Nkyɛʼə 13:6 - Mɨkan wu Fi

⁶ Ɨnyam mɨbaʼ za bíʼnɨ́ ntiʼə ndzɔmə a Ŋwi, ɨkum ɨyi, adiʼ za wɛrə a tsínə́ abɔʼnɨ ŋwɔn tsum wa a tsínə́ a fɔməbvurə ghe.

Nkyɛʼə 13:6 Referans Kwoze

Nkyɛʼə 12:12

Ma lan, fɔməbvurə abɔʼnɨ bən bɨtsum ba nɨ tsínə́ ɨwu, á nɨ tiʼ ntsi nɨ nɨdorɨ ə! Lá a bɨ́gɨ́ be tɨ́sə́n a mbó atuəshe abɔʼnɨ sagɨrə wu ngwi ə! Mbɨ́ʼ ngə́ Dəbɨrɨ a shiʼnə ngyen a mbó bɨŋ ə. Wɛrə a lon nɨ mɨlwi mbɨ́ʼ ngə́ wɛrə a zhi ngə́ zɨə bvurɨ ntsi tsɛʼ nɨ mɨnyi mɨ nkfu ə.”

Ɛbal 9:24

Adiʼ zə Fɛmnɨ za Yeso a konɨ ɨwu lá, ka bɨ korɨ ayi a zɛrə lá nɨ mbó, nkɨ be afi a ngótɨ́ zə wu ə. Wɛrə a kón be a mu ngótɨ́ fɔməbvurə, ntiʼə fuə a ɨshe a ɨshi Ŋwi a nkfu bɨgɨnə ghe.

Matyo 15:19

Mbɨ́ʼ ngə́ ɨwiʼtɨ tsə tɔmnɨnɨ fúə lá a mu ntəm ɨyi, ntyíŋə́ ayi ntságə́ ngə́ á zhwitɨ a ŋwɔn, nchwurɨ nkɨ ngɨ ɨtɨshwe ɨnu tsɨ mɔʼɔ; ndze, nchwe ɨnu nkɨ ngam ɨnu tɨbɔŋ mbɨ́ʼ ɨbɛn bə mɔʼɔ ghe.

Matyo 12:34

Bɨŋ mɨnyo — nɨ chi soŋ ɨnu tsɨ shiʼnɨ lá ɨ nə́ mbáʼ nɨ nɨ bɨntɔmnɨnɨ lá le? Mbɨ́ʼ ngə́ ntsu ɨ sóŋə́ lá a za a lonɨ a mu ntəm ə.

Nkyɛʼə 21:3

Ma zúʼ nji zɨ ntən ɨ ghamnə ndo atú abərɨ za ɨ sóŋə́ ngə́: “Tɨtsɔŋnɨ njwuʼ Ŋwi tsi a tɨtərɨ ŋwɔn mɨsɔŋ a ntsu ə! Wɛrə a mɨ tsi bo bo, á bo tiʼ nkɨ mbe ɨbɛn ɨbyi ɛ. Ŋwi zɨmboŋ a mɨ tsi bo bo, ɨ kɨ be Ŋwi ɨwa ghe.

Nkyɛʼə 18:20

A ba bɨ tsinɨ a fɔməbvurə dorɨkɨ mbɨ́ʼ adzaŋ za bɨ tsənkɨnɨ a wɛrə ghe! A ɨbɛn bɨ Ŋwi, ntóm Yeso abɔʼnɨ ntóm Ŋwi dorɨkə! Mbɨ́ʼ ngə́ Ŋwi a chɛrɨnɨ ɨsáʼ ngə́ wɛrə a vwo ɨsáʼ lá mbɨ́ʼ anu za wɛrə a ghɨ́nɨ́ a nye bɨŋ ə.

Nkyɛʼə 11:12

Ntóm Ŋwi tsa tsi bá tíʼ ndzúʼ nji zɨ nkɔʼnɨ atɨ́ za ɨ lónɨ́ a fɔməbvurə ɨ soŋ a mbó bo ngə́, “Kɔʼ ngyenə ɨghə!” Ngaŋ kɨban ntóm Ŋwi tsa kə́ ndyiŋə adzaŋ za bɨ lɔ́gɨ́nɨ́ awa nkɔ́ʼə ngěn nɨ bo a fɔməbvurə a mu mbaʼ ə.

Nkyɛʼə 7:9

Mbáʼ məzen a tsánə, ma lén ndzɛ́n ɨnɔ ɨnɔ ɨbɛn — ŋwɔn tse a kɨ chi keʼ awa bɨtsum kwaʼə. Bo ló a mu ngwəgɨ ŋwɔn mɨsɔŋ a ntsu tsum, ɨtsé tsɨ wi ɨtsum, ɨlaʼ ɨtsum nkɨ ndo a mbó ɨbɛn ba bɨ ghamnɨ mɨgham mɨtsum ə. Bo wə́gɨ́ bɨtɔgɨ bə fú, ntiʼtɨ ɨdzáŋ mbaŋ a mbó bo, ntɛm a ɨshi abərɨ za abɔʼnɨ Mɔn Mbyindzɨ wa.

Nkyɛʼə 5:13

Ma kwíʼ nkɨ́ ndzúʼ azúm zə kaʼnɨ atsum za a tsínɨ́ a fɔməbvurə, atuəshe, mbyishe, nkwiʼtɨ a sagɨrə wu ngwi — ɨdzúm tsɨ kaʼnɨ ɨtsum tsa tsɨ tsínɨ́ ntən a mu mbyi mbyi tsum — bo tiʼə ndzɔbə ngə́: “A mbó zɨ wa a shiʼtɨnɨ ntsi atú abərɨ za, nkɨ mbe a mbó Mɔn Mbyindzɨ wa, á bɨ bontɨ, nkɔʼsɨ atɨ́, nga nɨfáŋ abɔʼnɨ mɨtən a mbó bo nɨnkoŋ nɨnkoŋ ə!”

Nkyɛʼə 4:4

Ɨbərɨ mɨghúm mɨmbá nɨ ntsɔb nɨkwa kárɨ́sɨ́ abərɨ za, bɨkum mɨghúm mɨmbá nɨ ntsɔb nɨkwa shiʼtɨ ntsi atú tsɛrə ghe. Bo wə́gɨ́ bɨtɔgɨ bə fú, nkɨ nchwubtɨ ɨsáʼfɔ ŋwaʼŋwaʼ ghe.

Nkyɛʼə 4:1

Mbáʼ məzen a tsánə, ndzɛm nəzhwɨgɨnɨ zɨ mɔʼɔ kwíʼ ndyé aghan, ma zɛn ntsu ndá wu tse wa ɨ tɛ́mnɨ́ ɨ dzɨ́gɨ́ a fɔməbvurə ghe. Nji za ɨ fínɨ́ zɨ ntaŋ za ma fómnɨ́ ndzúʼ ɨ ghamnə a mbó me lá, ɨ sóŋ ngə́, “Kɔʼ ngyen ɨghan, ma mɨ tiʼ diʼ agho nɨ anu za a tsinɨ ɨ zagɨ fu mbáʼ zen a tsanə ghe.”

Ɛbal 9:2

Bɨ vwú ntaŋ wa ɨ tsínɨ́ nɨ bɨkwasɨ bi bɨbá ghe. Kwasɨ wu abyɛn bɨ kə́ ntɔ́ŋə́ ngə́ Adiʼ zə Fɛmnɨ ə. Wə mu a tsí atɛkɨ a nkaʼ, atɛkɨ za bɨ kɨ́nə́ ntɛ́gə́ abán za bɨ ghánɨ́ a mbó Ŋwi wu atú ə.

Roma 3:13

Ɨchwenu ɨtsa chi zhwitɨ ɨbɛn; mɨgham mɨ ntsu ɨma nɨ mə ɨbvu, mɨgham mɨ nkyesɨ ma mɨ fúnə́ a ntsu bo fi ndyíʼ ɨnyo;

Kolose 2:9

Mbɨ́ʼ ngə́ mbě Kristo tso ŋwɔn mɨsɔŋ a ntsu a nye mɨndóm mɨtsum sé kwebtɨ a nye mbě Ŋwi ə.

Kolose 1:19

Mbɨ́ʼ ngə́ a bé lá a ntsǎ a ndzum ntsɔʼ a mu ntəm Ŋwi zɨmboŋ mbáʼ Mɔn ɨyi a benɨ tso Ŋwi a nye mɨndóm mɨtsum ə

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

Nkyɛʼə 7:15

Nə nɨ anu za a ghɨnɨ bo tɛm a ɨshi abərɨ a Ŋwi ɨ fáʼə wəmbo nɨ njwi bo nɨ ɨtfúʼ a mu nɨshwim ɨni lá. Zɨ wa a shiʼtɨnɨ ntsi atú abərɨ za a mɨ kɨŋtɨ awa nɨ adzaŋ za a tsinɨ bo bo ghe.

Nkyɛʼə 15:5

Mbáʼ məzen a mínə, ma zɛ́n nɨshwim a fɔməbvurə nɨ ŋaʼnɨ, kfuʼə wu fɛmnɨ a tsi wə mu ə.