Nkyɛʼə 1:1 - Mɨkan wu Fi

¹ Aŋwaʼnɨ zen a lá aŋwaʼnɨ za bɨ ŋwaʼnɨnɨ ɨnu tsa Yeso Kristo a Kyɛ́ʼnɨ́ wə mu ə. Ŋwi a ghá nkyɛʼə məzen wəmbo lá taŋ ɨ kyɛʼ a mbó ɨbɛn ba bɨ zɔŋnə ayi ɨnu tsa tsɨ mɨ zagɨ fu mbáʼ abaŋ a se bə satə. Kristo a fɨ́ʼtɨ́ ɨnu mətsen a mbó ngaŋ afaʼ ɨzhi Yoane ntsa lá a ndzum ntsagɨ ntsendá ɨzhi a mbó zɨ,

Nkyɛʼə 1:1 Referans Kwoze

Nkyɛʼə 22:16

“Me Yeso, ma tsagɨnə ntsendá Ŋwi ɨzan ngə́ á ɨ chwitɨ ɨnu tsiŋ ɨtsum a mbó bən a mu ndáŋwi ə. Ma fu a ɨlə̌ ndá Devidɨ; ma tsi lá tso fɨndzɔŋ fə tənjwi fa fɨ tánə́ ghe.”

Nkyɛʼə 22:6

Ntsendá Ŋwi za tíʼ soŋ a mbó me ngə́, “Mɨgham miŋ nɨ nkənu, o chi kɨ nɨŋ ntəm ɨgho a nye mɛrə ghe. Maʼmbyí Ŋwi, zɨ wa a ghánɨ́ Azhwi azhi a mbó ntóm Ŋwi, a tsagɨ ntsendá Ŋwi ɨzhi ngə́ á ɨ diʼ anu za a mɨ zagɨ fu tsɛʼ a nye məkum a nkfu a mbó ngaŋ afaʼ ɨchi ɛ.”

Galesha 1:12

Ma sá kwarɨ a wɛrə a mbó ŋwɔn mɨsɔŋ a ntsu tse, ka ŋwɔn tse a kɨ ndiʼ ayi aghan nɨ wɛrə ghe. A bé Yeso Kristo zɨmboŋ wa a kyɛ́ʼnɨ́ a wɛrə a mbó me ghe.

Ɛfɛso 3:3

Ŋwi a kyɛ́ʼ ɨkwaʼtɨ ɨchi tsə nkubə, nkɨ ntiʼ ngɨ ma zhi a tsɛrə ghe. Ma fomnə ŋwaʼnɨ nghumtɨ a zɛrə ghe.

Nkyɛʼə 1:19

Tiʼ ŋwaʼnɨ ɨnu tsa o zɛ́nə́ ghe; ɨnu tsa tsɨ fúnə́ tɨtsɔŋnɨ abɔʼnɨ tsa tsɨ ghɨnɨ fuə.

Nkyɛʼə 1:9

A nɨ me Yoane, mɨma ɨwɨŋ ə. Me tso táʼ ŋwɔn wa a zɔŋnə a Yeso, ma nɨ ŋwɔn aku ɨwən a nye adzaŋ za ma chigɨnɨ ntəm a mu ngɨ́ʼ za ɨ yenə a mbó ɨbɛn ba bɨ tsinɨ a mu nɨfɔ ɨni ɛ. Bɨ tságɨ́ aghan a Batɨmɔsɨ, adiʼ za nkyi karɨsɨnɨ mbɨ́ʼ ngə́ ma sóŋ anu a Ŋwi abɔʼnɨ ɨnu tsa bɨgɨ zɛ́nɨ́ mbɨ́ʼ a Yeso ghe.

Yoane 3:32

A ghamə mbɨ́ʼ ɨnu tsa zɨə zɛnə nkɨ ndzuʼə, lá ŋwɔn tse a keʼ nkən wɛrə a mbémə́ ghe.

Yoane 15:15

Ka ma mbvúrə́ ntɔ́ŋə aghə awən lá nɨ ɨbɔ bɨ afaʼ ɨbə, mbɨ́ʼ ngə́ ka mɔn afaʼ a zhi ayi akyaŋtɨ a tafaʼ ɨyi ɛ. Ma baŋnə ntɔŋə awən nɨ bɨson ɨban, mbɨ́ʼ ngə́ ma soŋnə anu atsum za ma zuʼnɨ a mbó Ta ɨghan a mbó bɨŋ ə.

Nkyɛʼə 4:1

Mbáʼ məzen a tsánə, ndzɛm nəzhwɨgɨnɨ zɨ mɔʼɔ kwíʼ ndyé aghan, ma zɛn ntsu ndá wu tse wa ɨ tɛ́mnɨ́ ɨ dzɨ́gɨ́ a fɔməbvurə ghe. Nji za ɨ fínɨ́ zɨ ntaŋ za ma fómnɨ́ ndzúʼ ɨ ghamnə a mbó me lá, ɨ sóŋ ngə́, “Kɔʼ ngyen ɨghan, ma mɨ tiʼ diʼ agho nɨ anu za a tsinɨ ɨ zagɨ fu mbáʼ zen a tsanə ghe.”

Yoane 12:49

Məzen a nɨ nkənu, mbɨ́ʼ ngə́ ka ma gham aghan lá nɨ ɨmə mɨtən, lá Tarɨ wa a tságɨ́nɨ́ aghan, a fɨ́ʼtɨ́ anu za ma mɨ zagɨ ghamə.

Yoane 8:26

Ma tsi nɨ ɨnu tsɨ ghaʼtɨ a sóŋə́ mbɨ́ʼ awɨŋ ə, abɔʼnɨ tsɨ ghaʼnɨ a sáʼ bən ɨ soŋ ngə́ nɨ vwo ɨsáʼ ə. Lá wɛrə wa a tságɨ́nɨ́ aghan, a sóŋə́ tsɛʼ nkənu, ma tiʼə nkə́ sóŋə́ tsɛʼ za ma zuʼnɨ wəmbo a mbó mbyi tsum ə.”

Nkyɛʼə 21:2

Ma kwíʼ ndzɛ́n Ntáʼmbagə wu Wi wu Fɛmnɨ wa, Yerosalɛm wu fi wa, ɨ lo a mbó Ŋwi a fɔməbvurə ɨ shiʼə ngyiŋə ghe. Ŋwi a kyáŋtɨ́ ayi tso mɨngən wa a wəgɨnɨ ɨtsɛʼ ɨchi a nkwátɨ́ ndóm ɨyi ɛ.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

Yoane 17:8

Ma ghá nkən wa o ghánɨ́ a mbó me a mbó bo, bo kɨ nkwarɨ a wɛrə; bo zhi ngə́ a nɨ nkənu ngə́ ma ló lá a mbó gho, bo kɨ nɨŋ mɨntəm ɨma ɨwu ngə́ o tságɨ́ aghə.

Tɨ́tósɨ 1:1

Aŋwaʼnɨ zen a lo a mbó me Baolo wa ma benɨ ngaŋ afaʼ Ŋwi, nkɨ mbe ntom Yeso zɨ Yeso Kristo lá. Bɨ tsɔ́ʼ aghan ntsagɨ ngə́ á ma kwatɨ ntintɨ abeməntəm a ɨbɛn bɨ Ŋwi ba bɨ tsɔ́ʼnɨ́, á ngěn nɨ mbyi, ɨ kɨ tsagɨnɨ awa á bo ghɛn nkon a mu nkənu za ndóm wa bɨgɨnə zhinɨ a Ŋwi ɨ diʼnə,

Nkyɛʼə 5:7

Mɔn Mbyindzɨ wa a ghɛ́n nkwárɨ́ aŋwaʼnɨ zə karɨnɨ za a mu abó a maʼə a zɨ wa a shiʼtɨnɨ ntsi atú abərɨ za.

Nkyɛʼə 17:1

Táʼ ntsendá Ŋwi a tɨtərɨ tsa tsi samba tsa tsɨ tíʼtɨ́nɨ́ ɨkəbɨ tsa tsi samba tíʼ ngyen a mbó me, ɨ soŋ ngə́, “Yiŋə, ma mɨ diʼ a mbó gho adzaŋ za bɨ mɨ nɨŋ ngɨ́ʼ a ɨnye ntɨŋ akwarə za, mbáʼ lá ntáʼmbagə wu wiəwi wa bɨ vwunɨ ɨ fatɨ bɨmɨzam bə ghaʼnɨ lá.

Nkyɛʼə 19:9

Ntsendá Ŋwi za tíʼ sóŋ a mbó me ngə́, “Ŋwaʼnɨ a ziŋ ə: nɨdorɨ tsi a mbó ɨbɛn ba bɨ ghonɨ awa a nye nɨdorɨ nɨ nɨzɔ́ʼ nɨ Mɔn Mbyindzɨ wa.” Ntsendá Ŋwi za kwíʼtɨ́ ngə́, “Lə nɨ nkasɨ mɨgham mɨ Ŋwi mɛnə ghe.”

Nkyɛʼə 19:10

Ma vwó a mɨku zɨ a ngúʼsɨ́ zɨ, lá a sóŋ a mbó me ngə́, “Koʼ məla ghɨə! Ma kɨ mbe ngaŋ afaʼ tso gho nkwiʼtɨ ɨbɛn ba bɨ nɨŋnɨ mɨntəm ɨma a nye Ŋwi, ɨbɛn bɨtsum ba bɨ chwanɨ nkənu za Yeso a kyɛ́ʼnə́. Ghuʼsɨ be a Ŋwi ə!” Mbɨ́ʼ ngə́ nkənu za Yeso a kyɛ́ʼnɨ́ bǐtɨ̌ ɨbɛn a nchwítɨ́ nkən Ŋwi ə.

Nkyɛʼə 21:9

Táʼ ntsendá Ŋwi a tɨtərɨ ɨtsendá Ŋwi tsa tsi samba tsa tsɨ tsínɨ́ nɨ ɨkəbɨ tsa tsi samba tsa tsɨ lónɨ́ nɨ ngɨ́ʼ ntsɨrɨndzum tsa tsi samba, yén a mbó me ɨ soŋ ngə́, “Yiŋə, ma mɨ diʼ a mɨngən wa, ngwe Mɔn Mbyindzɨ wa a mbó gho ghe.”

Nkyɛʼə 22:1

Mbáʼ Ntsendá Ŋwi za mɛ́tɨ́nɨ́ a ndiʼ ntáʼmbagə wu wi wu fi wa a mbó me, ɨ tíʼ nkɨ ndiʼ a mɨzam wu nkyi wa ɨ ghánɨ́ ntsi ntən lá, ɨ dzinkɨnə tso ntsəŋ ɨləŋ, ndǒ a nye abərɨ a Ŋwi bo Mɔn Mbyindzɨ wa

Nkyɛʼə 22:8

Me Yoane, ma zuʼnə nkɨ ndzɛn ɨnu tsiŋ ɨtsum ə. Mbáʼ ma mɛ́tɨ́nɨ́ a ndzúʼə ɨ kɨ́ zɛ́n a tsɛrə lá, ma vwó a ɨshe a mɨku ntsendá Ŋwi za ɨ díʼnɨ́ a tsɛrə a mbó me lá, ndǒ nguʼsɨ wɛrə ghe.

Nkyɛʼə 22:9

Lá wɛrə a sóŋ a mbó me ngə́, “Koʼ mə lá ghɨə! Bɔgə bɨtsum tɨ nɨ ngaŋ afaʼ nkwiʼtɨ ɨbɔmbɨma ɨbo ntóm Ŋwi abɔʼnɨ ɨbɛn bɨtsum ba bɨ zúʼnɨ́nɨ́ mɨgham men a mu aŋwaʼnɨ ziŋ ə. Ghuʼsɨ be a Ŋwi ə!”