Nkyɛʼə 15:1 - Mɨkan wu Fi

¹ Ma tíʼ ndzɛ́n alɨgɨ zə kɨʼnɨnɨ zə mɔʼɔ zə tse a fɔməbvurə a faŋ nkɨ mbe zə yerɨnə. Ɨtsendá Ŋwi tsi samba tsi ɨwu abɔʼnɨ ngɨ́ʼ tsi samba, mbe ngɨ́ʼ tsə ntsɨrɨndzum, mbɨ́ʼ ngə́ a nɨ ndwɨgɨnɨ ndzum ndóm wa Ŋwi a diʼnə a mɨlwi ɨyi ɛ.

Nkyɛʼə 15:1 Referans Kwoze

Nkyɛʼə 21:9

Táʼ ntsendá Ŋwi a tɨtərɨ ɨtsendá Ŋwi tsa tsi samba tsa tsɨ tsínɨ́ nɨ ɨkəbɨ tsa tsi samba tsa tsɨ lónɨ́ nɨ ngɨ́ʼ ntsɨrɨndzum tsa tsi samba, yén a mbó me ɨ soŋ ngə́, “Yiŋə, ma mɨ diʼ a mɨngən wa, ngwe Mɔn Mbyindzɨ wa a mbó gho ghe.”

Nkyɛʼə 19:15

Lumban wu ntsɛgɨnɨ a jígɨ́nɨ́ a ntsu zɨə. Wɛrə mɨ lɔgɨ lá a wɛrə ɨ gháʼ ɨlaʼ ɨwu ə. Wɛrə a mɨ sáʼ awa nɨ mɨtən tso a sáʼə nɨ mbaŋ atɨŋə, ɨ kɨ kám mɨntam mɨ atɨ mɨ nyɛtɨ mɨluʼ ma a mu adiʼ a nkám mɨluʼ za, mbáʼ lá chwusətú mɨlwi Ŋwi Tamɨtən Mɨtsum lá.

Nkyɛʼə 16:1

Ma tíʼ ndzúʼ nji zɨ ntən zɨ tsɛrə ɨ ghamnə a mu nɨshwim na a mbó ɨtsendá Ŋwi tsa tsi samba ngə́: “Ghɛn nchwirɨ ɨkəbɨ Mɨlwi Ŋwi tsa tsi samba atú atuəshe!”

Nkyɛʼə 14:19

Ma lan, ntsendá Ŋwi za tíʼ ghágɨ́ ɨŋwi nɨfuʼ ɨzhi atuəshe nchwántɨ́ mɨntam mɨ atɨ mɨ nyɛtɨ mɨluʼ ma a nye ɨtɨ ɨtsa, ɨ maʼ a mu təkɔʼ bɨ adiʼ a nkám mɨluʼ mbáʼ lá chwusətú mɨlwi Ŋwi lá.

Nkyɛʼə 14:10

a mɨ tiʼ no mɨluʼ mɨ mɨlwi Ŋwi ə. Ŋwi a mɨ lwi ntɔŋ ɨ tiʼ nɨŋ ngɨ́ʼ zɨ ntən a ɨnye zɨ tso ngə́ wɛrə a no mɨluʼ mə tɨŋə! Ŋwɔn tsum wa a konɨ a mu ngɨ ɨbvu məzen, bɨ ghɨ nɨŋ ngɨ́ʼ wə ɨnye a mu ɨmugɨ wa ɨ tənɨ be tɨsɨŋə. Məzen a ghɨ lɔgɨ adiʼ lá a ɨshi ɨtsendá Ŋwi tsə fɛmnɨ abɔʼnɨ Mɔn Mbyindzɨ wa.

Nkyɛʼə 11:14

Ngɨ́ʼ zɨ ngwi za ɨ zɔŋtɨnɨ a nye ɨdiʼ tsi bá ɨ minə ghe, lá ngɨ́ʼ zɨ ngwi za ɨ zɔŋtɨnɨ a nye ɨdiʼ tsi tárə́ mɨ yen a nye məbaŋtɨ ə!

Nkyɛʼə 10:3

Wɛrə a ghám nji ɨzhi kɔʼ atɨ́ tso ngə́ afon a múʼə́ ghe. A mɛtɨnə a ngamə, mbəŋ tsə bɨʼkɨnɨ tsa tsi samba chwɨgɨ nɨ ɨmúʼə ghe.

Nkyɛʼə 8:6

Ɨtsendá Ŋwi tsa tsi samba tsa tsɨ tsínɨ́ nɨ ntaŋ tsa tsi samba tíʼ nkyaŋtɨ ɨnye ɨtsa a ntɔ́ŋ tsɛrə ghe.

Nkyɛʼə 8:13

Ma tíʼ nden, ndzúʼ adzaŋ za azám a kɨ́nə́ ndyíə a təntsánɨ́ a mu ɨfɛgɨ a ghámnɨ́ nɨ nji zɨ nkɔʼnɨ atɨ́ ngə́, “Wei ngɨ́ʼ zɨ ngwi! Wei ngɨ́ʼ zɨ ngwi! Wei ngɨ́ʼ zɨ ngwi! A ghɨ tíʼ bɨ́gɨ́ be tɨ́sə́n a mbó ɨbɛn ba bɨ tsinɨ atuəshe a nkfu wa nji za ɨ funɨ a mu ntaŋ tsa abvuʼ ɨtsendá Ŋwi tsa tsi tárə́ mɨ zagɨ tɔŋə!”

Nkyɛʼə 8:2

Ma tíʼ ndzɛ́n ɨtsendá Ŋwi tsa tsi samba tsa tsɨ tɛ́mnə́ a ɨshi Ŋwi lá, bɨ ghá ntaŋ tsi samba a mbó bo ghe.

Nkyɛʼə 9:20

Abvuʼ a ŋwɔn mɨsɔŋ a ntsu, bo bɨtsum ba ngɨ́ʼ tsɨ wi tsiŋ sé awa zhwitɨ, bɨ sé bəŋ mɨntəm ɨma a nye ɨdzúm tsa bo mboŋ nyɛ́tɨ́nə́. Bo sé kyɛntɨ a ngúʼsɨ́ bɨdzɨŋ, kə ɨbɔ bɨ abe bɨ ŋwaʼŋwaʼ, bə tsə́ŋtsə́ŋ, bə broŋsɨ, bə ngɔʼ bo bɨ bə ɨtɨ, ɨdzúm tsa ka tsɨ ndzě awa ɨdiʼ, ndzǔʼ ɨnu kə ntɛ́mə́ lá.

Nkyɛʼə 17:1

Táʼ ntsendá Ŋwi a tɨtərɨ tsa tsi samba tsa tsɨ tíʼtɨ́nɨ́ ɨkəbɨ tsa tsi samba tíʼ ngyen a mbó me, ɨ soŋ ngə́, “Yiŋə, ma mɨ diʼ a mbó gho adzaŋ za bɨ mɨ nɨŋ ngɨ́ʼ a ɨnye ntɨŋ akwarə za, mbáʼ lá ntáʼmbagə wu wiəwi wa bɨ vwunɨ ɨ fatɨ bɨmɨzam bə ghaʼnɨ lá.