Nkyɛʼə 1:9 - Mɨkan wu Fi

⁹ A nɨ me Yoane, mɨma ɨwɨŋ ə. Me tso táʼ ŋwɔn wa a zɔŋnə a Yeso, ma nɨ ŋwɔn aku ɨwən a nye adzaŋ za ma chigɨnɨ ntəm a mu ngɨ́ʼ za ɨ yenə a mbó ɨbɛn ba bɨ tsinɨ a mu nɨfɔ ɨni ɛ. Bɨ tságɨ́ aghan a Batɨmɔsɨ, adiʼ za nkyi karɨsɨnɨ mbɨ́ʼ ngə́ ma sóŋ anu a Ŋwi abɔʼnɨ ɨnu tsa bɨgɨ zɛ́nɨ́ mbɨ́ʼ a Yeso ghe.

Nkyɛʼə 1:9 Referans Kwoze

Nkyɛʼə 3:10

Mbáʼ nɨ lɛnə nɨgham ɨnan na nɨ lɔnə ngə́ á nɨ tsi nɨ nchigə, ma mɨ kɨ baʼtɨ awən a mbó nkfu ngɨ́ʼ zen za ɨ yenə atuəshe a njwə́ŋtɨ́ ɨbɛn bɨ atuəshe bɨtsum lá.

Ɨfaʼ 14:22

Bo nɨ́ŋ mɨntəm mɨ ɨbɛn ba bɨ nɨ́ŋnɨ́ mɨntəm ɨma a nye Kristo nkɨ ngwɔŋtɨ awa ngə́ á bo keʼ chiʼnɨ a mu abeməntəm aza ghe. Bo díʼ awa ngə́, “Bɨgɨnə mɨ zagɨ ze ngɨ́ʼ zɨ ngwi bɔŋ ɨ kon a mu Nɨfɔ nɨ Ŋwi ə.”

Yoane 16:33

Ma soŋ a məzen a mbó bən lá taŋ á nɨ tsi nɨ mbɔnɨ a ntsǎ a ndzum adzaŋ za nɨ tsinɨ a mbúm bɨgɨnə ghe. Atuəshe mɨ diʼ ngɨ́ʼ a mbó bɨŋ ə. Lá nɨ kotɨ mbáŋnɨ́ ɨtsɨŋ ə! Awa ma ghaʼnə atuəshe!”

Nkyɛʼə 1:2

Yoane a tiʼ mbe atɛmə-ndzě a nye atsum za zɨə zɛnə ghe. Nə nɨ aŋwaʼnɨ za wɛrə a ŋwaʼnɨnɨ mbɨ́ʼ nkən wa ɨ lonɨ a mbó Ŋwi abɔʼnɨ nkənu za wɛrə a zɛ́nɨ́ mbɨ́ʼ a Yeso Kristo ghe.

Nkyɛʼə 13:10

Ŋwɔn tsum wa bɨ tsinɨ nɨ nko, bɨ mɨ zagɨ ko ayi ɛ; ŋwɔn tsum wa bɨ tsinɨ nɨ njwitə nɨ lumban, bɨ mɨ zagɨ zhwitɨ ayi nɨ lumban ə. A tiʼə ndiʼə lá ngə́ á ɨbɛn bɨ Ŋwi bɨtsum tsi nɨ achigəntəm abɔʼnɨ abeməntəm ə.”

Filibi 4:14

Lá a kɨ chi mbɔŋ tsɛʼ a nkan a mbó bən a nkwátɨ́ me a mu ngɨ́ʼ ɨzə.

Nkyɛʼə 12:11

Ɨbɔmbɨma ɨbɨgɨnə tsí nɨ ayanguʼ atú zɨ ntsa lá a ndzum alɛm a Mɔn Mbyindzɨ za nkɨ ntsa lá a ndzum nkənu za bo chwítɨ́nə́; bo kyáŋtɨ́ ɨnye ɨtsa a ngá ntsi mbyi ɨtsa mbáʼ be a kwɛ ndiʼ ngə́ á bo kfo ə.

Nkyɛʼə 7:14

Ma chwɨ́gɨ́ ngə́, “Tə̧, ka ma zhi aghə. A zhi gho ghe.” Wɛrə a sóŋ a mbó me ngə́, “Nə nɨ ɨbɛn ba bɨ loŋnɨ ɨ fu a mu ndɨgə zɨ ntən za. Bo sugɨnɨ bɨtɔgɨ ɨba nɨ alɛm a Mɔn Mbyindzɨ wa ngɨ a bɛrə bɨ fugɨnə ghe.

2 Timotyo 1:8

O tiʼ lá ntsi tɨ adɨrətú a sóŋ nkən wu shiʼnɨ mbɨ́ʼ a Maʼmbyí ɨwɨgɨnə; kə nkoʼ kɨ ntsi nɨ adɨrətú mbɨ́ʼ aghan, me wa ma nɨ ngaŋ atsáŋ mbɨ́ʼ atú a Kristo lá. Baŋnɨ ndɔgɨ azo adiʼ a ndzé ngɨ́ʼ mbɨ́ʼ Nkən wu Shiʼnɨ, ndzɔŋə adaʼ za Ŋwi a ghánə́ a mbó gho a ngɨə mə lan lá.

Roma 8:25

Lá be bɨgɨnə ntsiŋə azúm za bɨgɨnə se ndzě nɨ ntəm ɨwɨgɨnə ɨtsum, bɨgɨnə tsiŋənə nɨ nchigə ghe.

Nkyɛʼə 14:12

Məzen a lǒ achigəntəm a mbó ɨbɛn bɨ Ŋwi ba bɨ zúʼnɨ́nɨ́ ntɨgə Ŋwi nkɨ nɨŋ mɨntəm ɨma a nye Yeso ghe.

Ɛbal 10:36

Nɨ tsi nɨ nchyɛ nɨ achigəntəm taŋ ɨ chi ghɨ anu za Ŋwi a lɔnə, ɨ tiʼ kwarɨ a za wɛrə a káʼnɨ́ awən ɨwu ə.

Filibi 1:7

Nɨ tsi a mu ntəm me tsɛʼ nkfu tsum ə! Ma lan, a kuʼnɨ a mbó me a ndzúʼə a mu ɨnye me adzaŋ za ma zúʼnə́ lá mbɨ́ʼ awɨŋ ə. Mbɨ́ʼ ngə́ bən bɨtsum tsi nɨ ɨwɨŋ bagɨ abɔŋəntəm za Ŋwi a ghanɨ a mbó me ghe. Nɨ tsi nɨ zɛrə tɨtsɔŋnɨ wa ma tsinɨ atsáŋ lá abɔʼnɨ nkfu za ma bénɨ́ ŋwɔn nɨ atú azan a ngyemnkɨ nkən wu shiʼnɨ ɨ kɨ bi a wɛrə á ɨ təntɨ ɨ shiʼnɨ lá.

Nkyɛʼə 11:7

Bo ghɨ mɛ́tɨ́ a nchwítɨ́ nkən wa, ɨnyam mɨtsɛgɨ za ɨ fúnə́ a mu abɨ́ a kfúrɨ́mándzó za mɨ tiʼ tokɨ awa ghe. Ɨ mɨ ghaʼ awa ɨ kɨ zhwitɨ awa,

Roma 8:17

Mbáʼ bɨgɨnə nɨ ɨbɔ ɨbyi lá, bɨgɨnə mɨ tsi nɨ ɨfɔgə wa a lɛnə a mbó ɨbɛn ɨbyi ɛ. Bɨgɨnə mɨ kɨ tsi nɨ azúm za Ŋwi a lɛnɨ a mbó Kristo; mbɨ́ʼ ngə́ be bɨgɨnə ze ngɨ́ʼ bɨgɨnə bɨ Kristo, bɨgɨnə ghɨ kɨ tsi a mu nɨfáŋ ɨni ɛ.

Nkyɛʼə 19:10

Ma vwó a mɨku zɨ a ngúʼsɨ́ zɨ, lá a sóŋ a mbó me ngə́, “Koʼ məla ghɨə! Ma kɨ mbe ngaŋ afaʼ tso gho nkwiʼtɨ ɨbɛn ba bɨ nɨŋnɨ mɨntəm ɨma a nye Ŋwi, ɨbɛn bɨtsum ba bɨ chwanɨ nkənu za Yeso a kyɛ́ʼnə́. Ghuʼsɨ be a Ŋwi ə!” Mbɨ́ʼ ngə́ nkənu za Yeso a kyɛ́ʼnɨ́ bǐtɨ̌ ɨbɛn a nchwítɨ́ nkən Ŋwi ə.

Nkyɛʼə 12:17

Ntɔŋ dragɔn lánɨ́ ndwi a nye mangye wa, wɛrə a tiʼ ndo ngɛn a ntó abvuʼ a ɨbɛn bɨ ɨlə̌ mangye wa, bo ba bɨ zúʼnɨ́nɨ́ ntɨgə Ŋwi nkə́ ndzɔ̌ŋ nkənu za Yeso a kyɛ́ʼnɨ́ lá nɨ táʼ ntəm ə. Dragɔn a tíʼ ntɛ́m a ngə́rɨ́ sagɨrə wu ngwi ə.

Nkyɛʼə 6:9

Mɔn Mbyindzɨ wa a tíʼ ŋáʼ fɛnwu za ɨ zɔ́ŋtɨ́nɨ́ a nye ɨdiʼ tsi tə̧̂ lá. Ma zɛ́n a shwúrɨ́ mɨkuʼ ma, bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nɨgham nɨ Ŋwi, nkɨ ngam mbɨ́ʼ abeməntəm aza nɨ táʼ ntəm ə.

Nkyɛʼə 1:4

Ndo a mbó Yoane ngěn a mbó ndáŋwi tsa tsi samba tsa tsɨ tsinɨ a mu mbuʼ Esha lá. A abɔŋəntəm abɔʼnɨ mbɔnɨ tsi a mbó bən ndo a mbó Ŋwi, zɨ wa a benɨ, wa a bénɨ́, wa a lo láʼ yen, nkɨ ndo a mbó ɨzhwi tsa tsi samba tsa tsɨ tsinɨ a ɨshi abərɨ azhi,

2 Tesalonaika 3:5

A Maʼmbyí a tsagɨnɨ awən a ndzúʼə ɨ kɨ zhi ɨ ghɛn nɨ mbyi nɨ akɔŋnɨ a Ŋwi abɔʼnɨ achigəntəm, tso mbáʼ Kristo a kɨ́nɨ́ nkɨ́ nchigɨ lá.

Matyo 20:23

Yeso a sóŋ a mbó bo ngə́, “Tsɛʼ a nkənu, nɨ ghɨ nó ndɔ́ŋ ngɨ́ʼ ɨzə, lá ɨ ghɨ tsí abó me zə maʼə kə zə ntə́ŋ, ka a be ayi adiʼ azan a ntsɔ́ʼ ŋwɔn wa a ghɨnɨ tsí abagɨ abó me zə maʼə kə zə ntə́ŋ ə. Ɨdiʼ tsiŋ tsi lá a mbó ɨbɛn ba ta ɨghan a kwɛnə nkyaŋtɨ a mbó bo ghe.”

Marɨkusɨ 10:39

Bo chwɨ́gɨ́ ngə́, “Bɨgɨ chi ghɨə.” Yeso a tíʼ sóŋ a mbó bo ngə́, “Ndɔ́ŋ za ma nónə́ ɨwu lá, nɨ ghɨ no; nkyi wa ma kwárɨ́nɨ́ lá, nɨ mɨ kɨ kwarɨ;

Ɨfaʼ 1:15

A ndzum njwi tsɨ tse a nɨsháŋnɨ́, ɨbɛn ba bɨ nɨ́ŋnɨ́ mɨntəm ɨma a nye Yeso wɛ́m ngǒtə ghe. Ɨbɛn bɨtsum ba bɨ tsínɨ́ ɨwu bɨ bé tso 120 ghe. Bita a ló atɨ́ a ngamə ɨ soŋ ngə́,

2 Korɨnto 1:7

Ntsiŋə ɨzɨgɨ nɨ ntəm ɨwɨgɨ ɨtsum mbɨ́ʼ awən ɨ se chiʼnɨ; mbɨ́ʼ ngə́ bɨgɨ zhi ngə́ adzaŋ za nɨ zɛ́nɨ́ ndəŋndəŋ ngɨ́ʼ tso bɨgɨ lá, nɨ kɨ ntsi nɨ alɛtɨ tso bɨgɨ ə.

1 Bita 5:1

Me wa ma nɨ atú a ndáŋwi me mboŋ, ma bǔʼ mbó a mbó ɨtú ndáŋwi a tɨtərɨ bɨŋ ə. Ma nɨ atɛmə-ndzě a nye ngɨ́ʼ za Kristo a zɛ́nɨ́, ma ghɨ kɨ́ tsi a mu nɨfáŋ na bɨ ghɨnɨ kyɛʼ lá. Ma bǔʼ mbó a mbó bən ngə́

Nkyɛʼə 1:1

Aŋwaʼnɨ zen a lá aŋwaʼnɨ za bɨ ŋwaʼnɨnɨ ɨnu tsa Yeso Kristo a Kyɛ́ʼnɨ́ wə mu ə. Ŋwi a ghá nkyɛʼə məzen wəmbo lá taŋ ɨ kyɛʼ a mbó ɨbɛn ba bɨ zɔŋnə ayi ɨnu tsa tsɨ mɨ zagɨ fu mbáʼ abaŋ a se bə satə. Kristo a fɨ́ʼtɨ́ ɨnu mətsen a mbó ngaŋ afaʼ ɨzhi Yoane ntsa lá a ndzum ntsagɨ ntsendá ɨzhi a mbó zɨ,

Nkyɛʼə 1:6

ngɨ awɨgɨnə bɨgɨnə tiʼ nɨfɔ na ɨbɛn ɨbyi nɨ bɨntumshe, ngə́ á bɨ faʼə a mbó Ŋwi ɨyi wa a kɨnɨ nkɨ mbe Tarɨ lá. A nɨfáŋ bo mɨtən tsi a mbó Yeso Kristo nɨnkoŋ nɨnkoŋ ə! A be lá.

Nkyɛʼə 20:4

Ma tíʼ ndzɛ́n ɨbərɨ ə. Bɨ ghá mɨtən mɨ sáʼə mɨsáʼ a mbó ɨbɛn ba bɨ shíʼtɨ́nɨ́ ntsi atú tsɛrə ghe. Ma kɨ́ ndzɛ́n bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nkənu za mbɨ́ʼ a Yeso abɔʼnɨ nɨgham nɨ Ŋwi ə. Bo sé ghuʼsɨ ɨnyam mɨbaʼ za kə a mɔn abe ɨyi ɛ. Bo sé kɨ ntsi nɨ alyigɨ a ɨnyam mɨbaʼ za a mɨdzenɨ bo kə a nye mbó ɨma ghe. Bo yén a mu ntsi ntən, ɨ sáʼ tso bɨfɔ bo bɨ Kristo atú ɨlom táʼ nchwuʼ ə.