Nkyɛʼə 12:10 - Mɨkan wu Fi

¹⁰ Ma tíʼ ndzúʼ nji za ɨ nkɔʼnɨ atɨ́ zɨ tsɛrə a fɔməbvurə a soŋənə ngə́, “Tɨtsɔŋnɨ ɨloŋ Ŋwi yenə ghe! Tɨtsɔŋnɨ Ŋwi a diʼnə mɨtən ɨmyi tso ɨfɔ ghe! Tɨtsɔŋnɨ, Wa bɨ Zɔ́ʼnɨ́ wa Ŋwi a tsɔʼnɨ a diʼnə mɨtən ɨmyi, mbɨ́ʼ ngə́ zɨ wa a tɛ́mnɨ́ a ɨshi Ŋwi ɨwɨgɨnə nkǎŋ ɨbɔmbɨma ɨbɨgɨnə nɨ njwi nɨ ɨtfúʼ bɨ maʼnə ayi a fu a fɔməbvurə ghe.

Nkyɛʼə 12:10 Referans Kwoze

Alukasɨ 22:31

“Samɔn, Samɔn! Zuʼ le! Satan a kwarɨ mɨtən a njwə́ŋtɨ́ bən taŋ ɨ zarɨ a bə shiʼnɨ a tɨtərɨ bə tɨbɔŋ tso mbáʼ ndyiʼ mɨshwom a kyɛ́rɨ́nɨ́ mɨkon abɔʼnɨ ntsaʼ ɨchi lá.

Nkyɛʼə 11:15

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba ɨ tɔ́ŋ ɨzhi ntaŋ ə. Nji tsə kɔʼnɨ atɨ́ tsə tsɛrə ló a fɔməbvurə ɨ sóŋə́ ngə́, “Mɨtən mɨ sáʼ atuəshe tsi tɨtsɔŋnɨ lá a mbó Maʼmbyí ɨwɨgɨnə abɔʼnɨ Wa bɨ Zɔ́ʼnɨ́ ɨyi ɛ. Wɛrə a mɨ sáʼ nɨnkoŋ nɨnkoŋ ə!”

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

Nkyɛʼə 2:26

A mbó ɨbɛn ba bɨ tokɨnɨ ntsi nɨ ayanguʼ məzen, mbáʼ bɨ ghɨnɨ ɨnu tsa ma lɔnə ngɛn fu a ndwitə, ma mɨ gha ndəŋndəŋ mɨtən ma ma kwárɨ́nɨ́ a mbó Ta ɨghə. Ma mɨ ghɨ á bo tsi nɨ mɨtən atú ɨlaʼ,

2 Korɨnto 12:9

Lá achwɨgə azhi a bé ngə́, “Abɔŋəntəm azan a nɨ atsum za o lɔnə, mbɨ́ʼ ngə́ mɨtən ɨmə gháʼə ntsǎ mbó lá a nkfu za o bɔrɨnə.” Nɨdorɨ tiʼ ntsi a nye me be tɨ́sə́n, a ŋuʼ ɨnye mbɨ́ʼ adzaŋ za ma bɔrɨkɨnɨ, taŋ ɨ zuʼ a mu ɨnye me mɨtən mɨ Kristo ma mɨ kɨ́nkɨ́nɨ́ aghə.

Alukasɨ 11:2

Yeso a sóŋ a mbó bo ngə́, “Be nɨ ndǒ ntsaʼtɨ Ŋwi, nɨ soŋ ngə́: ‹Tarɨ, á bɨ ngúʼsɨ́ ɨkum ɨgho wa a nɨ wu fɛmnɨ ə. A anu a nɨfɔ azo a yiŋə.

Matyo 26:64

Yeso a chwɨ́gɨ́ wəmbo ngə́, “A soŋ gho ghe. Lá ma soŋ a mbó bɨŋ ə: ɨ lɔgɨnɨ tɨtsɔŋnɨ ɨ ghěn nɨ mbyi, o ghɨ zɛ́n a Mɔn Ŋwɔn á shiʼtɨ ntsi abó maʼə zə Tamɨtən Mɨtsum, ɨ kə́ yenə a mu mbaʼ a fɔməbvurə ghe!”

Matyo 6:10

á Nɨfɔ ɨno yiŋə; á tsi atuəshe tso mbáʼ a tsinɨ a fɔməbvurə lá.

Tɨ́tósɨ 2:3

Ndəŋndəŋ, tɨgɨtɨ bɨtankaŋ bɨ bəngye ngə́ á bo ngɨ̌ ɨnu adzaŋ za bəngye ba bɨ tsínə́ a mu ntsi mbyi zɨ fɛmnɨ ghɨnə ghe. Ka bo zagɨ ntsi awa nɨ mbe ɨbɛn ba bɨ sóŋnɨ́ mɨnu a ntsənkɨ ɨkum ŋwɔn wu shiʼnɨ kə ɨ be ɨbuʼ a mbó mɨluʼ ə. Bo tsi nɨ ɨ zagɨ diʼnɨ ɨnu tsɨ shiʼnɨ,

Nkyɛʼə 7:10

Bo tɔ́nkɨ́ nɨ nji zɨ ntən ngə́, “Ɨloŋ ɨ lǒ lá a mbó Ŋwi ɨwɨgɨnə wa a shiʼtɨnɨ ntsi atú abərɨ za nkə́ ndǒ a mbó Mɔn Mbyindzɨ wa!”

1 Bita 5:8

A nɨ ŋaʼ ɨtoŋnɨ ɨtsən nkɨ ntsi a nɨkyerɨ ə! Ngaŋ kɨban ɨzən, Dəbɨrɨ, a númə́ nkárə́, ɨ múʼə tso afon ndǒ a ŋwɔn wa wɛrə a mɨ kfurə.