Nkyɛʼə 12:1 - Mɨkan wu Fi

¹ Alɨgɨ zə wi za a kɨʼnɨnɨ ɨbɛn a tíʼ fú a ɨshe a nɨkaŋ ə. Alɨgɨ zen a bé mangye wa atsɛʼ azhi a bénɨ́ nɨnyom ə. Wɛrə a tsí nɨ saŋ a shwúrɨ́ mɨku zɨ, ɨsáʼfɔ za ɨ tsínɨ́ nɨ mɨndzɔŋ nɨghúm ntsɔb bá tsí atú wɛrə ghe.

Nkyɛʼə 12:1 Referans Kwoze

Alukasɨ 21:25

“Ɨnu tsa nɨ se zhi ghɨ fuənə a nye nɨnyom, saŋ bo mɨdzɔŋ ə. A mu atuəshe, ɨlaʼ tsɨ fɨgɨnɨ ghɨ tsi a mu nɨwiʼ mbɨ́ʼ ngə́ ɨbɛn ghɨ tsí a mu nɨbɔgɨ mbɨ́ʼ adzaŋ za sagɨrə wu ngwi a zɔrɨnə abɔʼnɨ adzaŋ za nkyiɛ yiŋənɛmə ghɛnə nkə́ ndzɔ́rə́ ghe.

Ɛfɛso 5:32

Aŋwaʼnɨ a Ŋwi zen a kyɛʼ nkənu zɨ tse za ɨ shwinɨ nkɨ ntsi a nkubə ghe. Ɨ ghamə lá mbɨ́ʼ a Kristo bo ndáŋwi ə.

Marɨkusɨ 13:25

á mɨndzɔŋ tsɔʼkɨ a fɔməbvurə ngvokɨ a tɨshe, á mɨdaʼ ma mɨ tsinɨ a fɔməbvurə á mɨ nɛm nkeʼ adiʼ bo bə nchyɛ.

Alukasɨ 21:11

Ɨshe ghɨ nɛmnə be a nji adaŋ, á mɨchwinɨ a tsi, á mbúŋ mɨghɔ a ɨnɔ ɨnɔ dzagɨ ɨdiʼ; ɨnu tsa nɨ se zhi bo bɨ tsɨ nchiʼtɨ ndzɔʼ ɨbɛn ghɨ fuənə a nɨkaŋ ə.

Nkyɛʼə 21:23

Ka ntáʼmbagə wu wi wa ndǒ ayi a nɨnyom kə a saŋ a ntá ɨwu ə, mbɨ́ʼ ngə́ nɨfáŋ nɨ Ŋwi tǎ ɨwu, Mɔn Mbyindzɨ wa be nkaʼ ɨyi ɛ.

Nkyɛʼə 15:1

Ma tíʼ ndzɛ́n alɨgɨ zə kɨʼnɨnɨ zə mɔʼɔ zə tse a fɔməbvurə a faŋ nkɨ mbe zə yerɨnə. Ɨtsendá Ŋwi tsi samba tsi ɨwu abɔʼnɨ ngɨ́ʼ tsi samba, mbe ngɨ́ʼ tsə ntsɨrɨndzum, mbɨ́ʼ ngə́ a nɨ ndwɨgɨnɨ ndzum ndóm wa Ŋwi a diʼnə a mɨlwi ɨyi ɛ.

Nkyɛʼə 12:3

Alɨgɨ zə kɨʼnɨnɨ zə mɔʼɔ a kwíʼ fú a ɨshe a nɨkaŋ ə. A bé tə́fəm dragɔn wa a kɨ́nə́ mbaŋə wa a tsínɨ́ nɨ ɨtú tsi samba abɔʼnɨ mɨndɔ́ŋ mi nɨghúm, ɨsáʼfɔ tsi atú ɨtú tsa ɨtsum ə.

Nkyɛʼə 11:19

Nɨshwim nɨ Ŋwi a fɔməbvurə ŋáʼnɨ́, ma tiʼ ndzɛn Nkom Akan wa ɨ tsi ɨwu ə. Mbəŋ tíʼ nzhwibtɨ, nkum, nkɨ mbɨ́ʼkə́. Ɨshe tíʼ nɛ́m, fɨwɛ fə wi tiʼ nkɨ ngvoə.

Ɨfaʼ 2:19

Ma ghɨ ghɨ ɨnu tsɨ yerɨnɨ-yerɨnɨ a nɨkaŋ, atɨ́ ɨ kɨ ghɨ ɨnu tsɨ tsanɨnɨ atuəshe ɨghə. Ma ghɨ maʼ ntso taŋ á ɨmugɨ, alɛm abɔʼnɨ fɨndyiʼ fa fɨ fɨ́ŋnə́ ngə́ tsɨŋ chyɛ;

Matyo 24:30

A nyom məwa á alɨgɨ a Mɔn Ŋwɔn a tom ɨ fu a fɔməbvurə ghe. Ɨtsé tsɨ wi ɨtsum tsa tsɨ tsinɨ atuəshe, tsɨ mɨ to a kɨzɔb, adzaŋ za bo mɨ zɛn a Mɔn Ŋwɔn á ngyíŋə́ a mu mbaʼ fɔməbvurə nɨ mɨtən abɔʼnɨ nɨfáŋ nə wi ə.

Galesha 6:14

Lá a mbó me, ma mɨ tɛrɨ tsɛʼ mbɨ́ʼ ngə́ Maʼmbyí Yeso Kristo ɨwɨgɨnə a kfó atɨ abaŋnɨ-baŋnɨ lá a ndoŋ me ghe. Mbɨ́ʼ ngə́ a ntsǎ a ndzum abaŋnɨ-baŋnɨ azhi, ɨnu atuəshe wiŋ tsi tso tsɨ kfo mbáʼ be bɨ sóŋə́ lá anu mbɨ́ʼ ɨnu atuəshe a mbó me, ma kɨ ntsi tso ma kfo mbáʼ be bɨ sóŋə́ lá anu mbɨ́ʼ ɨnu atuəshe.

Matyo 12:38

Bɨdiʼ bɨ Nyɔngɔŋ abɔʼnɨ bə Farisao bə tse tíʼ sóŋ a mbó Yeso ngə́, “Ndiʼ aŋwaʼnɨ, bɨgɨ lǒ ndzě gho o ghɨ anu zə yerɨnɨ-yerɨnɨ ə.”

Nkyɛʼə 21:14

Bɨ vwú atsé nká ntáʼmbagə wu wi wa lá atú ngɔʼ tsɨ wiəwi nɨghúm ntsɔb bá ghe. Bɨ ŋwáʼnɨ́ mɨkum mɨ ntóm Yeso tsə Mɔn Mbyindzɨ wa a nye ngɔʼ tsa nɨghúm ntsɔb bá, táʼ ɨkum atú táʼ ngɔʼ ə.

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

Galesha 3:27

Mbɨ́ʼ ngə́ nɨ kwárɨ́ nkyi, nɨ tíʼ ntsi a mbúm bɨŋ bɨ Kristo, ma lan, a tiʼ ntsi lá tsɛʼ tso ngə́ nɨ wəgɨ ntsi mbyi Kristo zɨmboŋ a nye bən tso ɨtsɛʼ ə.

2 Korɨnto 11:2

Ma lɨ́ŋə́ awən; tsɛʼ tso mbáʼ Ŋwi a lɨ́ŋnə́ awən lá. Nɨ tsi lá tso ngo za ma kaʼnɨ ɨ zɔ́ʼ ɨ gha a mbó táʼ ndóm ə, tsɛʼ táʼ ndóm ə; Kristo zɨmboŋ ə.

Roma 3:22

Ŋwi a chísɨ́ ɨbɛn bo bo tsinə a mbúm ntsǎ lá a ndzum abeməntəm aza a nye Yeso Kristo ghe. Ŋwi a ghɨə a məzen a mbó ŋwɔn tsum wa a nɨŋnɨ ntəm ɨyi a nye Kristo, mbɨ́ʼ ngə́ ka líʼ a tsi ayi ɨwu tsɛʼ mɨnyiə ghe:

Yoane 3:29

A nɨ ndóm mɨngən wa a tsinɨ nɨ mɨngən ə; lá ɨson ndóm mɨngən, wa a tɛmnɨ a mbyɛn ndzuʼ nji ɨzhi, a dórə́ tsɛʼ nkan mbɨ́ʼ nji ndóm mɨngən ə. Nə nɨ adzaŋ za nɨdorɨ ɨnə tsanɨ ntiʼ nkɔʼ ndon tɨtsɔŋnɨ ə.

Roma 13:14

Lá, á nɨ tsi nɨ mbɔm Maʼmbyí Yeso Kristo, nkeʼ ɨtú ɨtsən tɛgɨ a nye ɨdzúm tsa mbəmnye lɔnə taŋ ɨ ghɨ ɨnu tsa mbəmnye lɔnə lá.

Galesha 4:26

Lá Yerosalɛm wu fɔməbvurə wa a tsi nɨ atú azhi, mbe nɨmi ɨwɨgɨnə ghe.