Nkyɛʼə 1:16 - Mɨkan wu Fi

¹⁶ A tíʼtɨ́ mɨdzɔŋ mi samba a mu abó azhi zə maʼə, lumban ndzum ɨtsum wu ntsɛgɨnɨ a fú wə ɨmu ntsu ə. Ɨshi ɨyi kə́ ŋwankə tso ntsu nɨnyom a ntənɨ nyom ə.

Nkyɛʼə 1:16 Referans Kwoze

Ɛbal 4:12

Nɨgham nɨ Ŋwi tsi atú ntən nkə́ faʼə ghe. Nɨ tsɛgɨ ntsa a lumban ndzum tsum ə. Nɨ sóbə́ nkúŋə́ ngěn nkuʼə adiʼ wa gharɨ bo azhwi bomnkɨnə, adiʼ wa mɨkyebɨnɨ mɨ ɨnye bo nɨfɔ́m bomnkɨnə ghe. Nɨgham nɨ Ŋwi nen nɨ zhi ɨkwaʼtɨ abɔʼnɨ ɨnu tsa ntəm ŋwɔn lɔnə ghe.

Nkyɛʼə 2:16

Tɨtsɔŋnɨ, nɨ bəŋ mɨntəm ɨmən a nye mɨbvu ɨmɨŋ ə! Be nɨ tú lá ɨ ghɨ, muŋ mɨmboŋnɨ ma mɨ yen a mbó bən ɨ tiʼ tǒkɨ ɨbɛn məba nɨ lumban wa a fúnə́ a ntsu me lá.

Nkyɛʼə 19:15

Lumban wu ntsɛgɨnɨ a jígɨ́nɨ́ a ntsu zɨə. Wɛrə mɨ lɔgɨ lá a wɛrə ɨ gháʼ ɨlaʼ ɨwu ə. Wɛrə a mɨ sáʼ awa nɨ mɨtən tso a sáʼə nɨ mbaŋ atɨŋə, ɨ kɨ kám mɨntam mɨ atɨ mɨ nyɛtɨ mɨluʼ ma a mu adiʼ a nkám mɨluʼ za, mbáʼ lá chwusətú mɨlwi Ŋwi Tamɨtən Mɨtsum lá.

Nkyɛʼə 2:12

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Bɛgamum ngə́: Nə nɨ nkən wa ɨ lonɨ a mbó zɨ wa a tsinɨ nɨ lumban ndzum ɨtsum wu ntsɛgɨnɨ ə.

Ɛfɛso 6:17

A nɨ lɔgɨ ɨloŋ tso akáŋə́tú, á nɨgham nɨ Ŋwi tsi tso ɨŋwi mbáʼ za Azhwi a Ŋwi a ghánə́ a mbó bɨŋ ə.

Nkyɛʼə 19:21

Bɨ zhwítɨ́ abvuʼ a ɨbɛn nɨ lumban wa a jigɨnɨnɨ a ntsu zɨ wa a kɔ́ʼnɨ́ atú ɨnyamənkárə́ za; bɨsɨ́ŋ ba bɨtsum tíʼ nkfúrɨ́ ɨnyam ɨnye ɨtsa nkuʼ ndvuŋ wa bo chínɨ́ kfurɨ, nzhwurɨ ə.

Matyo 17:2

Adzaŋ za bɨyɛʼ ɨbyi məben kɨ́nə́ ndyiŋə, bɨ bə́nkɨ́ a Yeso a ɨshi bo, ɨshi ɨyi tíʼə ntá tso nɨnyom, ɨtsɛʼ ɨchi tíʼə fúgə́ tso nkaʼ ə.

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

Nkyɛʼə 3:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.

Ɨfaʼ 26:13

A ghɨ́ mbé lá a ndómnji a ntənɨ nyom, nə Tsazɨ, mbáʼ ma zɛ́nɨ́ nkaʼ wu tse wa ɨ kɨ́nə́ ntǎ ntsa a nɨnyom, wa ɨ lónɨ́ a nɨkaŋ nta nkárɨ́sɨ́ aghan abɔʼnɨ ɨbɛn ba bɨgɨ bo tsínɨ́ aku ə.

Nkyɛʼə 12:1

Alɨgɨ zə wi za a kɨʼnɨnɨ ɨbɛn a tíʼ fú a ɨshe a nɨkaŋ ə. Alɨgɨ zen a bé mangye wa atsɛʼ azhi a bénɨ́ nɨnyom ə. Wɛrə a tsí nɨ saŋ a shwúrɨ́ mɨku zɨ, ɨsáʼfɔ za ɨ tsínɨ́ nɨ mɨndzɔŋ nɨghúm ntsɔb bá tsí atú wɛrə ghe.

Nkyɛʼə 10:1

Ma tíʼ ndzɛ́n a təkɔʼ bɨ ntsendá Ŋwi zɨ mɔʼɔ za ɨ fúnɨ́ a fɔməbvurə ɨ shiʼə ngyíŋə́ ghe. Mbaʼ kúbɨ́nɨ́ ayi tsɛʼ tsum, tánɨ́mɨshigɨ a karɨsɨ atú azhi; ɨshi ɨyi be tso nɨnyom, mɨku ɨmyi be tso ntɛ́ʼ ɨmugɨ ə.

Nkyɛʼə 2:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Ɛfɛso ngə́: Nə nɨ nkən wa ɨ lonɨ a mbó zɨ wa a tiʼtɨnɨ mɨndzɔŋ ma mi samba a mu abó azhi zə maʼə, zɨ wa a númnə́ ngyíŋə́ a tɨtərɨ ɨtɛkɨ nkaʼ ŋwaʼŋwaʼ tsa tsi samba lá.