Nkyɛʼə 1:2 - Mɨkan wu Fi

² Yoane a tiʼ mbe atɛmə-ndzě a nye atsum za zɨə zɛnə ghe. Nə nɨ aŋwaʼnɨ za wɛrə a ŋwaʼnɨnɨ mbɨ́ʼ nkən wa ɨ lonɨ a mbó Ŋwi abɔʼnɨ nkənu za wɛrə a zɛ́nɨ́ mbɨ́ʼ a Yeso Kristo ghe.

Nkyɛʼə 1:2 Referans Kwoze

1 Korɨnto 1:6

Nkən mbɨ́ʼ a Kristo ɨ kunkɨnə a mu ɨnye ɨtsən ntən

Nkyɛʼə 12:17

Ntɔŋ dragɔn lánɨ́ ndwi a nye mangye wa, wɛrə a tiʼ ndo ngɛn a ntó abvuʼ a ɨbɛn bɨ ɨlə̌ mangye wa, bo ba bɨ zúʼnɨ́nɨ́ ntɨgə Ŋwi nkə́ ndzɔ̌ŋ nkənu za Yeso a kyɛ́ʼnɨ́ lá nɨ táʼ ntəm ə. Dragɔn a tíʼ ntɛ́m a ngə́rɨ́ sagɨrə wu ngwi ə.

1 Yoane 1:1

Bɨgɨ ŋwaʼnɨ a mbó bən lá mbɨ́ʼ Nɨgham na nɨ ghánɨ́ ntsi ntən, mbáʼ nɨ tsínɨ́ nchwuʼnɨ a mbiʼnə ghe. Bɨgɨ zuʼnə a nɛrə, nkɨ ndzɛn a nɛrə nɨ ɨmɨgɨ ɨmɨgɨ; bɨgɨ zɛnə nkɨ mɔmtɨ a nɛrə nɨ mbó ɨmɨgɨ ə.

Yoane 21:24

Wɛrə nɨ ngyɛʼ wa a sóŋnɨ́ ɨnu tsiŋ ə, zɨ wa a kɨ́nɨ́ nkɨ́ ŋwáʼnɨ́ ɨnu tsiŋ ə; bɨgɨnə kɨ nji ngə́ za a sóŋnɨ́ a nɨ nkənu ə.

Yoane 19:35

(Ŋwɔn wa a zɛ́nɨ́ anu məzen a gham mbɨ́ʼ a zɛrə lá taŋ o chi kɨ nɨŋ ntəm ɨgho ɨwu ə. Anu za wɛrə a sóŋnɨ́ lá a nɨ nkənu ə, a kɨ nji ngə́ zɨə ghamə lá nkənu ə.)

Nkyɛʼə 1:19

Tiʼ ŋwaʼnɨ ɨnu tsa o zɛ́nə́ ghe; ɨnu tsa tsɨ fúnə́ tɨtsɔŋnɨ abɔʼnɨ tsa tsɨ ghɨnɨ fuə.

Nkyɛʼə 1:9

A nɨ me Yoane, mɨma ɨwɨŋ ə. Me tso táʼ ŋwɔn wa a zɔŋnə a Yeso, ma nɨ ŋwɔn aku ɨwən a nye adzaŋ za ma chigɨnɨ ntəm a mu ngɨ́ʼ za ɨ yenə a mbó ɨbɛn ba bɨ tsinɨ a mu nɨfɔ ɨni ɛ. Bɨ tságɨ́ aghan a Batɨmɔsɨ, adiʼ za nkyi karɨsɨnɨ mbɨ́ʼ ngə́ ma sóŋ anu a Ŋwi abɔʼnɨ ɨnu tsa bɨgɨ zɛ́nɨ́ mbɨ́ʼ a Yeso ghe.

Ɨfaʼ 26:16

Lá lo ntɛm atɨ́ ə. Ma fu a ɨshe a ɨshi gho a ntsɔ́ʼ gho a nye ngaŋ afaʼ ɨzə. O mɨ soŋ a mbó ɨbɛn bə mɔʼɔ ɨnu tsa o zɛnɨ mbɨ́ʼ aghan ɨ sɨŋə abɔʼnɨ tsa ma ghɨ fɨʼtɨ a mbó gho a nkfu ndzum ə.

Yoane 12:17

Ɨbɛn ba bɨ tsínɨ́ bo bɨ Yeso a nkfu za a tɔ́ŋnɨ́ a Lǎtsorə a mu nɨshe wa, nzhwemnɨ ayi lá, ghɛ́n nɨ mbyi nkə́rɨ́ anu za a fúnə́.

Nkyɛʼə 6:9

Mɔn Mbyindzɨ wa a tíʼ ŋáʼ fɛnwu za ɨ zɔ́ŋtɨ́nɨ́ a nye ɨdiʼ tsi tə̧̂ lá. Ma zɛ́n a shwúrɨ́ mɨkuʼ ma, bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nɨgham nɨ Ŋwi, nkɨ ngam mbɨ́ʼ abeməntəm aza nɨ táʼ ntəm ə.

1 Yoane 4:14

Bɨgɨnə zɛnə nkɨ soŋ a mbó bə mɔʼɔ ngə́ Tarɨ a tságɨ́ a Mɔn ɨyi lá ngə́ á wɛrə a yen mbe Ndoŋ mbyi ziŋ ə.

1 Korɨnto 2:1

Ɨbɔmbɨma ɨban, a nkfu za ma yénɨ́ a mbó bən a nchwítɨ́ nkən mbɨ́ʼ a Ŋwi wa ma bénɨ́ atɛmə-ndzě a nye wɛrə lá, ma sá mɨgham mə tən gham kə nkɨ ndiʼ azhyɛ zə wi ə.

Ɨfaʼ 4:20

Lá a mbó bɨgɨ, bɨgɨ mboŋ chi keʼ kyɛntɨ a ngamə mbɨ́ʼ anu za bɨgɨ zɛnə nkɨ ndzuʼə.”

Yoane 3:11

Tsɛʼ a nkənu, tsɛʼ a nkənu, ma soŋ a mbó gho ghe: bɨgɨ ghamə lá a za bɨgɨ zhinə, nkə́ sóŋə́ lá a za bɨgɨ tsinɨ ɨwu nkɨ ndzɛn; lá nɨ keʼ mbémə́ a za bɨgɨ sóŋnə́ a mbó bɨŋ ə.

Yoane 1:32

Yoane a tíʼ sóŋ a za zɨə tsínɨ́ ɨwu nkɨ ndzɛ́n ngə́, “Ma zɛ́n Azhwi a shiʼ a nye bvugɨrə-fɨkon ndo a fɔməbvurə, ɨ shiʼ ngɔ́ŋ wə ɨnye ə.

Nkyɛʼə 12:11

Ɨbɔmbɨma ɨbɨgɨnə tsí nɨ ayanguʼ atú zɨ ntsa lá a ndzum alɛm a Mɔn Mbyindzɨ za nkɨ ntsa lá a ndzum nkənu za bo chwítɨ́nə́; bo kyáŋtɨ́ ɨnye ɨtsa a ngá ntsi mbyi ɨtsa mbáʼ be a kwɛ ndiʼ ngə́ á bo kfo ə.

3 Yoane 1:12

Ŋwɔn tsum a ghǎm ɨ shiʼnɨ mbɨ́ʼ a Dimitiriyo; ntsi mbyi ɨzhi ɨ zɔŋə adzaŋ za aŋwaʼnɨ a Ŋwi a lɔnə ghe. Bɨgɨ kə́ nkwíʼtə́ azɨgɨ atɛmə-ndzě, nɨ kɨ nji ngə́ za bɨgɨ sóŋnə́ a nɨ nkənu ə.

Ɨfaʼ 22:15

Mbɨ́ʼ ngə́ o ghɨ́ bé atɛmə-ndzě wɛrə a sóŋə́ a mbó ŋwɔn tsum anu za o zɛnɨ nkɨ ndzuʼə.

Nkyɛʼə 1:11

Nji za ɨ sóŋ ngə́, “Ŋwaʼnɨ ɨnu tsa o zɛ́nə́, ntsagɨ aŋwaʼnɨ zə wu a mbó ndáŋwi tsa tsɨ tsinɨ a mu ntáʼmbagə tsɨ wi tsi samba mbáʼ mɨkum ɨma nɨ; Ɛfɛso, Smaina, Bɛgamum, Tiatira, Sadisɨ, Filadɛlfia abɔʼnɨ Laodisia ghe.”

Nkyɛʼə 20:4

Ma tíʼ ndzɛ́n ɨbərɨ ə. Bɨ ghá mɨtən mɨ sáʼə mɨsáʼ a mbó ɨbɛn ba bɨ shíʼtɨ́nɨ́ ntsi atú tsɛrə ghe. Ma kɨ́ ndzɛ́n bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nkənu za mbɨ́ʼ a Yeso abɔʼnɨ nɨgham nɨ Ŋwi ə. Bo sé ghuʼsɨ ɨnyam mɨbaʼ za kə a mɔn abe ɨyi ɛ. Bo sé kɨ ntsi nɨ alyigɨ a ɨnyam mɨbaʼ za a mɨdzenɨ bo kə a nye mbó ɨma ghe. Bo yén a mu ntsi ntən, ɨ sáʼ tso bɨfɔ bo bɨ Kristo atú ɨlom táʼ nchwuʼ ə.

Nkyɛʼə 22:21

A abɔŋəntəm a Maʼmbyí Yeso a tsi a mbó ŋwɔn tsum ə. A be lá.