Nkyɛʼə 11:3 - Mɨkan wu Fi

³ Ma mɨ tsagɨ bətɛmə-ndzě ɨban bɨbá ba bɨ wəgɨnɨ ɨtsɛʼ ndzə́ŋnə́ ghe. Bo mɨ soŋ nkən Ŋwi mbɨ́ʼ a za a ghɨnɨ fú bɔŋ á nkfu ɨ kuʼ atú njwi mətsa 1,260 ghe.”

Nkyɛʼə 11:3 Referans Kwoze

Nkyɛʼə 12:6

Mangye wa a kɨ́ə ngɛn a mu mɨkɨghonɨ, adiʼ wa Ŋwi a kwɛ́nə nkyaŋtɨ wəmbo, adiʼ wa bɨ mɨ lə̌tú nɨ zɨ atú njwi 1,260 ghe.

Nkyɛʼə 11:2

Lá koʼ ɨsaŋəbyɛn zɨ abyɛn nɨshwim za fɨʼ, mbɨ́ʼ ngə́ bɨ nyɛʼtɨ a zɛrə a mbó bɨtɨzhyɛŋwi, bo ba bo ghɨnɨ bɛʼtɨ ɨdiʼ a mu Ntáʼmbagə wu Wi wu Fɛmnɨ wa atú bɨsaŋ mɨghúm mi nɨkwa nɨ ntsɔb bá lá.

Nkyɛʼə 13:5

Bɨ nyɛ́ʼtɨ́ ngə́ á ɨnyam mɨbaʼ za gham ɨnu ɨŋuʼ ɨnye tsa tsɨ zɔmnə a Ŋwi, ntiʼ nkɨ nyɛʼtɨ ngə́ á wɛrə a tsi nɨ mɨtən a sáʼə atú bɨsaŋ mɨghúm mi nɨkwa nɨ ntsɔb bá ghe.

Ɨfaʼ 13:31

atú njwi tsə ghaʼnɨ wɛrə kə́ fúə a ɨshe a ɨshi ɨbɛn ba bɨ yénɨ́nɨ́ bo zɨ ndo a Galili ngɛn a Yerosalɛm lá. Bo tiʼ mbe bətɛmə-ndzě ɨbyi a mbó ɨbɛn bə Izrai ghe.

Ɨfaʼ 1:8

Lá a nkfu za Azhwi zə Fɛmnɨ a ghɨnɨ shíʼ atú bən, a ghɨ gha adaʼ a mbó bən, á nɨ be ɨbɛn ba bɨ númnə́ sóŋə́ anu azan a Yerosalɛm, a mu Yudiya tsum nɨ Samaria, ɨ ghɛn kuʼ a ndwitɨ atuəshe ə.”

Alukasɨ 24:48

Nɨ lá bətɛmə-ndzě a nye ɨnu tsiŋ ɨtsum ə.

2 Korɨnto 13:1

A mɨ be nkfu tsi tárə́ mbáʼ ma mɨ yen ɨ ghantɨ awɨŋ ə. Tso mbáʼ aŋwaʼnɨ a Ŋwi a soŋnɨ ngə́, “Be bɨ kaŋ a ŋwɔn, bətɛmə-ndzě mɨ zagɨ be bɨbá kə bɨtárə́ a nkyɛgɨnɨ anu zə wu ə.”

Ɨfaʼ 2:32

Ŋwi a zhwemnɨnə a Yeso məwen a mbó nɨvwo, bɨgɨnə bɨtsum kɨ mbe bətɛmə-ndzě mbɨ́ʼ anu məziŋ ə.

Yoane 15:27

Nɨ mɨ tiʼ kɨ gham mbɨ́ʼ aghan mbɨ́ʼ ngə́ nɨ tsí bɨgɨnə ndɔgɨnɨ a mbiʼnə ghe.”

Matyo 18:16

Lá be a tú nji ntsu ɨzo zuʼtɨ, lɔgɨ a táʼ ŋwɔn kə ɨbɛn bi bɨbá á bɨŋ bo ghɛn nkwatɨ ayi, taŋ á ɨbɛn bi bɨbá kə bi bɨtárə́ chi shiʼtɨ tsi tso bətɛmə-ndzě a nye anu atsum za nɨ ghamnə ghe.

Nkyɛʼə 19:10

Ma vwó a mɨku zɨ a ngúʼsɨ́ zɨ, lá a sóŋ a mbó me ngə́, “Koʼ məla ghɨə! Ma kɨ mbe ngaŋ afaʼ tso gho nkwiʼtɨ ɨbɛn ba bɨ nɨŋnɨ mɨntəm ɨma a nye Ŋwi, ɨbɛn bɨtsum ba bɨ chwanɨ nkənu za Yeso a kyɛ́ʼnə́. Ghuʼsɨ be a Ŋwi ə!” Mbɨ́ʼ ngə́ nkənu za Yeso a kyɛ́ʼnɨ́ bǐtɨ̌ ɨbɛn a nchwítɨ́ nkən Ŋwi ə.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Ɨfaʼ 3:15

Nɨ zhwítɨ́ a ŋwɔn wa a ghánɨ́ ntsi ntɨŋ ə. Lá Ŋwi a zhwémnɨ́ ayi a mbó nɨvwo ə. Bɨgɨ nɨ bətɛmə-ndzě a nye anu məziŋ ə.

Nkyɛʼə 20:4

Ma tíʼ ndzɛ́n ɨbərɨ ə. Bɨ ghá mɨtən mɨ sáʼə mɨsáʼ a mbó ɨbɛn ba bɨ shíʼtɨ́nɨ́ ntsi atú tsɛrə ghe. Ma kɨ́ ndzɛ́n bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nkənu za mbɨ́ʼ a Yeso abɔʼnɨ nɨgham nɨ Ŋwi ə. Bo sé ghuʼsɨ ɨnyam mɨbaʼ za kə a mɔn abe ɨyi ɛ. Bo sé kɨ ntsi nɨ alyigɨ a ɨnyam mɨbaʼ za a mɨdzenɨ bo kə a nye mbó ɨma ghe. Bo yén a mu ntsi ntən, ɨ sáʼ tso bɨfɔ bo bɨ Kristo atú ɨlom táʼ nchwuʼ ə.

Ɛfɛso 4:11

A bé wɛrə wa a “ghánɨ́ ɨdzúm tsɨ ghanɨ”; ɨdzúm tsə ghanɨ mətsiŋ be lá ngə́ a tsɔ́ʼ a bə tse ngə́ á bɨ be ntóm Yeso, á bə tse be ntóm Ŋwi, á bə tse be bɨfangɨrɨshi, á bə tse be bɨbasɨto bo bɨ bɨdiʼ bɨ aŋwaʼnɨ ə.

1 Korɨnto 12:28

A mu ndáŋwi, Ŋwi a tsɔʼ ɨbə́ŋ ɨbɛn bɨtsum a fɨʼ a fɨʼ ɨ nanə ghe: wɛrə a tsa mbyi ntsɔʼ ntóm Yeso, ndzɔŋtɨ ntsɔʼ ntóm Ŋwi, ntiʼ nkwiʼ ndzɔŋtɨ ntsɔʼ bɨdiʼ bɨ aŋwaʼnɨ, mbə ngɛn ɨwu ɨbɛn ba bɨ ghɨnɨ ɨnu tsɨ yerɨnɨ-yerɨnɨ, ngaŋ ntsuʼ ɨbɛn, ngaŋ ngǎ akwatɨ, ngaŋ ntsɨŋnɨ ɨbɛn abɔʼnɨ ɨbɛn ba bɨ ghamnɨ mɨgham mɨ ɨtóm ɨtóm ə.

Yoane 3:27

Yoane a chwɨ́gɨ́ ngə́, “Ka ŋwɔn tse a chi tsi ayi nɨ azúm zə tse tɨgha Ŋwi a gha a zɛrə wəmbo ə.

Matyo 11:21

“Wei ngɨ́ʼ zɨ ngwi a nye bɨŋ ə, a Chorəzɨn! Wei ngɨ́ʼ zɨ ngwi a nye bɨŋ ə, a Bɛtɨsaida! Ɨnu tsɨ yerɨnɨ-yerɨnɨ tsa bɨ ghɨ́nɨ́ a nye bən, bɨ bé ghɨ a tsɛrə lá a Taya bo Saidɔn, muŋ ɨbɛn ba ɨwu, ɨ lɔgɨnɨ a lɔʼkwam, bɨ wəgɨnɨ ɨtsɛʼ adzə́ŋnɨ nkɨ fuʼ ɨtumbəm ɨtsa nɨ abvu, a ndiʼə ngə́ bo bəŋnə mɨntəm ɨma a nye mɨbvu ɨma ghe!

Alukasɨ 10:13

“Wei ngɨ́ʼ zɨ ngwi a nye bɨŋ ɨbɛn bɨ Chorəzɨn! Wei ngɨ́ʼ zɨ ngwi a nye bɨŋ ɨbɛn bɨ Bɛtɨsaida! Ɨnu tsɨ yerɨnɨ-yerɨnɨ tsa bɨ ghɨ́nɨ́ a nye bən, bɨ bé ghɨ́ a tsɛrə lá a Taya bo Saidɔn, muŋ ɨbɛn ba ɨwu, ɨ lɔgɨnɨ a lɔ́ʼkwam, bɨ kwɛ́nə nkəmnɨ, ngwəgɨ ɨtsɛʼ ndzə́ŋnə́ nkɨ fuʼ ɨtumbəm ɨtsa nɨ abvu, a ndiʼə ngə́ bo bəŋnə mɨntəm ɨma a nye mɨbvu ɨma ntiʼ ntsi a bagɨ Ŋwi ə!

Nkyɛʼə 11:6

Bo tsi nɨ mɨtən a nkɨŋ nɨkaŋ taŋ á mbəŋ keʼ lo atú nkfu za bo mɨ soŋ nkən Ŋwi mbɨ́ʼ a za a ghɨnɨ fú bɔŋ á nkfu ɨ kuʼ lá. Bo kɨ ntsi nɨ mɨtən atú mɨnkyi, a mbəŋ mɛrə a nye alɛm ə. Bo tsi nɨ mɨtən ɨ kɨ maʼ ɨbə́ŋ ngɨ́ʼ tsɨ wi ɨtsum atuəshe nkfu ɨnɔ ɨnɔ adzaŋ za bo lɔnə ghe.