Nkyɛʼə 13:12 - Mɨkan wu Fi

¹² Wɛrə a fáʼ nɨ mɨtən mə ghaʼnɨ mə ntsambyi ɨnyam mɨbaʼ za adiʼ wa ntsambyi ɨnyam mɨbaʼ za tsínɨ́ ɨwu ə. Wɛrə a nyə́m atuəshe abɔʼnɨ ɨbɛn bɨtsum ba bɨ tsínə́ ɨwu ngə́ á bɨ ghuʼsɨ ntsambyi ɨnyam mɨbaʼ za, za alagɨ azhi a mínə lá.

Nkyɛʼə 13:12 Referans Kwoze

Nkyɛʼə 19:20

Bɨ chwá ɨnyam mɨbaʼ za abɔʼnɨ ntom Ŋwi ɨchwenu za ɨ ghɨ́nɨ́ ɨnu tsɨ yerɨnɨ-yerɨnɨ a ɨshi ɨnyam mɨbaʼ za lá a nye ngaŋ atsáŋ ə. (Bɨ tsá lá a ndzum ɨnu tsɨ yerɨnɨ-yerɨnɨ tsa wɛrə a támtɨ́nɨ́ ɨbɛn ba bɨ tsínɨ́ nɨ alyigɨ a ɨnyam mɨbaʼ za abɔʼnɨ ba bɨ ghúʼsɨ́nə a mɔn abe ɨnyam mɨbaʼ wa lá.) Bɨ máʼ ɨnyam mɨbaʼ za abɔʼnɨ ntom Ŋwi ɨchwenu za atú ntən a mu sagɨrə ɨmugɨ wa ka ɨ ndáʼə mbyɛ́nə́ ayi lá.

Nkyɛʼə 14:11

Fɨndyiʼ fɨ ɨmugɨ wu ɨnɨŋ ngɨ́ʼ məzen fɨ kɔ́ʼə ngěn atɨ́ nɨnkoŋ ə. Ka ashwetɨ a ntəm a be ayi ɨwu nəzhwɨgɨnɨ kə nɨ ɨtfúʼ a mbó ɨbɛn ba bɨ ghúʼsɨ́nə́ ɨnyam mɨbaʼ za abɔʼnɨ mɔn abe ɨyi, nkwiʼtɨ a ŋwɔn tsum wa a tsinɨ nɨ alyigɨ a ɨkum ɨyi ɛ.”

Nkyɛʼə 14:9

Ntsendá Ŋwi za a zɔ́ŋtɨ́nɨ́ a nye ɨdiʼ tsi tárə́ zɔ́ŋtɨ́ a tsə ntsambyi tsa tsi bá, ɨ sóŋə́ nɨ nji zɨ ntən ngə́, “Ŋwɔn tsum wa a ghuʼsɨnɨ ɨnyam mɨbaʼ za abɔʼnɨ mɔn abe ɨyi, nkwarɨ alyigɨ za a nɨdzenɨ zɨ kə abó zɨ

2 Tesalonaika 2:4

Wɛrə a mɨ kwənkɨ ɨ tɛgɨ atuəmbəm azhi atú azúm atsum za bɨ tɔ́ŋnə́ ngə́ ŋwi nkə́ ngúʼsə́ ghe. Wɛrə mɨ tagɨ ayi ɨ ghɛn kon a mu Nɨshwim nɨ Ŋwi, ɨ shiʼtɨ tsi, ɨ soŋ ngə́ zɨə nɨ Ŋwi ə.

Nkyɛʼə 13:2

Ɨnyam mɨbaʼ za fí angwabaʼ, mɨku ɨmyi be tso mə bɛ, ntsu ɨyi fi ntsu afon ə. Dragɔn a tíʼ ngá adaʼ azhi, abərɨ azhi abɔʼnɨ mɨtən ɨmyi ma mɨ ghaʼnɨ lá a mbó ɨnyam mɨbaʼ za.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 16:2

Ntsambyi ntsendá Ŋwi ghɛ́n nchwirɨ azhi akəbɨ atú atuəshe ə. Ntsɔʼ madɨ́ŋ tsə tɨbɔŋ tsa tsɨ kɨ́nə́ ndzáŋə́ tsɛʼ nkan fú a nye ɨbɛn ba bɨ tsínɨ́ nɨ alyigɨ a ɨnyam mɨbaʼ za abɔʼnɨ ɨbɛn ba bɨ ghúʼsɨ́nɨ́ a mɔn abe ɨyi ɛ.

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.

Nkyɛʼə 20:4

Ma tíʼ ndzɛ́n ɨbərɨ ə. Bɨ ghá mɨtən mɨ sáʼə mɨsáʼ a mbó ɨbɛn ba bɨ shíʼtɨ́nɨ́ ntsi atú tsɛrə ghe. Ma kɨ́ ndzɛ́n bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nkənu za mbɨ́ʼ a Yeso abɔʼnɨ nɨgham nɨ Ŋwi ə. Bo sé ghuʼsɨ ɨnyam mɨbaʼ za kə a mɔn abe ɨyi ɛ. Bo sé kɨ ntsi nɨ alyigɨ a ɨnyam mɨbaʼ za a mɨdzenɨ bo kə a nye mbó ɨma ghe. Bo yén a mu ntsi ntən, ɨ sáʼ tso bɨfɔ bo bɨ Kristo atú ɨlom táʼ nchwuʼ ə.