼ ngə́ á bo kfo ə.

Nkyɛʼə 5:8

Mbáʼ a ghɨ́nɨ́ mə lan lá, ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən abɔʼnɨ bɨkum ba mɨghúm mɨmbá nɨ ntsɔb nɨkwa vwó a ɨshe a ɨshi Mɔn Mbyindzɨ wa. Bo bɨtsum tsí nɨ mɨloŋ mɨ aŋantɨ abɔʼnɨ ɨkəbɨ ŋwaʼŋwaʼ tsa tsɨ lónɨ́ nɨ alyɛn, alyɛn za a lá ɨtsaʼtɨ Ŋwi ɨbɛn bɨ Ŋwi ə.

Nkyɛʼə 21:18

Bɨ bɔ́m nká wa nɨ ngɔʼ tsa bɨ tɔ́ŋnə́ ngə́ jasɨba, nkɨ mbɔm ntáʼmbagə wu wi wa wɛrə mboŋ nɨ ŋwaʼŋwaʼ tɨ nyam, a ŋwenɨnə tso ntsəŋ ɨləŋ ə.

1 Bita 1:7

Njwəŋtə məzen tsi lá a ndiʼə ngə́ abeməntəm azən a nɨ ngótɨ́ zɛrə ghe. Tsɛʼ ŋwaʼŋwaʼ mbáʼ a nɨ azúm za bɨ chinɨ tsənkɨ, bɨ zhwə́ŋtə́ a wɛrə nɨ ɨmugɨ; ma lan, abeməntəm azən mbáʼ a nɨ azúm za a bɔŋnɨ ntsa a ŋwaʼŋwaʼ, bɨ tsi nɨ ɨ kɨ zagɨ zhwəŋtɨ a zɛrə, taŋ á chi diʼ ngə́ a nɨ ngótɨ́ abeməntəm ə. Nɨ ghɨ tíʼ kwarɨ mbontə, nɨfáŋ abɔʼnɨ nkɔʼsə atɨ́ a Njwi wa bɨ ghɨnɨ kyɛʼ a Yeso Kristo ghe.

Matyo 3:11

Ma ghǎ nkyi a mbó bən lá nɨ nkyi ngəŋ a ndiʼə ngə́ nɨ bəŋnə mɨntəm ɨmən a nye mɨbvu ɨmɨŋ ə, lá ŋwɔn wa a yenə a ndzum me a mɨ ghanɨ nkyi a mbó bən nɨ Azhwi zə Fɛmnɨ abɔʼnɨ ɨmugɨ ə. A tsa aghan be tɨsɨŋə; ka ma byi nyam nkuʼnɨ aghan a ntiʼtɨ ngobɨ ɨchi ɛ.

Nkyɛʼə 13:14

Wɛrə a támtɨ́ a ŋwɔn tsum wa a tsínə́ atuəshe ntsa a ndzum ɨnu tsɨ yerɨnɨ-yerɨnɨ tsa Ŋwi a nyɛ́ʼtɨ́nɨ́ ngə́ á wɛrə a ghɨ a ɨshi ntsambyi ɨnyam mɨbaʼ za. Ɨnyam mɨbaʼ za sóŋ a mbó bo ngə́ á bo bɔm a mɔn abe a nkɔ́ʼsɨ́ ɨnyam mɨbaʼ za bɨ lɛ́mnɨ́ nɨ lumban lá ɨ bvurɨ ntsi atú ntən lá atɨ́ ə.

1 Bita 4:12

O bɨson ɨban, á keʼ awən kɨʼnɨ adzaŋ za nɨ zɛ́nɨ́ ngɨ́ʼ a mbó adzaŋ a njwəŋtə zə ndzáŋə́ zen za nɨ zúʼnə́, tsɛʼ tso ngə́ anu zə tse za a tsanɨ mbó a fúə a nye bɨŋ ə.

Nkyɛʼə 13:1

Ma tíʼ ndzɛ́n ɨnyam mɨbaʼ zɨ tse ɨ fuənə a mu sagɨrə wu ngwi wa ngyíŋə́ ghe. Ɨ tsí nɨ mɨndɔ́ŋ mi nɨghúm abɔʼnɨ ɨtú tsi samba ghe. Atú mɨndɔ́ŋ ma mɨtsum a tsí ɨsáʼfɔ, atú ɨtú tsa ɨtsum a tsí ɨkum wa ɨ zɔmnə a Ŋwi ə.

Nkyɛʼə 13:17

Ŋwɔn tse a kɨ chi keʼ zón kə ɨ fen tɨgha a tsi nɨ alyigɨ məzen, alyigɨ za a be lá ɨkum ɨnyam mɨbaʼ za kə nkwaʼə za ɨ tɛmnɨ adiʼ ɨkum ɨyi lá.