Nkyɛʼə 11:7 - Mɨkan wu Fi

⁷ Bo ghɨ mɛ́tɨ́ a nchwítɨ́ nkən wa, ɨnyam mɨtsɛgɨ za ɨ fúnə́ a mu abɨ́ a kfúrɨ́mándzó za mɨ tiʼ tokɨ awa ghe. Ɨ mɨ ghaʼ awa ɨ kɨ zhwitɨ awa,

Nkyɛʼə 11:7 Referans Kwoze

Nkyɛʼə 13:7

Bɨ nyɛ́ʼtɨ́ ngə́ á wɛrə a tó ɨbɛn bɨ Ŋwi, ɨ kɨ gháʼ awa ghe. Bɨ ghá mɨtən ngə́ á wɛrə a sáʼ atsé zə wi atsum, alaʼ atsum, nɨgham nɨtsum nɨ ngwəgɨ ŋwɔn mɨsɔŋ a ntsu tsum ə.

Yoane 17:4

Ma diʼnə nɨfáŋ ɨno atuəshe; ma mɛtɨnə ɨfaʼ wa o ghánɨ́ ngə́ á ma faʼə.

Alukasɨ 13:32

Yeso a chwɨ́gɨ́ a mbó bo ngə́, “Ghɛnə ngɛn ɨ soŋ a mbó nɨmaŋ na ngə́: ‹Ma fɨ́gɨ́ bɨdzɨŋ nkə́ ntsǔʼ ɨbɛn ɨ sɨŋə bo ɨzo, a lo mbe njwi ɨyi á ma mɛtɨ ɨfaʼ ɨghə.›

Nkyɛʼə 13:11

Ma tíʼ nkwiʼ ndzɛ́n ɨnyam mɨbaʼ zɨ mɔʼɔ za ɨ fúnɨ́ a mu tɨshe ə. Ɨ tsí nɨ mɨndɔ́ŋ mi mɨmbá tso mə mɔn mbyindzɨ, nkə́ ngámə́ tso dragɔn ə.

Nkyɛʼə 11:3

Ma mɨ tsagɨ bətɛmə-ndzě ɨban bɨbá ba bɨ wəgɨnɨ ɨtsɛʼ ndzə́ŋnə́ ghe. Bo mɨ soŋ nkən Ŋwi mbɨ́ʼ a za a ghɨnɨ fú bɔŋ á nkfu ɨ kuʼ atú njwi mətsa 1,260 ghe.”

Ɨfaʼ 20:24

Lá, a mbó me, ma lɔgɨ ntsi mbyi ɨzan a nye azúm adaŋədaŋə; ma lǒ tsɛʼ ɨ mɛtɨ za ma funɨ abyɛn a faʼə ɨ kɨ mɛtɨ afaʼ za Maʼmbyí Yeso a ghánɨ́ a mbó me a faʼə ghe. Afaʼ məzen a tsi lá a sóŋ ntəm mbɨ́ʼ Nkən wu Shiʼnɨ mbɨ́ʼ abɔŋəntəm a Ŋwi ə.

2 Timotyo 4:7

Ma kɨənə nɨkɨə na nɨ adaʼ azə atsum, ma kɨənə nɨkɨə na nɨtsum ngɛn nkuʼ a ndwitə, ma kɨ ntɛm ntɨŋə ngə́ twə́ŋ a mu abeməntəm za.

Yoane 19:30

Yeso a nó mɨluʼ ma ntiʼ soŋ ngə́, “A minə ghe!” Ntiʼ ndzəŋ atú azhi a ɨshe, ntsəmə.

Alukasɨ 8:31

Bɨdzɨŋ ba búʼ mbó a mbó Yeso ngə́ á keʼ awa fɨgɨ ntsagɨ abɨ́ a kfúrɨ́mándzó ghe.

Nkyɛʼə 12:17

Ntɔŋ dragɔn lánɨ́ ndwi a nye mangye wa, wɛrə a tiʼ ndo ngɛn a ntó abvuʼ a ɨbɛn bɨ ɨlə̌ mangye wa, bo ba bɨ zúʼnɨ́nɨ́ ntɨgə Ŋwi nkə́ ndzɔ̌ŋ nkənu za Yeso a kyɛ́ʼnɨ́ lá nɨ táʼ ntəm ə. Dragɔn a tíʼ ntɛ́m a ngə́rɨ́ sagɨrə wu ngwi ə.