Nkyɛʼə 1:3 - Mɨkan wu Fi

³ Ɨfɔgə tsi a mbó ŋwɔn wa a tɔŋnɨ nkən wen wa ɨ lonɨ a mbó Ŋwi lá. Ɨfɔgə kɨ ntsi a mbó ŋwɔn wa a zúʼnə́ nkə́ ndzúʼnə́ anu za bɨ ŋwaʼnɨnɨ a mu aŋwaʼnɨ ziŋ ə! Mbɨ́ʼ ngə́ nkfu zɨ wu tiʼ abó mbáʼ ɨnu tsiŋ ɨtsum mɨ fuə.

Nkyɛʼə 1:3 Referans Kwoze

Alukasɨ 11:28

Lá Yeso a chwɨ́gɨ́ ngə́, “Nɨdorɨ, baŋnɨ ntsi be a mbó ŋwɔn tsum wa a zúʼnə́ anu a Ŋwi nkə́ ndě a zɛrə ghe!”

Nkyɛʼə 22:10

Ntsendá Ŋwi za kwíʼ sóŋ a mbó me ngə́, “Koʼ lwɛʼ ɨnu tsen tsa Ŋwi a soŋnɨ a mu aŋwaʼnɨ zen ngə́ tsɨ ghɨ fú lá, mbɨ́ʼ ngə́ nkfu tiʼ abó mbáʼ ɨnu tsiŋ ɨtsum mɨ fuə.

Roma 13:11

Nɨ mɨ zagɨ ghɨ a məzen, mbɨ́ʼ ngə́ nɨ zhi ngə́ nkfu ɨ kuʼnə adzaŋ za nɨ mɨ vwukɨ a fɨlye. Mbɨ́ʼ ngə́, tɨtsɔŋnɨ, ɨloŋ tiʼ tsɛʼ abó ntsatɨ nkfu za bɨgɨnə fómnɨ́ nɨ́ŋ mɨntəm ɨmɨgɨnə a nye Kristo ghe.

1 Bita 4:7

Ndwitɨ ɨnu ɨtsum tiʼ tsɛʼ abó ə. Nɨ mɨ zagɨ chwatɨnɨ ɨnye ɨtsən, ɨ kɨ ŋaʼ ɨtoŋnɨ ɨtsən taŋ ɨ chi tsaʼtɨ a Ŋwi ə.

Nkyɛʼə 22:12

Yeso a soŋ ngə́, “Zhwiʼtə! Mɨmboŋnɨ, ma mɨ yiŋə! Ma mɨ yen nɨ mɨtsɔʼnɨ mɨ afaʼ ɨman, a ngá a mbó ŋwɔn tsum, adzaŋ za a kuʼnɨnɨ a nye za a ghɨnə ghe.

2 Bita 3:8

O bɨson ɨban, á nɨ keʼ lɨgɨnɨ a táʼ anu ə! Ka líʼ wu tse a tsi ayi a ɨshi ɨmɨgɨ Maʼmbyí a tɨtərɨ táʼ njwi abɔʼnɨ ɨlom táʼ nchwuʼ ə; a mbó wɛrə, tsen tsi bá nɨ ndəŋndəŋ ə.

Nkyɛʼə 22:20

Zɨ wa a chwitɨnɨ mɨnkən men mɨtsum, a sóŋə́ ngə́, “E, tsɛʼ nkənu, ma mɨ yen a nye məkum a nkfu ə!” A be lá. Yiŋə a Maʼmbyí Yeso!

Matyo 24:15

“Nɨ ghɨ ndzɛn ‹Azúm a Tɨbɔŋ za a Tsənkɨnə nkə́ ngyiŋə nɨ adɨrətú› za ntom Ŋwi za ɨ bénɨ́ Dania ɨ ghámnɨ́ mbɨ́ʼ a zɛrə a tɛm adiʼ zə fɛmnɨ (á ŋwɔn wa a tɔ́ŋnə́ a zhi a məziŋ ə),

Roma 13:12

A tsi lá tso ngə́ ɨtfúʼ tiʼnə nkyɛ́nə́, njwi tiʼə ndə̌ ngyiŋə ghe. Bɨgɨnə mɨ zagɨ kyɛntɨ ngɨ ɨnu ndzumnɨ, ɨ baŋnɨ tiʼtɨ ɨdzúm ntso tsa bɨ tónə́ nɨ tsɛrə nəzhwɨgɨnɨ ə.

Nkyɛʼə 3:11

A bvurɨ tsɛʼ məbaŋtɨ á ma yiŋə. A nɨ ngěn nɨ mbyi ntiʼtɨ abeməntəm azən ɨ shiʼnɨ, taŋ á ŋwɔn tse a keʼ kwarɨ nɨ adaʼ ɨsáʼfɔ ɨzən za ɨ nɨ mɨkyaŋnɨ ɨmən lá.