Nkyɛʼə 10:5 - Mɨkan wu Fi

⁵ Ntsendá Ŋwi za ɨ tɛ́gɨ́nɨ́ a táʼ aku ɨyi atú sagɨrə wu ngwi nɨ táʼ wu mɔʼɔ atú ɨshe lá tíʼ ntsɔ́ʼ abó azhi zə maʼə atɨ́ a ndóm fɔməbvurə

Nkyɛʼə 10:5 Referans Kwoze

Nkyɛʼə 16:17

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba chwírɨ́ azhi akəbɨ a mɨlwi wu ntən a mu ɨfɛgə. Nji zɨ nkɔʼnɨ atɨ́ zɨ tsɛrə kə́ fúə, ndo a nye abərɨ za a mu nɨshwim na ɨ sóŋə́ ngə́, “A miə!”

Nkyɛʼə 14:7

Ntsendá Ŋwi za sóŋ nɨ nji zɨ ntən ngə́, “Kɔʼsɨ a Ŋwi atɨ́ nkɨ nga nɨfáŋ wəmbo ə! Mbɨ́ʼ ngə́ nkfu nɨsáʼ wɛrə ɨ kuʼnə ghe. Ghuʼsɨ a wɛrə wa a káʼnɨ́ fɔməbvurə, atuəshe, sagɨrə wu ngwi abɔʼnɨ bɨnáŋə́bə́rə ghe!”

Nkyɛʼə 10:2

Wɛrə a tsí nɨ mɨnyi mɨ aŋwaʼnɨ zə karɨnɨ zə ŋaʼnɨnɨ a mu abó azhi ɛ. Wɛrə a tɛ́gɨ́ aku azhi zə maʼə atú sagɨrə wu ngwi, ntɛgɨ aku azhi zə ntə́ŋ atú ɨshe.

Nkyɛʼə 4:11

“Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”

Ɨfaʼ 14:15

“Nɨ ghɨə a məzen lá mbɨ́ʼ ake le? Bɨgɨ mboŋ kɨ mbe lá tsɛʼ ɨbɛn bɨ mɨsɔŋ a ntsu tso bɨŋ ə! Bɨgɨ tsi ɨghan lá a sóŋ Nkən wu Shiʼnɨ a mbó bən, ɨ bəŋ awən á nɨ keʼ ɨnu adaŋədaŋə tsen a bɨŋə ngɨə, ɨ tiʼ tsi a mbó Ŋwi, zɨ wa a tsinɨ ntən, nkɨ mbe zɨ wa a káʼnɨ́ fɔməbvurə, atuəshe, sagɨrə wu ngwi abɔʼnɨ ɨdzúm ɨtsum tsa tsɨ tsinɨ a mu tsɛrə ghe.

Nkyɛʼə 4:9

Ɨdzúm tsɨ kaʼnɨ tsa tsi nɨkwa tsa tsɨ tsinɨ ntən zɔbɨ mɨnkyi mɨ nɨfáŋ, mə nkɔ́ʼsə́ atɨ́ abɔʼnɨ mə mɨya a mbó zɨ wa a shiʼtɨnɨ ntsi atú abərɨ za, zɨ wa ntsi ntɨŋ ɨzhi ghɔŋnɨ nɨnkoŋ nɨnkoŋ lá. Nkfu tsum za bo zɔbɨnɨ mɨnkyi mɨ nɨfáŋ,

Nkyɛʼə 1:18

A nɨ me wa ma ghánɨ́ ntsi ntɨŋ ə! Ma kɨ kfó lá tɨtsɔŋnɨ ma tsi ntən nɨnkoŋ nɨnkoŋ ə. Ma tsi nɨ mɨtən atú nɨvwo abɔʼnɨ mbyi ɨkfú ɨbɛn ə.

Ɛbal 6:13

A nkfu za Ŋwi a ghɨ́nɨ́ akaʼ azhi a mbó Abraʼm lá, wɛrə a kán ngə́ anu za zɨə káʼnɨ́ lá a ghɨ fuə. Tso mbáʼ wu tse ŋwɔn a sé tsi ɨwu wa a dɨ́tɨ́nɨ́ ntsa a Ŋwi lá, wɛrə a kán nɨ ɨkum ɨyi zɨmboŋ a nkfu za wɛrə a ghɨ́nɨ́ akaʼ zə tən azhi ɛ.

Roma 1:20

Ndɔgɨnɨ mbáʼ Ŋwi a káʼnɨ́ mbyi, ɨnu tsa tsɨ diʼnə ngə́ wɛrə nɨ Ŋwi tsa ka bɨ ndzě ayi, tso mɨtən ɨmyi ma a nɨ mə nɨnkoŋ abɔʼnɨ mbě ɨzhi tso Ŋwi, bɨ kyɛʼə a tsɛrə asaŋəsaŋ a mbó bɨgɨnə ghe: bɨ zě a tsɛrə lá a nye ɨdzúm tsa wɛrə a kaʼnə. Ma lan, ka ndómnji tse ɨ tsi ayi ɨwu wa be bo soŋ ngə́ a lo nkuʼnɨ a mbó bo a ngɨ ɨnu mətsiŋ ə.

Ɨfaʼ 17:23

Mbɨ́ʼ ngə́ adzaŋ za ma kɨ chinə ntsǎ a mu ntáʼmbagə wu wi ɨwən, ma kɨ liŋ ɨdiʼ tsa nɨ ghúʼsɨ́nɨ́ bɨŋwi ɨbən, ma kɨ zɛn bɨ ŋwaʼnɨ atú atú a mɨkuʼ zə mɔʼɔ ngə́, ‹A mbó ŋwi wa ka bɨ zhi ayi ayi ɛ›. Wa nɨ ghúʼsɨ́nə́ tɨ zhi lá, a nɨ wɛrə wa ma tiʼnə nchwítə́ anu azhi a mbó bən tɨtsɔŋnɨ ə.