Nkyɛʼə 10:6 - Mɨkan wu Fi

⁶ ntiʼ nkan nɨ ɨkum Ŋwi, zɨ wa a tsinɨ atú ntən nɨnkoŋ nɨnkoŋ, zɨ wa a káʼnɨ́ fɔməbvurə, atuəshe abɔʼnɨ sagɨrə wu ngwi, abɔʼnɨ ɨdzúm ɨtsum tsa tsɨ tsinɨ a mu tsɛrə lá. Ntsendá Ŋwi za sóŋ ngə́, “Bɨ mɨ keʼ nkfu bə ntsəŋə!

Nkyɛʼə 10:6 Referans Kwoze

Nkyɛʼə 4:11

“Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”

Nkyɛʼə 16:17

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba chwírɨ́ azhi akəbɨ a mɨlwi wu ntən a mu ɨfɛgə. Nji zɨ nkɔʼnɨ atɨ́ zɨ tsɛrə kə́ fúə, ndo a nye abərɨ za a mu nɨshwim na ɨ sóŋə́ ngə́, “A miə!”

Nkyɛʼə 4:9

Ɨdzúm tsɨ kaʼnɨ tsa tsi nɨkwa tsa tsɨ tsinɨ ntən zɔbɨ mɨnkyi mɨ nɨfáŋ, mə nkɔ́ʼsə́ atɨ́ abɔʼnɨ mə mɨya a mbó zɨ wa a shiʼtɨnɨ ntsi atú abərɨ za, zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá. Nkfu tsum za bo zɔbɨnɨ mɨnkyi mɨ nɨfáŋ,

Nkyɛʼə 1:18

A nɨ me wa ma ghánɨ́ ntsi ntɨŋ ə! Ma kɨ kfó lá tɨtsɔŋnɨ ma tsi ntən nɨnkoŋ nɨnkoŋ ə. Ma tsi nɨ mɨtən atú nɨvwo abɔʼnɨ mbyi ɨkfú ɨbɛn ə.

Nkyɛʼə 4:10

bɨkum ba mɨghúm mɨmbá nɨ ntsɔb nɨkwa vwo a ɨshe a ɨshi zɨ wa a shiʼtɨnɨ ntsi atú abərɨ za lá, nguʼsɨ a zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá nkɨ maʼnɨ ɨsáʼfɔ ɨtsa a ɨshe a ɨshi abərɨ za ntiʼ soŋ ngə́:

Nkyɛʼə 6:11

Bɨ ghá a tɔgɨ wu fú a mbó ŋwɔn nɨbo tsum, ntiʼ soŋ a mbó bo ngə́ á bo kwiʼ njwiʼtɨ a nye məbaŋtɨ ɨ kɔʼ kuʼ nkfu za bɨ zhwitɨnə ngaŋ afaʼ ɨtsum tsɨ mɔʼɔ tsa bo bo faʼnə abɔʼnɨ ɨbɛn ba bo bo zɔŋnə a Kristo, tsɛʼ adzaŋ za bɨ kwɛ́nə njwítɨ́ awa lá.

Nkyɛʼə 12:12

Ma lan, fɔməbvurə abɔʼnɨ bən bɨtsum ba nɨ tsínə́ ɨwu, á nɨ tiʼ ntsi nɨ nɨdorɨ ə! Lá a bɨ́gɨ́ be tɨ́sə́n a mbó atuəshe abɔʼnɨ sagɨrə wu ngwi ə! Mbɨ́ʼ ngə́ Dəbɨrɨ a shiʼnə ngyen a mbó bɨŋ ə. Wɛrə a lon nɨ mɨlwi mbɨ́ʼ ngə́ wɛrə a zhi ngə́ zɨə bvurɨ ntsi tsɛʼ nɨ mɨnyi mɨ nkfu ə.”

Nkyɛʼə 21:6

Wɛrə a kwíʼ sóŋ ngə́, “Ma ghɨnə ɨnu tsiŋ ɨtsum ə! Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe. Ma mɨ gha a mbó ŋwɔn tsum wa nji nkyi záŋnə́ ayi mɨtən ngə́ á no nkyi wa ɨ lonɨ a mu náŋə́bə́rə wa nkyi ɨyi ghánɨ́ ntsi ntən tɨgha a tfu a wɛrə ghe.