Nkyɛʼə 1:7 - Mɨkan wu Fi

⁷ Ze azo, wɛrə a yiŋə atú mbaʼ ə! Ŋwɔn tsum a mɨ zɛn ayi, ɨ kwiʼtɨ ɨbɛn ba bɨ sɔ́btɨ́nɨ́ ayi lá. Ɨbɛn bɨtsum atuəshe mɨ zɛʼ ayi ɛ. Nə nɨ adzaŋ za a ghɨnɨ be! A be lá.

Nkyɛʼə 1:7 Referans Kwoze

Matyo 24:30

A nyom məwa á alɨgɨ a Mɔn Ŋwɔn a tom ɨ fu a fɔməbvurə ghe. Ɨtsé tsɨ wi ɨtsum tsa tsɨ tsinɨ atuəshe, tsɨ mɨ to a kɨzɔb, adzaŋ za bo mɨ zɛn a Mɔn Ŋwɔn á ngyíŋə́ a mu mbaʼ fɔməbvurə nɨ mɨtən abɔʼnɨ nɨfáŋ nə wi ə.

Yoane 19:37

Adiʼ aŋwaʼnɨ a Ŋwi zə mɔʼɔ a kwiʼ soŋ ngə́, “Ɨbɛn ghɨ liŋ ayi wa bo sɔ́bɨ́nə́.”

Marɨkusɨ 14:62

Yeso a chwɨ́gɨ́ ngə́, “Ma nɨ wɛrə ghe; nɨ ghɨ zɛ́n a Mɔn Ŋwɔn á shiʼtɨ ntsi a bagɨ abó Tamɨtən Mɨtsum zə maʼə ɨ kə́ yiŋnə a mu mbaʼ fɔməbvurə ghe!”

Alukasɨ 21:27

Mɔn Ŋwɔn a ghɨ tíʼ fú a ɨshe, ɨ yiŋənə a mu mbaʼ nɨ mɨtən mə wi abɔʼnɨ nɨfáŋ ə.

1 Tesalonaika 4:17

a nkfu məwa bɨ ghɨ tiʼ ghǒtɨ awɨgɨnə wa bɨ tsinɨ atú ntən, bɨgɨnə bo adiʼ za mbaʼ ɨ tsinɨ ɨwu, ɨ kwatɨ a Maʼmbyí a nɨkaŋ, ma lan, bɨgɨnə ghɨ tsinə tsɛʼ nkfu tsum bɨgɨnə bɨ Maʼmbyí ɛ.

1 Tesalonaika 1:10

Bo kɨ́ soŋ ngə́ nɨ tsiŋə ngə́ á Mɔn ɨyi a lo a fɔməbvurə ngyen, Mɔn ɨyi Yeso, zɨ wa wɛrə a zhwémnɨ́nɨ́ a mbó nɨvwo lá. A nɨ Mɔn ɨyi məwen wa a kwárɨ́nə́ awɨgɨnə a mbó mɨlwi Ŋwi wa a yenə ghe.

Marɨkusɨ 13:26

Mɔn Ŋwɔn a mɨ tiʼ fu a ɨshe, ɨ yiŋnə a mu mbaʼ nɨ adaʼ zə wi abɔʼnɨ nɨfáŋ ə.

Judɨ 1:14

A nɨ Ɛnɔkɨ, wa a yénɨ́ a nye mɨwə ma mɨ kúʼnɨ́ mi samba a ndɔgɨnə a nye Adam, wa a sóŋnɨ́ a za a ghɨnɨ fú a nye bo a ngúʼə ngúʼə ngə́: “Zɛnə, Maʼmbyí a mɨ yen nɨ bɨtsen bɨ ndá ɨbyi bə fɛmnɨ a nchwuʼ a nchwuʼ

Matyo 26:64

Yeso a chwɨ́gɨ́ wəmbo ngə́, “A soŋ gho ghe. Lá ma soŋ a mbó bɨŋ ə: ɨ lɔgɨnɨ tɨtsɔŋnɨ ɨ ghěn nɨ mbyi, o ghɨ zɛ́n a Mɔn Ŋwɔn á shiʼtɨ ntsi abó maʼə zə Tamɨtən Mɨtsum, ɨ kə́ yenə a mu mbaʼ a fɔməbvurə ghe!”

Nkyɛʼə 22:20

Zɨ wa a chwitɨnɨ mɨnkən men mɨtsum, a sóŋə́ ngə́, “E, tsɛʼ nkənu, ma mɨ yen a nye məkum a nkfu ə!” A be lá. Yiŋə a Maʼmbyí Yeso!

1 Yoane 3:2

O bɨson ɨban, tɨtsɔŋnɨ bɨgɨnə nɨ ɨbɔ bɨ Ŋwi ə, lá azúm za bɨgɨnə lonɨ be zɛrə, a bvurɨ tɨ lə̌. Lá bɨgɨnə zhi ngə́ a nkfu za Kristo a funɨ a ɨshe, bɨgɨnə mɨ be tso zɨ, mbɨ́ʼ ngə́ bɨgɨnə ghɨ zɛ́n ayi tsɛʼ adzaŋ za a lanɨ mbe.

Ɛbal 10:29

Ɨnɨŋ ngɨ́ʼ ghɨ lánɨ́ tiʼ be lá ɨ nə́ a mbó ɨbɛn ba bɨ wagɨnɨnɨ a Mɔn Ŋwi, ba bɨ tsagɨnɨ alɛm akan a Ŋwi za a sugɨnɨ awa a mbó mɨbvu ɨma abɔʼnɨ ba bɨ ghamnɨ ɨnu tɨbɔŋ mbɨ́ʼ Azhwi za a ghánɨ́ abɔŋəntəm le?

Yoane 19:34

Lá táʼ gwe wa wu mɔʼɔ, a sɔ́bɨ́ nɨkɔŋ ɨni a mumbyɛn Yeso, alɛm bo nkyi tiʼ mbyi mbebɨnɨ ɨ fu ɨwu ə.

Nkyɛʼə 22:4

Ngaŋ afaʼ tsa ghɨ zɛ́n ɨshi ɨyi, á bɨ ŋwaʼnɨ ɨkum ɨyi a mɨdzenɨ bo ghe.

Ɛbal 6:6

Be a be ngə́ bo nyɛ́ʼ abeməntəm aza, muŋ ka ndóm tse be ayi ɨwu a ngɨə á ɨbɛn bə mbəŋ mɨntəm ɨma a nye mɨbvu ɨma, mbɨ́ʼ ngə́ bo bɨŋə nkwemtə lá a Mɔn Ŋwi atɨ abaŋnɨ-baŋnɨ, ɨ nɨŋə adɨrətú wə ɨnye asaŋəsaŋ ə.

Matyo 16:27

Mɔn Ŋwɔn a mɨ ghɨ yen bo bɨ bɨtsen bɨ ndá bɨ Ŋwi a mu nɨfáŋ nɨ Ta ɨyi, ɨ tiʼ tsɔʼ afaʼ a ŋwɔn tsum ɨ zɔŋ adzaŋ za mbáʼ a faʼnə.

Matyo 16:28

Tsɛʼ a nkənu, ma sóŋə́ awɨŋ ə, bə tse tsi ɨwu ɨghan ba bɨ mɨ keʼ kfo tɨgha Mɔn Ŋwɔn a yen tso ɨfɔ ghe.”

Matyo 25:31

“Nkfu za Mɔn Ŋwɔn a ghɨnɨ yen a mu nɨfáŋ ɨni, abɔʼnɨ bɨtsen bɨ ndá bɨ Ŋwi bɨtsum, wɛrə a mɨ shiʼtɨ tsi atú abərɨ a nɨfáŋ azhi ɛ.