Nkyɛʼə 1:11 - Mɨkan wu Fi

¹¹ Nji za ɨ sóŋ ngə́, “Ŋwaʼnɨ ɨnu tsa o zɛ́nə́, ntsagɨ aŋwaʼnɨ zə wu a mbó ndáŋwi tsa tsɨ tsinɨ a mu ntáʼmbagə tsɨ wi tsi samba mbáʼ mɨkum ɨma nɨ; Ɛfɛso, Smaina, Bɛgamum, Tiatira, Sadisɨ, Filadɛlfia abɔʼnɨ Laodisia ghe.”

Nkyɛʼə 1:11 Referans Kwoze

Nkyɛʼə 3:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Sadisɨ ngə́: Nə nɨ nkən wa ɨ lonɨ a mbó zɨ wa a sáʼnɨ́ ɨzhwi Ŋwi tsa tsi samba tsa tsɨ faʼnə a mbó Ŋwi nkɨ ntiʼtɨ mɨndzɔŋ ma mi samba lá. Ma zhi anu za nɨ ghɨnə ghe; nɨ ghɨ̌ ɨnu tsa tsɨ diʼnɨ ngə́ nɨ tsi ntən lá mbáʼ nɨ kfokɨnə ghe.

Nkyɛʼə 1:4

Ndo a mbó Yoane ngěn a mbó ndáŋwi tsa tsi samba tsa tsɨ tsinɨ a mu mbuʼ Esha lá. A abɔŋəntəm abɔʼnɨ mbɔnɨ tsi a mbó bən ndo a mbó Ŋwi, zɨ wa a benɨ, wa a bénɨ́, wa a lo láʼ yen, nkɨ ndo a mbó ɨzhwi tsa tsi samba tsa tsɨ tsinɨ a ɨshi abərɨ azhi,

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.

Nkyɛʼə 3:7

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Filadɛlfia ngə́: Nə nɨ nkən wa ɨ lonɨ a mbó zɨ wa a fɛmnɨ nkɨ mbe wɛrə wa a nɨ wu nkənu ə. Wɛrə a tsi nɨ akugɨ za a bénɨ́ zə Devidɨ ə. Be wɛrə a ŋaʼ ntsu ndá, ŋwɔn tse a chi keʼ a wɛrə vwuʼnə. A kɨ ngvuʼnɨ a wɛrə, ŋwɔn tse a chi keʼ ŋaʼə.

Nkyɛʼə 2:18

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Tiatira ngə́: Nə nɨ nkən wa ɨ lonɨ a mbó Mɔn Ŋwi, zɨ wa ɨmɨgɨ ɨmyi kwárɨ́nə́ tso ɨmugɨ, wa mɨku ɨmyi dzinkɨnə tso broŋsɨ wa bɨ sugɨnɨ a mu alam lá.

Nkyɛʼə 2:12

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Bɛgamum ngə́: Nə nɨ nkən wa ɨ lonɨ a mbó zɨ wa a tsinɨ nɨ lumban ndzum ɨtsum wu ntsɛgɨnɨ ə.

Nkyɛʼə 2:8

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Smaina ngə́: Nə nɨ nkən wa ɨ lonɨ a mbó zɨ wa a nɨ ntsambyi ŋwɔn nkɨ mbe ntsɨrɨndzum ŋwɔn, zɨ wa a kfónɨ́ mbə́ mbən ntsi ntən wədiʼ lá.

Ɛfɛso 1:1

Aŋwaʼnɨ zen a lo a mbó me, Baolo wa ma benɨ ntom Yeso zɨ Kristo Yeso adzaŋ za Ŋwi a lɔnə ghe. Ma ŋwaʼnə a zɛrə a mbó bɨŋ ɨbɛn bɨ Ŋwi a Ɛfɛso ba bɨ faʼnɨ ɨfaʼ ɨwa a mbó Kristo Yeso nɨ táʼ ntəm lá.

Nkyɛʼə 21:5

Zɨ wa a shíʼtɨ́nə́ nchyɛ̌ atú abərɨ za a tíʼ sóŋ ngə́, “Tɨtsɔŋnɨ, ma mɨ ghɨ ɨdzúm ɨtsum tiʼ tsə fi ə!” Wɛrə a kɨ́ sóŋ a mbó me ngə́, “Ŋwaʼnɨ a zen, mbɨ́ʼ ngə́ mɨgham miŋ nɨ nkənu, bɨ chi kɨ nɨŋ ntəm a nye mɛrə ghe.”

Nkyɛʼə 19:9

Ntsendá Ŋwi za tíʼ sóŋ a mbó me ngə́, “Ŋwaʼnɨ a ziŋ ə: nɨdorɨ tsi a mbó ɨbɛn ba bɨ ghonɨ awa a nye nɨdorɨ nɨ nɨzɔ́ʼ nɨ Mɔn Mbyindzɨ wa.” Ntsendá Ŋwi za kwíʼtɨ́ ngə́, “Lə nɨ nkasɨ mɨgham mɨ Ŋwi mɛnə ghe.”

Nkyɛʼə 14:13

Ma tíʼ ndzúʼ nji ɨ lo a fɔməbvurə, ɨ sóŋə́ ngə́, “Ŋwaʼnɨ a ziŋ ə: nɨdorɨ tsi a mbó ŋwɔn tsum wa ɨ lɔgɨnɨ tɨtsɔŋnɨ ɨ ghɛn nɨ mbyi a kfonɨ a mu ɨ faʼə a mbó Maʼmbyí ɛ!” Azhwi za a chwɨgɨ ngə́, “E, tsɛʼ a nkənu ə! Bo ghɨ tsi nɨ ashwetɨ a ntəm a mbó anyuʼnɨ aza, mbɨ́ʼ ngə́ ngɨnɨ mɨnu ɨma ghěn bo bo ghe.”

Nkyɛʼə 10:4

Tsɛʼ mbáʼ mbəŋ tsə bɨʼkɨnɨ tsa tsi samba múʼnɨ́, ma kə́ ndǒ ɨ ŋwaʼnə ghe. Lá ma zúʼ nji zɨ tse za ɨ lónɨ́ a fɔməbvurə ɨ soŋ ngə́, “Lɛn a nkubə anu za mbəŋ tsə bɨʼkɨnɨ tsa tsi samba soŋnə; njimbɨʼ o ŋwaʼnɨ a zɛrə ghe!”

Nkyɛʼə 1:19

Tiʼ ŋwaʼnɨ ɨnu tsa o zɛ́nə́ ghe; ɨnu tsa tsɨ fúnə́ tɨtsɔŋnɨ abɔʼnɨ tsa tsɨ ghɨnɨ fuə.

Nkyɛʼə 1:8

Maʼmbyí Ŋwi Tamɨtən Mɨtsum, zɨ wa a benɨ, wa a bénɨ́, wa a lo láʼ yen, a soŋ ngə́, “Ma nɨ ntsambyi nkɨ mbe ntsɨrɨndzum ə.”

1 Timotyo 1:3

Ma lǒ ngə́ o tsi a Ɛfɛso, tso mbáʼ ma nyíʼtɨ́nɨ́ agho a nkfu za ma tsínɨ́ a ndóm ngěn a Masedonia lá. Ɨbɛn bə tse ba bɨ tsinɨ ɨwu, bɨ dǐʼ ɨnu mbɨ́ʼ a Kristo tsa ka tsɨ kuʼnɨ ayi ɛ. O tsi nɨ ɨ zagɨ soŋ ngə́ á bo kyɛntə.

Nkyɛʼə 1:17

Mbáʼ ma zɛ́nɨ́ ayi lá, ngvo a mɨku zɨ tso akfú a ŋwɔn ə. A nyɔ́ŋ abó azhi zə maʼə a ɨnye me ɨ soŋ ngə́, “Koʼ bɔgə! Ma nɨ ntsambyi ŋwɔn nkɨ mbe ntsɨrɨndzum ŋwɔn ə.

Nkyɛʼə 1:2

Yoane a tiʼ mbe atɛmə-ndzě a nye atsum za zɨə zɛnə ghe. Nə nɨ aŋwaʼnɨ za wɛrə a ŋwaʼnɨnɨ mbɨ́ʼ nkən wa ɨ lonɨ a mbó Ŋwi abɔʼnɨ nkənu za wɛrə a zɛ́nɨ́ mbɨ́ʼ a Yeso Kristo ghe.

1 Korɨnto 16:8

Lá ma mɨ tsi a Ɛfɛso ɨ ghanə ɨ kɔʼ kuʼ a nkfu nɨdorɨ nɨ Bɛntəkɔsɨ ə.

1 Korɨnto 15:32

Be a be ngə́ ma tǒ bɨgɨ bɨ “ɨnyam mɨbaʼ ” ɨghan a Ɛfɛso tsɛʼ mbɨ́ʼ ɨnu tsa ŋwɔn mɨsɔŋ a ntsu a táŋnə́, ma sə́ŋ lá ake a mu fɨto məfen le? Lá be a be ngə́ ka Ŋwi a nzhwémnə́ ayi bɨkfú a mbó nɨvwo muŋ, tso mbáʼ nɨgham nə tse soŋnɨ lá, “A bɨgɨnə dzɨ nkɨ no mbɨ́ʼ ngə́ a lo be ɨzo á bɨgɨnə kfokə.”

Ɨfaʼ 20:17

Mbáʼ Baolo a tsínɨ́ a Milɛtusɨ lá, wɛrə a tságɨ́ nkən a Ɛfɛso, ntɔŋ ɨtú ndáŋwi ngə́ á tsɨ yen mbom ayi ɛ.

Ɨfaʼ 18:24

A nkfu məwa, ŋwɔn bə Yuda tse wa ɨkum ɨyi bénɨ́ Abolo, wa bɨ jwínɨ́ ayi Alɛgɨsandɨrɨya, a yén a Ɛfɛso ghe. Wɛrə a bé ŋwɔn wa ntsu ɨyi tsánɨ́ a ngamə tsɛʼ nkan, nkɨ nji anu a Ŋwi ɨ shiʼnɨ ə.

Ɨfaʼ 16:14

Táʼ ŋwɔn wa a zúʼnɨ́ anu azɨgɨ a bé Litia wa a lónɨ́ a Tatira, wa a kɨ́nə́ fǐŋ atsɛʼ atɨŋndvuŋ za a kɨ́nə́ mbaŋə ghe. Wɛrə a bé mangye wa a kɨ́nə́ ngúʼsə́ a Ŋwi, Maʼmbyí a ŋáʼ ntəm ɨyi ngə́ á tɛgɨ atú azhi a nye anu za Baolo a kɨ́nə́ sóŋə́ ghe.

Kolose 2:1

A ma soŋ awən nɨ adzaŋ za ma faʼnə nɨ adaʼ azə atsum a mbó bən, nkwiʼtɨ ɨbɛn ba bɨ tsinɨ a Laodisia nɨ ɨbɛn bə mɔʼɔ bɨtsum ba bɨ láʼnə mbvurɨ aghan me mboŋ tɨ ze.

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

Nkyɛʼə 2:1

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Ɛfɛso ngə́: Nə nɨ nkən wa ɨ lonɨ a mbó zɨ wa a tiʼtɨnɨ mɨndzɔŋ ma mi samba a mu abó azhi zə maʼə, zɨ wa a númnə́ ngyíŋə́ a tɨtərɨ ɨtɛkɨ nkaʼ ŋwaʼŋwaʼ tsa tsi samba lá.

Nkyɛʼə 2:24

Lá abvuʼ azən za nɨ tsinɨ a Tiatira, nɨ ton awən ɨnu abɨgəntəm tsen tsa bɨ diʼnə lá: nɨ se yɛʼ ɨnu tsa bə mɔʼɔ tɔ́ŋnə́ ngə́, ‹ɨnu nkubə tsə Satan tsə shwinə›. Ma soŋ a mbó bən ngə́ ma mɨ kaʼ bə ntɛgɨ abyɛʼ zə mɔʼɔ atú bɨŋ ə.

Nkyɛʼə 3:4

Lá bən bə tse a nɨsháŋnɨ́ ɨgha a Sadisɨ sugɨ ɨtsɛʼ ɨtsən tsɨ fɛmnə ghe. Nɨ ghɨ yenɨ bɨgɨnə, ɨ wəgɨ ɨtsɛʼ tsɨ fú, mbɨ́ʼ ngə́ nɨ kuʼnɨ a ngɨə adzaŋ məwa.

Nkyɛʼə 22:10

Ntsendá Ŋwi za kwíʼ sóŋ a mbó me ngə́, “Koʼ lwɛʼ ɨnu tsen tsa Ŋwi a soŋnɨ a mu aŋwaʼnɨ zen ngə́ tsɨ ghɨ fú lá, mbɨ́ʼ ngə́ nkfu tiʼ abó mbáʼ ɨnu tsiŋ ɨtsum mɨ fuə.

Nkyɛʼə 22:16

“Me Yeso, ma tsagɨnə ntsendá Ŋwi ɨzan ngə́ á ɨ chwitɨ ɨnu tsiŋ ɨtsum a mbó bən a mu ndáŋwi ə. Ma fu a ɨlə̌ ndá Devidɨ; ma tsi lá tso fɨndzɔŋ fə tənjwi fa fɨ tánə́ ghe.”