Nkyɛʼə 13:7 - Mɨkan wu Fi

⁷ Bɨ nyɛ́ʼtɨ́ ngə́ á wɛrə a tó ɨbɛn bɨ Ŋwi, ɨ kɨ gháʼ awa ghe. Bɨ ghá mɨtən ngə́ á wɛrə a sáʼ atsé zə wi atsum, alaʼ atsum, nɨgham nɨtsum nɨ ngwəgɨ ŋwɔn mɨsɔŋ a ntsu tsum ə.

Nkyɛʼə 13:7 Referans Kwoze

Nkyɛʼə 11:7

Bo ghɨ mɛ́tɨ́ a nchwítɨ́ nkən wa, ɨnyam mɨtsɛgɨ za ɨ fúnə́ a mu abɨ́ a kfúrɨ́mándzó za mɨ tiʼ tokɨ awa ghe. Ɨ mɨ ghaʼ awa ɨ kɨ zhwitɨ awa,

Nkyɛʼə 12:17

Ntɔŋ dragɔn lánɨ́ ndwi a nye mangye wa, wɛrə a tiʼ ndo ngɛn a ntó abvuʼ a ɨbɛn bɨ ɨlə̌ mangye wa, bo ba bɨ zúʼnɨ́nɨ́ ntɨgə Ŋwi nkə́ ndzɔ̌ŋ nkənu za Yeso a kyɛ́ʼnɨ́ lá nɨ táʼ ntəm ə. Dragɔn a tíʼ ntɛ́m a ngə́rɨ́ sagɨrə wu ngwi ə.

Nkyɛʼə 17:15

Ntsendá Ŋwi za kɨ́ sóŋ a mbó me ngə́, “Ngə́rɨ́ mɨnkyi tsa o zɛ́nɨ́ akwarə za a shiʼtɨ ntsi ɨwu lá, lá ɨlaʼ, ɨbɛn, ngwəgɨ ŋwɔn mɨsɔŋ a ntsu abɔʼnɨ mɨgham ə.

Nkyɛʼə 11:18

Ba a se bə Yuda be lwí ntɔŋ tsɛʼ nkan, mbɨ́ʼ ngə́ nkfu mɨlwintɔŋ ɨgho ɨ yenə, nkfu za bɨ mɨ sáʼ bɨkfú ə. Nkfu ɨ kuʼnə ngə́ o kyaŋ ngaŋ afaʼ ɨtso, mbe ntóm Ŋwi abɔʼnɨ ɨbɛn ɨbo bɨtsum, ɨbɛn bɨtsum ba bɨ kɔ́ʼsɨ́nɨ́ ɨkum ɨgho atɨ́, bə wi abɔʼnɨ bə kɨʼnɨ ndəŋndəŋ ə. Nkfu ɨ kuʼnə a ntsənkɨ ɨbɛn ba bɨ tsənkɨnə atuəshe!”

Yoane 19:11

Yeso a chwɨ́gɨ́ ayi ngə́, “O tsi nɨ mɨtən atú me tsɛʼ mbɨ́ʼ ngə́ Ŋwi a ghá a mɛrə ɨwa. A tiʼ mbe ngə́, ŋwɔn wa a ghanɨ aghan a mbó gho lá, a ghɨ ɨbvu wa ɨ tsanɨ ɨgho ə.”

Nkyɛʼə 10:11

Bɨ tíʼ sóŋ a mbó me ngə́, “O mɨ zagɨ soŋ nkən Ŋwi mbɨ́ʼ a za a ghɨnɨ fú bɔŋ á nkfu ɨ kuʼ a mbo ɨtsé tsɨ wi, ngwəgɨ ŋwɔn mɨsɔŋ a ntsu, mɨgham abɔʼnɨ bɨfɔ ghe.”

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Alukasɨ 4:6

Dəbɨrɨ a tíʼ soŋ wəmbo ngə́, “Ma mɨ gha mɨtən men mɨtsum abɔʼnɨ afuʼ azhi a mbó gho, mbɨ́ʼ ngə́ bɨ kwɛnə nga a tsɛrə ɨtsum a mbó me, ma chi tiʼ kɨ gha a tsɛrə a mbó ŋwɔn tsum wa ma kɔŋnə.