Biblia Todo Logo
Bib sou entènèt

- Piblisite -




Nkyɛʼə 13:8 - Mɨkan wu Fi

8 Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Gade chapit la Kopi




Nkyɛʼə 13:8
25 Referans Kwoze  

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.


Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.


Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.


Ɨbɛn ba bɨ tokɨnɨ ntsi nɨ ayanguʼ məzen mɨ wəgɨ ɨtsɛʼ tsɨ fú adzaŋ wen, á ma kaʼ kɨ fɨgɨ mɨkum ɨma a mu aŋwaʼnɨ a ɨbɛn ba bɨ tsinɨ ntɨŋ ə. A ɨshi ɨmɨgɨ Ta ɨghan abɔʼnɨ ɨtsendá ɨchi, ma mɨ soŋ ntəm ɨghan asaŋəsaŋ ngə́ məba a nɨ ɨbɛn ɨbə.


ndóm məwen wa bɨgɨnə zhinɨ a Ŋwi a nɨ wɛrə wa ɨ ghɨnə bɨgɨnə tsinə nɨ ntsiŋə nɨ ntəm tsum ngə́ bɨgɨnə ghɨ tsí nɨ ntsi ntən nɨnkoŋ ə. Ŋwi, zɨ wa a se ɨnu a nchwě, a káʼ awɨgɨnə nɨ ntsi ntən məzen bɔŋ á Ŋwi a káʼ atuəshe ə.


Lá ka azúm zə tse za a se fɛm a ghɨ kón a mu ntáʼmbagə wu wi wa, kə ŋwɔn tse wa a ghɨnɨ ɨnu adɨrətú, kə ŋwɔn tse wa a chwɛ́nɨ́ ɨnu ə. Ɨbɛn ba bɨ ghɨnɨ kón a mu ntáʼmbagə wu wi wa nɨ tsɛʼ ba bɨ ŋwaʼnɨnɨ mɨkum ɨma a mu aŋwaʼnɨ a Mɔn Mbyindzɨ za a tsinɨ nɨ mɨkum mɨ ɨbɛn ba bɨ ghɨnɨ tsí nɨnkoŋ lá.


tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”


Njwi zɨ mɔʼɔ bənə ndan, Yoane a zɛn a Yeso a yiŋənə a mbó zɨ, ntiʼ soŋ ngə́, “Mɔn Mbyindzɨ Ŋwi a yirɨ, zɨ wa a sugɨnə atuəshe a mbó mɨbvu ɨmyi ɛ!


Lá á nɨ keʼ ndórə́ be mbɨ́ʼ ngə́ ɨzhwi tsɨ tɔmnɨnɨ zúʼnə́ awɨŋ ə, nɨ ndórə́ be mbɨ́ʼ ngə́ bɨ ŋwaʼnɨnə mɨkum ɨmən a fɔməbvurə ghe.”


Gho, ŋwɔn aku ɨghan wa a faʼnə tsɛʼ nɨ táʼ ntəm, ma lǒ ngə́ o kwatɨ bəngye ben; mbɨ́ʼ ngə́ bo faʼnə bɨgɨ bo tsɛʼ nɨ adaʼ aza atsum a ndaʼ nkən wu shiʼnɨ ə. Bo faʼə bo bɨ Klɛmɛn abɔʼnɨ ngaŋ afaʼ tsə mɔʼɔ ɨtsum tsa bɨgɨ bo faʼnə abó mɔ́ʼɔ́, tsa mɨkum ɨma tsinɨ a mu aŋwaʼnɨ a ɨbɛn ba bɨ tsinɨ ntən lá.


Zuʼnə! Ma tɛm a ntsu ndá, mbúʼtə́ ghe; be ŋwɔn tse a zuʼ nji ɨzan, ɨ ŋaʼ ntsu ndá, ma kon a ndá zɨ, ntiʼ dzɨ bɨgɨ zɨə. Wɛrə mɨ kɨ dzɨ bɨgɨ zɨə.


Mbáʼ nɨ lɛnə nɨgham ɨnan na nɨ lɔnə ngə́ á nɨ tsi nɨ nchigə, ma mɨ kɨ baʼtɨ awən a mbó nkfu ngɨ́ʼ zen za ɨ yenə atuəshe a njwə́ŋtɨ́ ɨbɛn bɨ atuəshe bɨtsum lá.


Dragɔn a tíʼ twɔ́kɨ́ nkyi a ntsu zɨ wa ɨ fínɨ́ a mɨzam a ndzum mangye wa, taŋ nkyi wa ɨ kwə́ŋnɨ́nə́ lá ɨ kwəŋ ayi ngɛn nɨ zɨə.


Ma kwíʼ nkɨ́ ndzúʼ azúm zə kaʼnɨ atsum za a tsínɨ́ a fɔməbvurə, atuəshe, mbyishe, nkwiʼtɨ a sagɨrə wu ngwi — ɨdzúm tsɨ kaʼnɨ ɨtsum tsa tsɨ tsínɨ́ ntən a mu mbyi mbyi tsum — bo tiʼə ndzɔbə ngə́: “A mbó zɨ wa a shiʼtɨnɨ ntsi atú abərɨ za, nkɨ mbe a mbó Mɔn Mbyindzɨ wa, á bɨ bontɨ, nkɔʼsɨ atɨ́, nga nɨfáŋ abɔʼnɨ mɨtən a mbó bo nɨnkoŋ nɨnkoŋ ə!”


Ma tíʼ ndzɛ́n a Mɔn Mbyindzɨ wa a ŋaʼ ntsambyi fɛnwu a tɨtərɨ tsa tsi samba, nkɨ ndzuʼ azúm zə kaʼnɨ a tɨtərɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən a soŋ nɨ nji za ɨ fínɨ́ mbəŋ zɨ mbɨʼkɨnɨ ngə́, “Yiŋə!”


Wɛrə a fáʼ nɨ mɨtən mə ghaʼnɨ mə ntsambyi ɨnyam mɨbaʼ za adiʼ wa ntsambyi ɨnyam mɨbaʼ za tsínɨ́ ɨwu ə. Wɛrə a nyə́m atuəshe abɔʼnɨ ɨbɛn bɨtsum ba bɨ tsínə́ ɨwu ngə́ á bɨ ghuʼsɨ ntsambyi ɨnyam mɨbaʼ za, za alagɨ azhi a mínə lá.


Swiv nou:

Piblisite


Piblisite