Nkyɛʼə 13:3 - Mɨkan wu Fi

³ Atú a ɨnyam mɨbaʼ za zə mɔʼɔ a fí tso a tsí nɨ alagɨ za a kɨ chinɨ ghɨ a wɛrə a kfo, lá alagɨ za a mínə ghe. A tíʼ nkɨʼnɨ ɨbɛn bɨtsum atuəshe, bo tiʼə ndzɔ̌ŋ ɨnyam mɨbaʼ za.

Nkyɛʼə 13:3 Referans Kwoze

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.

Nkyɛʼə 13:14

Wɛrə a támtɨ́ a ŋwɔn tsum wa a tsínə́ atuəshe ntsa a ndzum ɨnu tsɨ yerɨnɨ-yerɨnɨ tsa Ŋwi a nyɛ́ʼtɨ́nɨ́ ngə́ á wɛrə a ghɨ a ɨshi ntsambyi ɨnyam mɨbaʼ za. Ɨnyam mɨbaʼ za sóŋ a mbó bo ngə́ á bo bɔm a mɔn abe a nkɔ́ʼsɨ́ ɨnyam mɨbaʼ za bɨ lɛ́mnɨ́ nɨ lumban lá ɨ bvurɨ ntsi atú ntən lá atɨ́ ə.

Nkyɛʼə 17:17

Mbɨ́ʼ ngə́ Ŋwi a ghɨnə ngə́ á bo tsɔʼ a mu mɨntəm ɨma a ngɨ anu za wɛrə lɔnə, a nye adzaŋ za bo faʼnə a mbúm abɔʼnɨ nga mɨtən a sáʼə a mbó ɨnyam mɨbaʼ za ɨ kɔʼ kuʼ nkfu za nɨgham nɨ Ŋwi ghɨ be nkənu ə.

Nkyɛʼə 17:10

A tɨtərɨ bɨfɔ məben bi samba, bə bi bɨtə̧̂ kfokɨnə, táʼ a bvurə sáʼə, wu mɔʼɔ wa a bvurɨ tɨ yiŋə; a ghɨ ngyén, a tsi nɨ zagɨ ɨ sáʼ tsɛʼ a nye məkum a nkfu ə.

Nkyɛʼə 17:13

Məben bi nɨghúm lǒ tsɛʼ táʼ anu, bo ghǎ adaʼ aza abɔʼnɨ mɨtən ɨma a mbó ɨnyam mɨbaʼ za.

Nkyɛʼə 13:12

Wɛrə a fáʼ nɨ mɨtən mə ghaʼnɨ mə ntsambyi ɨnyam mɨbaʼ za adiʼ wa ntsambyi ɨnyam mɨbaʼ za tsínɨ́ ɨwu ə. Wɛrə a nyə́m atuəshe abɔʼnɨ ɨbɛn bɨtsum ba bɨ tsínə́ ɨwu ngə́ á bɨ ghuʼsɨ ntsambyi ɨnyam mɨbaʼ za, za alagɨ azhi a mínə lá.

Ɨfaʼ 8:13

Samɔn zɨmboŋ a kɨ́ nɨ́ŋ ntəm ɨyi a nye ɨnu mətsen nkɨ nkwarɨ nkyi ɛ. A ghɨnə nkwárɨ́ nkyi, ntiʼə nkárɨ́kə́ tsɛʼ a mbyɛn Firɨbɔ ghe. A kɨ́ʼnɨ́ ayi adzaŋ za wɛrə a zɛ́nɨ́ Firɨbɔ a ghɨnɨ ɨnu tsɨ tsanɨnɨ tsə wi abɔʼnɨ ɨnu tsɨ yerɨnɨ-yerɨnɨ tsə wi ə.

Alukasɨ 2:1

A bé a nkfu məwa lá, Kaisa Agosto a sáʼ ngə́, á bɨ kwaʼ a ŋwɔn tsum a mu ɨlaʼ tsa ɨtsum mbáʼ Roma a kɨ́nə́ sáʼə ghe.

Nkyɛʼə 17:6

Ma kɨ́ ndzɛ́n ngə́ mangye wa a bánɨ́ a mu ɨno alɛm a ɨbɛn bɨ Ŋwi, abɔʼnɨ ɨno alɛm a ɨbɛn ba bɨ zhwítɨ́nɨ́ mbɨ́ʼ ngə́ bo zɔ́ŋ a Yeso nɨ táʼ ntəm ə. Mbáʼ ma zɛ́nɨ́ ayi lá, a kɨ́ʼnɨ́ aghan be tɨsɨŋə.

Yoane 12:19

Bə Farisao tíʼ ngamnɨ bo nɨbo ngə́, “Zɛnə azɨŋ ə, anu zə ghɨnɨ zə daŋ a se be; mbyi tsum tiʼə nkumə ndzɔ́ŋə́ tsɛʼ wə ndzum ə!”

Nkyɛʼə 17:11

Ɨnyam mɨbaʼ za ɨ tsínɨ́ ntən nkfu tse, lá nkeʼ bə mbvurɨ ntsi atú ntən tɨtsɔŋnɨ lá, atuəmbəm zɨ a nɨ ɨfɔ wa a kuʼnɨ a nye ɨdiʼ tsi nɨfə̧, mbe táʼ a tɨtərɨ ba bi samba, wa a tsinɨ a ndóm a ngěn á bɨ tsənkɨ ə.