Nkyɛʼə 1:8 - Mɨkan wu Fi

⁸ Maʼmbyí Ŋwi Tamɨtən Mɨtsum, zɨ wa a benɨ, wa a bénɨ́, wa a lo láʼ yen, a soŋ ngə́, “Ma nɨ ntsambyi nkɨ mbe ntsɨrɨndzum ə.”

Nkyɛʼə 1:8 Referans Kwoze

Nkyɛʼə 22:13

Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe.”

Nkyɛʼə 21:6

Wɛrə a kwíʼ sóŋ ngə́, “Ma ghɨnə ɨnu tsiŋ ɨtsum ə! Ma nɨ ntsambyi nkɨ mbe ntsɨrɨndzum, mbiʼnə nkɨ mbe ndwitə ghe. Ma mɨ gha a mbó ŋwɔn tsum wa nji nkyi záŋnə́ ayi mɨtən ngə́ á no nkyi wa ɨ lonɨ a mu náŋə́bə́rə wa nkyi ɨyi ghánɨ́ ntsi ntən tɨgha a tfu a wɛrə ghe.

Nkyɛʼə 1:4

Ndo a mbó Yoane ngěn a mbó ndáŋwi tsa tsi samba tsa tsɨ tsinɨ a mu mbuʼ Esha lá. A abɔŋəntəm abɔʼnɨ mbɔnɨ tsi a mbó bən ndo a mbó Ŋwi, zɨ wa a benɨ, wa a bénɨ́, wa a lo láʼ yen, nkɨ ndo a mbó ɨzhwi tsa tsi samba tsa tsɨ tsinɨ a ɨshi abərɨ azhi,

Nkyɛʼə 11:17

ɨ sóŋə́ ngə́: “Maʼmbyí Ŋwi Tamɨtən Mɨtsum, zɨ wa a nɨ nkɨ mbe wɛrə wa a bénɨ́! Bɨgɨ gha a mɨya a mbó gho mbɨ́ʼ ngə́ o kwarɨnə mɨtən ɨmo mə wi ntiʼ nkɨ mbiʼnɨ sáʼə atuəshe!

Nkyɛʼə 1:17

Mbáʼ ma zɛ́nɨ́ ayi lá, ngvo a mɨku zɨ tso akfú a ŋwɔn ə. A nyɔ́ŋ abó azhi zə maʼə a ɨnye me ɨ soŋ ngə́, “Koʼ bɔgə! Ma nɨ ntsambyi ŋwɔn nkɨ mbe ntsɨrɨndzum ŋwɔn ə.

Nkyɛʼə 2:8

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Smaina ngə́: Nə nɨ nkən wa ɨ lonɨ a mbó zɨ wa a nɨ ntsambyi ŋwɔn nkɨ mbe ntsɨrɨndzum ŋwɔn, zɨ wa a kfónɨ́ mbə́ mbən ntsi ntən wədiʼ lá.

Nkyɛʼə 4:8

Azúm zə kaʼnɨ za atsum za a tsínɨ́ ntən a tɨtərɨ tsa tsi nɨkwa a tsí nɨ mɨbabɨnɨ mi ntugə ghe. Ɨmɨgɨ lón a nye mbəmnye ɨtsa ɨtsum nkwiʼtɨ ɨshwúrɨ́ mɨbabɨnɨ ma. Nɨ njwi nɨ ɨtfúʼ, ka bo nkyɛ́ntə́ awa a ndzɔbə ngə́: “Maʼmbyí Ŋwi Tamɨtən Mɨtsum o fɛm, ɨ fɛm, ɨ fɛm, gho wa o bénɨ́, wa o benɨ, nkɨ mbe wa a lo láʼ yen lá.”

2 Korɨnto 6:18

ma mɨ be Tá ɨwən, á nɨ tiʼ nkɨ mbe ɨbɔ ɨban bə mbáŋnɨ́ bo bə bəngye.”

Nkyɛʼə 19:15

Lumban wu ntsɛgɨnɨ a jígɨ́nɨ́ a ntsu zɨə. Wɛrə mɨ lɔgɨ lá a wɛrə ɨ gháʼ ɨlaʼ ɨwu ə. Wɛrə a mɨ sáʼ awa nɨ mɨtən tso a sáʼə nɨ mbaŋ atɨŋə, ɨ kɨ kám mɨntam mɨ atɨ mɨ nyɛtɨ mɨluʼ ma a mu adiʼ a nkám mɨluʼ za, mbáʼ lá chwusətú mɨlwi Ŋwi Tamɨtən Mɨtsum lá.

Nkyɛʼə 16:14

Bo lá ɨzhwi bɨdzɨŋ tsa tsɨ ghɨnɨ ɨnu tsɨ yerɨnɨ-yerɨnɨ lá. Ɨzhwi mətsen tsi tárə́ ghěn a mbó bɨfɔ bɨ atuəshe bɨtsum, ɨ ghotɨ awa adiʼ zɨə mɔ́ʼɔ́ a mbó ntso wa ɨ ghɨnɨ lɔgɨ adiʼ a Njwi wa Ŋwi Tamɨtən Mɨtsum a ghɨnɨ sáʼ ɨbɛn ə.

Nkyɛʼə 21:22

Ma sá zɛ́n nɨshwim a mu ntáʼmbagə wu wi wa, mbɨ́ʼ ngə́ nɨshwim ɨni nɨ Maʼmbyí Ŋwi Tamɨtən Mɨtsum bo Mɔn Mbyindzɨ wa.

Nkyɛʼə 1:11

Nji za ɨ sóŋ ngə́, “Ŋwaʼnɨ ɨnu tsa o zɛ́nə́, ntsagɨ aŋwaʼnɨ zə wu a mbó ndáŋwi tsa tsɨ tsinɨ a mu ntáʼmbagə tsɨ wi tsi samba mbáʼ mɨkum ɨma nɨ; Ɛfɛso, Smaina, Bɛgamum, Tiatira, Sadisɨ, Filadɛlfia abɔʼnɨ Laodisia ghe.”

Nkyɛʼə 15:3

ndzɔbɨ nkyi wa Mǒse ngaŋ afaʼ Ŋwi a zɔ́bɨ́nɨ́, nkɨ mbe nkyi wa Mɔn Mbyindzɨ wa a zɔ́bɨ́nɨ́ ngə́: “Maʼmbyí Ŋwi Tamɨtən Mɨtsum, ɨnu tsa o ghɨnə a nɨ tsə wi nkɨ mbe tsə tsanɨnɨ ə! Ɨfɔ ɨlaʼ ɨtsum, ɨnu ɨtso a nɨ tsa tsɨ kuʼnɨnɨ, mɨndóm ɨmo kɨ mbe mə nkənu ə!

Nkyɛʼə 16:7

Ma tíʼ ndzúʼ nji ɨ lo atú a mɨkuʼ ɨ sóŋə́ ngə́, “Maʼmbyí Ŋwi Tamɨtən Mɨtsum! Nchɛrɨ mɨsáʼ ɨzo ɨ dǐʼ nkənu, nkeʼ nɨ nkobɨ chyɛ!”

Nkyɛʼə 19:6

Ma tíʼ ndzúʼ azúm zə tse za a zɔ́rɨ́nɨ́ tso ɨnɔ ɨbɛn, tso ndzuʼ nkyi wu vwonɨ, tso mbəŋ za ɨ ŋwankɨnə ghe. Ma zúʼ bo soŋ ngə́, “Bontɨ a Ŋwi ə! Mbɨ́ʼ ngə́ Maʼmbyí, Ŋwi Tamɨtən Mɨtsum ɨwɨgɨnə nɨ Ɨfɔ ghe!