Nkyɛʼə 1:5 - Mɨkan wu Fi

⁵ nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Nkyɛʼə 1:5 Referans Kwoze

Ɛbal 9:14

Mbáʼ məzen a nɨ nkənu lá, a ghɨ tíʼ be ɨ lə́ a mbó alɛm a Kristo le? A ntsǎ a ndzum Azhwi a nɨnkoŋ, wɛrə a ghá atuəmbəm azhi tso mɨtsuʼnɨ mɨ atú ma mɨ tsinɨ tɨ alɔʼ a mbó Ŋwi ə. Alɛm a wɛrə a mɨ sugɨ mɨntəm ɨmɨgɨnə a nye mbɔm alaʼ tsa tsɨ se nɨ ɨlɨŋ tse tsi, taŋ á bɨgɨnə faʼə a mbó Ŋwi, zɨ wa a tsinɨ atú ntən lá.

1 Yoane 1:7

Lá be bɨgɨnə nchyɛ̌ a mu nkaʼ — tsɛʼ tso mbáʼ wɛrə a tsinɨ a mu nkaʼ lá — lá be ngə́ bɨgɨnə ndzɨ́nə́ bɨgɨnə bɨ ŋwɔn nɨ ŋwɔn, alɛm a Mɔn ɨyi Yeso, a sugɨnə ɨfənu ɨtsɨgɨnə ɨtsum a tɨtərɨ bɨgɨnə ghe.

Nkyɛʼə 17:14

Bo mɨ tǒkɨ a Mɔn Mbyindzɨ wa; lá Mɔn Mbyindzɨ wa abɔʼnɨ ɨbyi ba bɨ tsɔ́ʼnɨ́, ndzarɨ awa, bɨ kə́ ndzɔŋə ayi tsɛʼ nɨ táʼ ntəm lá, bo mɨ ghaʼ awa mbɨ́ʼ ngə́ wɛrə a nɨ Maʼmbyí bɨmaʼmbyí nkɨ mbe Ɨfɔ bɨfɔ ghe.”

Kolose 1:18

Wɛrə nɨ atú a mbəmnye ɨzhi, mbe lá ndáŋwi; ntsi ntɨŋ mbəmnye za lǒ lá a mbó wɛrə ghe. Wɛrə nɨ ntsambyi Mɔn, wa Ŋwi a zhwémnɨ́nɨ́ a mbó nɨvwo, taŋ á be tsɛʼ zɨzɨ wa a chinɨ tsi nɨ ntsambyi adiʼ a nye ɨnu ɨtsum ə.

1 Bita 1:19

lá a bé lá alɛm a Kristo, azúm atɨŋndvuŋ, zɨ wa a bénɨ́ tso mɔn mbyindzɨ wa a sé nɨ akɔkɨ anu zə tsɛrə a ɨnye zɨ tsi lá.

Ɨfaʼ 26:23

Wa bɨ Zɔ́ʼnɨ́ wa a mɨ zagɨ ze ngɨ́ʼ, ɨ be ntsambyi ŋwɔn a nzhwémnə́ a mbó nɨvwo taŋ ɨ chwítɨ́ nkən wen a mbó bə Yuda abɔʼnɨ ba a se bə Yuda be ngə́ bɨ chi loŋ awa, á məzen a be lá tso nkaʼ a mbó bo ghe.”

Nkyɛʼə 19:16

Bɨ ŋwáʼnɨ́ a nye tɔgɨ ɨyi abɔʼnɨ nɨtuʼ ɨni ngə́, “Ɨfɔ bɨfɔ abɔʼnɨ Maʼmbyí bɨmaʼmbyí ɛ”.

1 Yoane 4:10

Azúm za bɨ tɔ́ŋnə́ ngə́ akɔŋnɨ lá a zɛnə: ka a be ayi be ngə́ bɨgɨnə kɔŋ a Ŋwi ə, lá a nɨ be ngə́ wɛrə a kɔ́ŋ awɨgɨnə, ntiʼ ntsagɨ a Mɔn ɨyi ngə́ á wɛrə a be mɨtsuʼnɨ mɨ atú ma zɨə kyémnɨ́ mbɨ́ atú azɨgɨnə taŋ ɨ lɨgɨnɨ mɨbvu ɨmɨgɨnə ghe.

Yoane 18:37

Ma lan, Branto a bítɨ́ ayi ngə́, “Ma lan, O nɨ ɨfɔ le?” Yeso a chwɨ́gɨ́ ngə́, “O soŋ ngə́ ma nɨ ɨfɔ ghe. Bɨ jwí aghan lá mbɨ́ʼ a táʼ anu wiŋ ə, ma kɨ́ ngyen atuəshe lá mbɨ́ʼ a táʼ anu məwiŋ ə, a be mbɨ́ʼ ngamə mbɨ́ʼ nkənu ə. Ŋwɔn tsum wa a tsinɨ a bagɨ nkənu, a zhwíʼtə́ a mbó me ghe.”

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.

Nkyɛʼə 7:14

Ma chwɨ́gɨ́ ngə́, “Tə̧, ka ma zhi aghə. A zhi gho ghe.” Wɛrə a sóŋ a mbó me ngə́, “Nə nɨ ɨbɛn ba bɨ loŋnɨ ɨ fu a mu ndɨgə zɨ ntən za. Bo sugɨnɨ bɨtɔgɨ ɨba nɨ alɛm a Mɔn Mbyindzɨ wa ngɨ a bɛrə bɨ fugɨnə ghe.

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

1 Timotyo 6:15

A nye nkfu za ɨ kuʼnɨnɨ, Ŋwi a ghɨ ghɨ a wɛrə á fu a ɨshe, Ŋwi, zɨ wa ɨfɔgɨ tsinɨ wə ɨnye, Nsaʼlaʼ wa a nunɨ zɨzɨ, Ɨfɔ bɨfɔ nkɨ mbe Maʼmbyí bɨmaʼmbyí lá.

Ɛfɛso 2:4

Lá, Ŋwi, zɨ wa a lonɨ nɨ mɨlɨŋnɨ, mbɨ́ʼ ngə́ wɛrə a kɔŋ awɨgɨnə be tɨ́sə́n,

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Nkyɛʼə 11:15

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba ɨ tɔ́ŋ ɨzhi ntaŋ ə. Nji tsə kɔʼnɨ atɨ́ tsə tsɛrə ló a fɔməbvurə ɨ sóŋə́ ngə́, “Mɨtən mɨ sáʼ atuəshe tsi tɨtsɔŋnɨ lá a mbó Maʼmbyí ɨwɨgɨnə abɔʼnɨ Wa bɨ Zɔ́ʼnɨ́ ɨyi ɛ. Wɛrə a mɨ sáʼ nɨnkoŋ nɨnkoŋ ə!”

1 Timotyo 6:13

A ɨshi Ŋwi, zɨ wa a ghánɨ́ ntsi ntən a mbó ɨdzúm ɨtsum, nkɨ mbe a ɨshi Kristo Yeso, zɨ wa a sóŋnɨ́ abeməntəm azhi nɨ ntəm ɨyi ɨtsum a ɨshi Bonto Branto, ma ghǎ ntɨgə zen a mbó gho ngə́

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Yoane 15:9

Ma kɔŋ awən tsɛʼ adzaŋ za Tarɨ a kɔŋnɨ aghə; á nɨ ghɔŋ a mu akɔŋnɨ azan a nye bɨŋ ə.

Yoane 13:1

A bvúrɨ́ táʼ njwi á Nɨdorɨ nɨ Tsa-yɛʼnɨ lɔgɨ adiʼ ə. Yeso a zhí ngə́ nyom a kúʼnə wa zɨə mɨ lo nyɛʼtɨ mbyi zen, ɨ tiʼ ghɛn a mbó Tarɨ ə. Nkfu tsum, wɛrə a kɔ́ŋ ɨbɛn bɨ atuəshe wen ba bɨ bénɨ́ ɨbyi ɛ. Wɛrə a kɔ́ŋ awa ɨ kɔʼ kuʼ a ndwitə ghe.

Roma 8:37

Kə́ kə́, a nye ɨnu tsiŋ ɨtsum, bɨgɨnə tsi nɨ ayanguʼ ngɛn mɛtɨ a ntsǎ a ndzum zɨ wa a kɔ́ŋnɨ́ awɨgɨnə ghe.

Yoane 13:34

Tɨtsɔŋnɨ, ma gha ntɨgə zɨ fi a mbó bɨŋ ə: á nɨ kɔŋnɨ awən bən nɨ bɨŋ ə. A nɨ kɔŋnɨ awən bən nɨ bən, tsɛʼ tso mbáʼ ma kɔ́ŋnɨ́ awən lá.

Yoane 3:32

A ghamə mbɨ́ʼ ɨnu tsa zɨə zɛnə nkɨ ndzuʼə, lá ŋwɔn tse a keʼ nkən wɛrə a mbémə́ ghe.

Yoane 3:11

Tsɛʼ a nkənu, tsɛʼ a nkənu, ma soŋ a mbó gho ghe: bɨgɨ ghamə lá a za bɨgɨ zhinə, nkə́ sóŋə́ lá a za bɨgɨ tsinɨ ɨwu nkɨ ndzɛn; lá nɨ keʼ mbémə́ a za bɨgɨ sóŋnə́ a mbó bɨŋ ə.

Matyo 20:28

tsɛʼ tso mbáʼ Mɔn Ŋwɔn a sé yen be ngə́ á bɨ faʼə a mbó zɨ, lá a faʼə a mbó ɨbɛn, ɨ kɨ gha ntsi ntən ɨzhi a ndzúŋ atú a ɨbɛn bə ghaʼnə.”

Yoane 3:16

Mbɨ́ʼ ngə́ Ŋwi a kɔ́ŋ atuəshe be tɨ́sə́n, wɛrə a tíʼ ngá a Mɔn ɨyi wu Mbáŋnɨ́ wa a núnɨ́ zɨzɨ, taŋ ŋwɔn tsum wa a nɨŋnɨ ntəm ɨyi a ɨnye zɨ, a mɨ keʼ kfo, lá ɨ tsi nɨ ntsi ntən nɨnkoŋ ə.

Roma 3:25

Ŋwi a ghá ayi ngə́, á alɛm azhi a tiʼ mbe ndómnji wa ɨbɛn tsanə ɨwu bɨ lɨgɨnɨnɨ mɨbvu ɨma ntsa a ndzum abeməntəm aza a nye Kristo ghe. Məzen a tsí lá a ndiʼə adzaŋ za Ŋwi a chinɨnɨ, mbɨ́ʼ ngə́ a mu nchigə ɨzhi tso Ŋwi, wɛrə a kə́ ngwágɨ́nə́ mɨbvu mɨ ɨbɛn a mbyi ɛ;

Ɛbal 10:29

Ɨnɨŋ ngɨ́ʼ ghɨ lánɨ́ tiʼ be lá ɨ nə́ a mbó ɨbɛn ba bɨ wagɨnɨnɨ a Mɔn Ŋwi, ba bɨ tsagɨnɨ alɛm akan a Ŋwi za a sugɨnɨ awa a mbó mɨbvu ɨma abɔʼnɨ ba bɨ ghamnɨ ɨnu tɨbɔŋ mbɨ́ʼ Azhwi za a ghánɨ́ abɔŋəntəm le?

Nkyɛʼə 2:13

Ma zhi adiʼ za nɨ tsínə́ ɨwu ə, ɨwu, mbáʼ Satan a tsinɨ nɨ abərɨ azhi lá. O sǒŋ nkənu a mbó me, o sé kɨ nyɛʼ abeməntəm azo a nye me a nkfu za tsɛʼ atɛmə-ndzě ɨghan Antibasɨ wa a faʼnə a mbó me nɨ táʼ ntəm, a bɨ zhwítɨ́nɨ́ ayi ɨwu, adiʼ wa Satan a tsínə́ lá.

Nkyɛʼə 11:3

Ma mɨ tsagɨ bətɛmə-ndzě ɨban bɨbá ba bɨ wəgɨnɨ ɨtsɛʼ ndzə́ŋnə́ ghe. Bo mɨ soŋ nkən Ŋwi mbɨ́ʼ a za a ghɨnɨ fú bɔŋ á nkfu ɨ kuʼ atú njwi mətsa 1,260 ghe.”

Nkyɛʼə 19:11

Ma tíʼ ndzɛ́n adzaŋ za fɔməbvurə ŋáʼnɨ́nɨ́, ntiʼ nkɨ ndzɛn ɨnyamənkárə́ zɨ fú ə. Ŋwɔn wa a kɔ́ʼnɨ́ wətú bɨ tɔŋə ayi ngə́ Wa A Faʼnə A Mbó Ŋwi Nɨ Táʼ Ntəm abɔʼnɨ Nkənu ə; wɛrə a nɨ́ŋ ngɨ́ʼ a nye ɨbɛn a nye ndóm wa ɨ kuʼnɨnɨ nkə́ ntǒ ngaŋ kɨban ɨchi tɨ nkobɨ ə.