Nkyɛʼə 10:11 - Mɨkan wu Fi

¹¹ Bɨ tíʼ sóŋ a mbó me ngə́, “O mɨ zagɨ soŋ nkən Ŋwi mbɨ́ʼ a za a ghɨnɨ fú bɔŋ á nkfu ɨ kuʼ a mbo ɨtsé tsɨ wi, ngwəgɨ ŋwɔn mɨsɔŋ a ntsu, mɨgham abɔʼnɨ bɨfɔ ghe.”

Nkyɛʼə 10:11 Referans Kwoze

Nkyɛʼə 17:15

Ntsendá Ŋwi za kɨ́ sóŋ a mbó me ngə́, “Ngə́rɨ́ mɨnkyi tsa o zɛ́nɨ́ akwarə za a shiʼtɨ ntsi ɨwu lá, lá ɨlaʼ, ɨbɛn, ngwəgɨ ŋwɔn mɨsɔŋ a ntsu abɔʼnɨ mɨgham ə.

Nkyɛʼə 14:6

Ma tíʼ ndzɛ́n ntsendá Ŋwi zɨ mɔʼɔ ɨ linə atɨ́ atɨ́ a mu ɨfɛgɨ, nɨ nkən wu shiʼnɨ wa ɨ ghɨnɨ ghɔ́ŋ nɨnkoŋ ə. Ɨ kə́ ngěn a nchwítɨ́ wɛrə a mbó ɨbɛn bɨ atuəshe, ngwəgɨ ŋwɔn mɨsɔŋ a ntsu tsum, atsé zə wi atsum, nɨgham nɨtsum bo ɨlaʼ ɨtsum ə.

Nkyɛʼə 11:9

Ɨbɛn bɨ ɨlaʼ ɨtsum, ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum abɔʼnɨ ngwəgɨ ŋwɔn mɨsɔŋ a ntsu tsum mɨ liŋənɨ ɨkfú ɨbɛn tsa atú njwi tsi tárə́ nɨ akum, ɨ keʼ nyɛʼtɨ ngə́ á bɨ twəŋ a tsɛrə ghe.

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Nkyɛʼə 10:10

Ma kwárɨ́ a mɨnyi mɨ aŋwaʼnɨ zə karɨnɨ za a mu abó azhi, nkfurɨ a zɛrə, a ləm tso ɨnwu a mu ntsu me ghe. Lá ma myinə a zɛrə, a bəŋ ntiʼ ndwi ɨ lwinɨ a mɨto me ghe.

Nkyɛʼə 11:1

Bɨ tíʼ ngá mbaŋ zɨ tse za ɨ fínɨ́ mbaŋ za bɨ fɨʼnɨ ɨdiʼ nɨ zɛrə a mbó me ntiʼ soŋ a mbó me ngə́, “Ghɛn fɨʼ nɨshwim nɨ Ŋwi abɔʼnɨ atú a mɨkuʼ, ntíʼ nkɨ nkwaʼ ɨbɛn ba bɨ ghánɨ́ nguʼsə a mu nɨshwim na.

Nkyɛʼə 17:10

A tɨtərɨ bɨfɔ məben bi samba, bə bi bɨtə̧̂ kfokɨnə, táʼ a bvurə sáʼə, wu mɔʼɔ wa a bvurɨ tɨ yiŋə; a ghɨ ngyén, a tsi nɨ zagɨ ɨ sáʼ tsɛʼ a nye məkum a nkfu ə.

Nkyɛʼə 17:12

Mɨndɔ́ŋ ma nɨghúm ma o zɛ́nɨ́ lá, lá bɨfɔ bi nɨghúm ba bɨ bvurɨnɨ tɨ biʼnɨ ɨ sáʼə; lá bɨ mɨ gha mɨtən a mbó bo á bo sáʼ tso bɨfɔ atú məkum a nkfu bo bɨ ɨnyam mɨbaʼ za.