Nkyɛʼə 10:1 - Mɨkan wu Fi

¹ Ma tíʼ ndzɛ́n a təkɔʼ bɨ ntsendá Ŋwi zɨ mɔʼɔ za ɨ fúnɨ́ a fɔməbvurə ɨ shiʼə ngyíŋə́ ghe. Mbaʼ kúbɨ́nɨ́ ayi tsɛʼ tsum, tánɨ́mɨshigɨ a karɨsɨ atú azhi; ɨshi ɨyi be tso nɨnyom, mɨku ɨmyi be tso ntɛ́ʼ ɨmugɨ ə.

Nkyɛʼə 10:1 Referans Kwoze

Matyo 17:2

Adzaŋ za bɨyɛʼ ɨbyi məben kɨ́nə́ ndyiŋə, bɨ bə́nkɨ́ a Yeso a ɨshi bo, ɨshi ɨyi tíʼə ntá tso nɨnyom, ɨtsɛʼ ɨchi tíʼə fúgə́ tso nkaʼ ə.

Nkyɛʼə 5:2

Ma kwíʼ nkɨ́ ndzɛ́n ntsendá Ŋwi zɨ ntən zɨ tse za ɨ chwítɨ́nɨ́ nɨ nji zɨ ntən ngə́, “Ɨwa a tsi nɨ ɨlɨŋ a ntə́ntɨ́ ɨfɛnwu tsen ɨ ŋaʼ aŋwaʼnɨ zə karɨnɨ zen le?”

Nkyɛʼə 4:3

Ŋwɔn wa a shíʼtɨ́nɨ́ ntsi ɨwu a kə́ ntá tso ngɔʼ atɨŋndvuŋ tsɨ ŋwenɨnɨ tsa ɨkum ɨyi nɨ jasɨba bo Kanelian, tánɨ́mɨ́shigɨ wa a kɨ́nə́ ntǎ tso ɛmɛradɨ a kárɨ́sɨ́ abərɨ za.

Nkyɛʼə 8:13

Ma tíʼ nden, ndzúʼ adzaŋ za azám a kɨ́nə́ ndyíə a təntsánɨ́ a mu ɨfɛgɨ a ghámnɨ́ nɨ nji zɨ nkɔʼnɨ atɨ́ ngə́, “Wei ngɨ́ʼ zɨ ngwi! Wei ngɨ́ʼ zɨ ngwi! Wei ngɨ́ʼ zɨ ngwi! A ghɨ tíʼ bɨ́gɨ́ be tɨ́sə́n a mbó ɨbɛn ba bɨ tsinɨ atuəshe a nkfu wa nji za ɨ funɨ a mu ntaŋ tsa abvuʼ ɨtsendá Ŋwi tsa tsi tárə́ mɨ zagɨ tɔŋə!”

Nkyɛʼə 1:7

Ze azo, wɛrə a yiŋə atú mbaʼ ə! Ŋwɔn tsum a mɨ zɛn ayi, ɨ kwiʼtɨ ɨbɛn ba bɨ sɔ́btɨ́nɨ́ ayi lá. Ɨbɛn bɨtsum atuəshe mɨ zɛʼ ayi ɛ. Nə nɨ adzaŋ za a ghɨnɨ be! A be lá.

Ɨfaʼ 26:13

A ghɨ́ mbé lá a ndómnji a ntənɨ nyom, nə Tsazɨ, mbáʼ ma zɛ́nɨ́ nkaʼ wu tse wa ɨ kɨ́nə́ ntǎ ntsa a nɨnyom, wa ɨ lónɨ́ a nɨkaŋ nta nkárɨ́sɨ́ aghan abɔʼnɨ ɨbɛn ba bɨgɨ bo tsínɨ́ aku ə.

Alukasɨ 21:27

Mɔn Ŋwɔn a ghɨ tíʼ fú a ɨshe, ɨ yiŋənə a mu mbaʼ nɨ mɨtən mə wi abɔʼnɨ nɨfáŋ ə.

Nkyɛʼə 18:1

Məzen a tsanə, ma zɛn ntsendá Ŋwi zɨ mɔʼɔ ɨ fu a fɔməbvurə ɨ shiʼə ngyiŋə ghe. Wɛrə a tsí nɨ mɨtən mə wi, nkaʼ wu fú wu nɨbɔŋ wa ɨ kɨ́nə́ fúə wə ɨnye ghɨ́ atuəshe a tiʼə fúgə́ ghe.

Nkyɛʼə 18:21

Təkɔʼ bɨ ntsendá Ŋwi zɨ tse tíʼ mbyé ngɔʼ abán zɨ faŋnɨ ɨ maʼ a zɛrə a mu sagɨrə wu ngwi ɨ soŋ ngə́, “Nə nɨ adzaŋ za bɨ ghɨnɨ tsənkɨ ntáʼmbagə wu wiəwi Babilɔn nɨ abə́ŋ adaʼ ziŋ ə, á bɨ láʼ nkeʼ a wɛrə bə ndze.

Nkyɛʼə 20:1

Ma tíʼ ndzɛ́n ntsendá Ŋwi ɨ lo a fɔməbvurə ɨ shiʼə ngyiŋə, ntiʼtɨ akugɨ abɨ́ a kfúrɨ́mándzó za abɔʼnɨ təkɔʼ bɨ nkɨ atɨŋə a mu abó zɨə.