Nkyɛʼə 13:2 - Mɨkan wu Fi

² Ɨnyam mɨbaʼ za fí angwabaʼ, mɨku ɨmyi be tso mə bɛ, ntsu ɨyi fi ntsu afon ə. Dragɔn a tíʼ ngá adaʼ azhi, abərɨ azhi abɔʼnɨ mɨtən ɨmyi ma mɨ ghaʼnɨ lá a mbó ɨnyam mɨbaʼ za.

Nkyɛʼə 13:2 Referans Kwoze

Nkyɛʼə 20:2

Wɛrə a fé a dragɔn, ɨnyo bənguʼ za — lá be ngə́, Dəbɨrɨ, kə Satan — nkorɨ ayi nɨ mɨnkɨ mɨ atɨŋə atú ɨlom táʼ nchwuʼ ə.

Nkyɛʼə 17:12

Mɨndɔ́ŋ ma nɨghúm ma o zɛ́nɨ́ lá, lá bɨfɔ bi nɨghúm ba bɨ bvurɨnɨ tɨ biʼnɨ ɨ sáʼə; lá bɨ mɨ gha mɨtən a mbó bo á bo sáʼ tso bɨfɔ atú məkum a nkfu bo bɨ ɨnyam mɨbaʼ za.

Nkyɛʼə 12:9

Bɨ tyíŋ a tə́fəm dragɔn wa ɨ maʼ a ntáʼə — ɨnyo bənguʼ za bɨ tɔ́ŋnə́ ngə́ Dəbɨrɨ, kə Satan, mbáʼ ɨ támtɨ́nɨ́ atuəshe atsum lá. Bɨ máʼ ayi a shiʼ ngyen atuəshe, ndzɔŋ nkwiʼtɨ ɨtsendá Ŋwi ɨchi ɨtsum ə.

1 Bita 5:8

A nɨ ŋaʼ ɨtoŋnɨ ɨtsən nkɨ ntsi a nɨkyerɨ ə! Ngaŋ kɨban ɨzən, Dəbɨrɨ, a númə́ nkárə́, ɨ múʼə tso afon ndǒ a ŋwɔn wa wɛrə a mɨ kfurə.

Nkyɛʼə 19:20

Bɨ chwá ɨnyam mɨbaʼ za abɔʼnɨ ntom Ŋwi ɨchwenu za ɨ ghɨ́nɨ́ ɨnu tsɨ yerɨnɨ-yerɨnɨ a ɨshi ɨnyam mɨbaʼ za lá a nye ngaŋ atsáŋ ə. (Bɨ tsá lá a ndzum ɨnu tsɨ yerɨnɨ-yerɨnɨ tsa wɛrə a támtɨ́nɨ́ ɨbɛn ba bɨ tsínɨ́ nɨ alyigɨ a ɨnyam mɨbaʼ za abɔʼnɨ ba bɨ ghúʼsɨ́nə a mɔn abe ɨnyam mɨbaʼ wa lá.) Bɨ máʼ ɨnyam mɨbaʼ za abɔʼnɨ ntom Ŋwi ɨchwenu za atú ntən a mu sagɨrə ɨmugɨ wa ka ɨ ndáʼə mbyɛ́nə́ ayi lá.

Nkyɛʼə 13:4

Ŋwɔn tsum a ghúʼsɨ́ a dragɔn mbɨ́ʼ ngə́ wɛrə a ghánə mɨtən ɨmyi a mbó ɨnyam mɨbaʼ za. Bo kɨ́ ngúʼsɨ́ ɨnyam mɨbaʼ za ɨ soŋə ngə́, “Ɨwa chi be tso ɨnyam mɨbaʼ le? Ɨwa chi tó a zɛrə le?”

Nkyɛʼə 12:15

Dragɔn a tíʼ twɔ́kɨ́ nkyi a ntsu zɨ wa ɨ fínɨ́ a mɨzam a ndzum mangye wa, taŋ nkyi wa ɨ kwə́ŋnɨ́nə́ lá ɨ kwəŋ ayi ngɛn nɨ zɨə.

Nkyɛʼə 12:13

Mbáʼ dragɔn a zhínɨ́ ngə́ bɨ máʼnə ayi a shiʼ ngyen atuəshe lá, wɛrə a tíʼ mbiʼnɨ a fúrɨ́ mangye wa a jwínɨ́ a mɔn mbáŋnɨ́ wa lá.

Nkyɛʼə 16:10

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi tə̧̂ chwírɨ́ azhi akəbɨ a mɨlwi wu ntən atú abərɨ a ɨnyam mɨbaʼ za. Ndzumnɨ kúbɨ́nɨ́ nɨfɔ nɨ ɨnyam mɨbaʼ za. Ɨbɛn lómtɨ́ ɨlɛm ɨtsa mbɨ́ʼ ndzáŋə́ za bo kɨ́nə́ ndzúʼə ghe.

2 Timotyo 4:17

Lá Maʼmbyí a tsí bɨgɨ zɨ, nkɨ nga adaʼ a mbó me, adzaŋ məwen, ma tsí nɨ adaʼ a nchwítɨ́ nkən wu shiʼnɨ wa tsɛʼ ɨtsum á ba a se bə Yuda be bɨtsum zuʼə; ma lan, bɨ ghángə́ bɨ soŋə ngə́ ma vwo ɨsáʼ, bɨ tsi nɨ njwitɨ me, lá wɛrə a fɨ́gɨ́ aghan a mu məziŋ ə.

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

Nkyɛʼə 13:12

Wɛrə a fáʼ nɨ mɨtən mə ghaʼnɨ mə ntsambyi ɨnyam mɨbaʼ za adiʼ wa ntsambyi ɨnyam mɨbaʼ za tsínɨ́ ɨwu ə. Wɛrə a nyə́m atuəshe abɔʼnɨ ɨbɛn bɨtsum ba bɨ tsínə́ ɨwu ngə́ á bɨ ghuʼsɨ ntsambyi ɨnyam mɨbaʼ za, za alagɨ azhi a mínə lá.