Nkyɛʼə 13:1 - Mɨkan wu Fi

¹ Ma tíʼ ndzɛ́n ɨnyam mɨbaʼ zɨ tse ɨ fuənə a mu sagɨrə wu ngwi wa ngyíŋə́ ghe. Ɨ tsí nɨ mɨndɔ́ŋ mi nɨghúm abɔʼnɨ ɨtú tsi samba ghe. Atú mɨndɔ́ŋ ma mɨtsum a tsí ɨsáʼfɔ, atú ɨtú tsa ɨtsum a tsí ɨkum wa ɨ zɔmnə a Ŋwi ə.

Nkyɛʼə 13:1 Referans Kwoze

Nkyɛʼə 12:3

Alɨgɨ zə kɨʼnɨnɨ zə mɔʼɔ a kwíʼ fú a ɨshe a nɨkaŋ ə. A bé tə́fəm dragɔn wa a kɨ́nə́ mbaŋə wa a tsínɨ́ nɨ ɨtú tsi samba abɔʼnɨ mɨndɔ́ŋ mi nɨghúm, ɨsáʼfɔ tsi atú ɨtú tsa ɨtsum ə.

Nkyɛʼə 17:3

Azhwi a tíʼə ntsɨŋnə aghan, ntsendá Ŋwi za tiʼ mbyɛʼ aghan ngɛn nɨ me a mu mɨkɨghonɨ ə. Ɨwu, ma zɛ́n a mangye wu tse a shiʼtɨ ntsi atú ɨnyam mɨbaʼ zɨ mbaŋnɨ za bɨ ŋwáʼnɨ́nɨ́ mɨkum mɨ ndzɔm Ŋwi wə ɨnye tsum; ɨnyam mɨbaʼ za tsí nɨ ɨtú tsi samba abɔʼnɨ mɨndɔ́ŋ nɨghúm ə.

Nkyɛʼə 11:7

Bo ghɨ mɛ́tɨ́ a nchwítɨ́ nkən wa, ɨnyam mɨtsɛgɨ za ɨ fúnə́ a mu abɨ́ a kfúrɨ́mándzó za mɨ tiʼ tokɨ awa ghe. Ɨ mɨ ghaʼ awa ɨ kɨ zhwitɨ awa,

Nkyɛʼə 17:16

Mɨndɔ́ŋ ma nɨghúm ma o zɛ́nɨ́, nkwiʼtɨ ɨnyam mɨbaʼ za mɨ ban akwarə za; bɨ mɨ kwarɨ azúm atsum za a tsinɨ nɨ zɛrə ɨ tiʼ nyɛʼtɨ ayi ntyigɨnɨ; bɨ mɨ kfurɨ ɨnyam ɨnye ɨzhi, ɨ tiʼ kɨ tsənkɨ ayi nɨ ɨmugɨ ə.

Nkyɛʼə 15:2

Ma tíʼ ndzɛ́n azúm zə tsɛrə za a fínɨ́ a sagɨrə wu ngwi wa bɨ nyɛtɨnɨ nɨ ntsəŋ ɨləŋ wa ɨmugɨ kɨ́nə́ nkwárə́ wə mu ə. Ma kɨ́ nkwiʼ ndzɛ́n ɨbɛn ba bɨ gháʼnɨ́ ɨnyam mɨbaʼ za abɔʼnɨ mu abe ɨyi nɨ ɨnyam mɨbaʼ za nkwaʼə zɨ tse lɔ́gɨ́nɨ́ adiʼ a ɨkum ɨyi lá. Bo tɛ́mkɨ́ a ngə́rɨ́ sagɨrə wu ngwi wa bɨ nyɛ́tɨ́nɨ́ nɨ ntsəŋ ɨləŋ lá, ntiʼtɨ mɨloŋ mɨ aŋantɨ ma a ghánɨ́ Ŋwi a mbó bo

Nkyɛʼə 17:5

A nɨdzenɨ mangye wa bɨ ŋwáʼnɨ́ ɨkum wa anu za ɨkum məwiŋ díʼnɨ́ ɨ bénɨ́ anu a nkubə; ngə́, “Babilɔn wu ngwi, nɨmi bɨ ɨkwarɨ ɨtsum nɨ ɨtɨshwe ɨnu ɨtsum tsa ŋwɔn a se tsi nɨ ɨ byi zuʼ tsɛʼ ɨ zuʼnɨ a mu mbyi ɛ.”

Nkyɛʼə 13:11

Ma tíʼ nkwiʼ ndzɛ́n ɨnyam mɨbaʼ zɨ mɔʼɔ za ɨ fúnɨ́ a mu tɨshe ə. Ɨ tsí nɨ mɨndɔ́ŋ mi mɨmbá tso mə mɔn mbyindzɨ, nkə́ ngámə́ tso dragɔn ə.

Nkyɛʼə 13:14

Wɛrə a támtɨ́ a ŋwɔn tsum wa a tsínə́ atuəshe ntsa a ndzum ɨnu tsɨ yerɨnɨ-yerɨnɨ tsa Ŋwi a nyɛ́ʼtɨ́nɨ́ ngə́ á wɛrə a ghɨ a ɨshi ntsambyi ɨnyam mɨbaʼ za. Ɨnyam mɨbaʼ za sóŋ a mbó bo ngə́ á bo bɔm a mɔn abe a nkɔ́ʼsɨ́ ɨnyam mɨbaʼ za bɨ lɛ́mnɨ́ nɨ lumban lá ɨ bvurɨ ntsi atú ntən lá atɨ́ ə.

Nkyɛʼə 13:15

Bɨ nyɛ́ʼtɨ́ ngə́ á ɨnyam mɨbaʼ za ɨ zɔ́ŋtɨ́nɨ́ a nye ɨdiʼ tsi bá lá ɨ zhwi ntsi ntən a mu mɔn abe ntsambyi ɨnyam mɨbaʼ za, taŋ á mɔn abe wa chi gham ɨ kɨ zhwitɨ a ŋwɔn tsum wa a mɨ keʼ ayi ghuʼsə.

Nkyɛʼə 16:13

Ma tíʼ ndzɛ́n ɨzhwi tsɨ tɔmnɨnɨ tsi tárə́ tsa tsɨ fínɨ́ ɨsamnkye ə. Táʼ a kə́ fúə a ntsu dragɔn wa, táʼ a funə a ntsu ɨnyam mɨbaʼ za, wu mɔʼɔ a funə a ntsu ntom Ŋwi ɨchwenu za.

Nkyɛʼə 19:19

Ma tíʼ ndzɛ́n adzaŋ za ɨnyam mɨbaʼ za abɔʼnɨ bɨfɔ bɨ atuəshe nkwiʼtɨ bɨgwe ɨba, a bɨ ghótɨ́nɨ́ a ntó wa a kɔ́ʼnɨ́ atú ɨnyamənkárə́ za abɔʼnɨ bɨgwe ɨbyi ba.