Matyo 4:3 - Mɨkan wu Fi

³ Dəbɨrɨ a tíʼ ngyen soŋ wəmbo ngə́, “Be o be mɔn Ŋwi, ghɨ á ngɔʼ tsiŋ bəŋ mbɛʼ abán ə.”

Matyo 4:3 Referans Kwoze

1 Tesalonaika 3:5

Nə nɨ anu za ma tsínɨ́ nɨ ntsagɨ Timotyo lá. Ma kɨ chi kaʼ bə ngɛn nɨ mbyi a nchigɨ ntəm, ma lan, ma tságɨ́ ayi ngə́ á tsɔʼ aku mbɨ́ʼ abeməntəm azɨŋ ə. Tsɛʼ a nkənu, a kɨ chi keʼ be ngə́ Dəbɨrɨ a kwáʼnɨ́nə awən, ɨfaʼ ɨwɨŋ ɨtsum tsa atú adaŋədaŋə ghe!

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

Matyo 3:17

Nji zɨ tse tíʼ ndo a fɔməbvurə, ɨ soŋ ngə́, “Mɔn wen a nɨ mɔn ɨghan wa ma kɔŋnɨ tsɛʼ nkə, a ghɨə ɨnye ɨzə bɔŋənə ghe.”

Ɛbal 12:16

A ŋwɔn tse a tɨtərɨ bən keʼ tsi tso Esao wa a bénɨ́ ŋwɔn ntɔrɨ ɨlɛbɨ, nkɨ mbe wa a sé nɨ́ŋ ntəm ɨyi a nye Ŋwi, wa a kɨ́nɨ́ nkɨ́ fén a za a tsínɨ́ nɨ mbé azhi tso ntsambyi mɔn a mbó azɔŋəndzum azhi atú táʼ akáŋ a mɨdzɨ lá.

Ɨfaʼ 9:20

Wɛrə a byí ngɛn a mu ndáŋwi bə Yuda, mbiʼnɨ sóŋə́ anu a Ŋwi ngə́ Yeso a nɨ Mɔn Ŋwi ə.

Alukasɨ 4:9

Dəbɨrɨ a tíʼ nkwiʼ ndɔgɨ a wɛrə ngɛn nɨ zɨ a Yerosalɛm, ndɔgɨ ayi nkɔʼ ngɛn ntɛgɨ atú a təntsánɨ́ Ndáŋwi zɨ Ngwi, ntiʼ soŋ wəmbo ngə́, “Be o be Mɔn Ŋwi, tsɔʼnɨ adiʼ wɛnə nkanɨ a tɨshe,

Alukasɨ 4:3

Dəbɨrɨ a sóŋ a mbó Yeso ngə́, “Be o be Mɔn Ŋwi bəŋ ngɔʼ zen a nye abán ə.”

Matyo 14:33

Bɨyɛʼ bɨ Yeso ba a mu abáŋ a nkyi za tíʼ ngúʼsɨ́ a Yeso, ɨ sóŋə́ ngə́, “Tsɛʼ a nkənu, o lá Mɔn Ŋwi ə!”

Matyo 16:16

Samɔn Bita a chwɨ́gɨ́ ngə́, “O nɨ Wa bɨ Zɔ́ʼnɨ́, Mɔn Ŋwi, zɨ wa a tsinɨ ntɨŋ ə.”

Matyo 26:63

Lá Yeso a zúʼ ngə́ shwi ə. Ntumshe wu Ngwi wa a kwíʼ ngam wəmbo ngə́, “Tɨtsɔŋnɨ ma lǒ ngə́ o kan nɨ ɨkum Ŋwi, zɨ wa a tsinɨ ntɨŋ ə: soŋ awɨgɨ mbáʼ be o be Wa Bɨ Zɔ́ʼnɨ́ wa, wa a nɨ Mɔn Ŋwi lá.”

Marɨkusɨ 1:1

Nə nɨ Nkən wu Shiʼnɨ mbɨ́ʼ a Yeso Kristo Mɔn Ŋwi ə.

Marɨkusɨ 3:11

Nkfu tsum za ɨzhwi tsɨ tɔmnɨnɨ tsa tsɨ tsínɨ́ a mu ɨnye ɨbɛn zɛ́nɨ́ ayi, bo vwókɨ́ wə ɨshi, ntɔ́nkɨ́ ngə́, “O lá Mɔn Ŋwi ə!”

Marɨkusɨ 5:7

ntiʼ mbugɨ tsɛʼ nɨ nji zɨ ntən, ɨ sóŋə́ ngə́, “Yeso, Mɔn Ŋwi Akɔ́ʼɔ́ntsɨrə o tsi nɨ anu zə tse a ngɨə bɔgə le? Ma buʼ mbó a mbó gho nɨ ɨkum Ŋwi, koʼ ngɨ́ʼ a mbó me ghaə.”

Alukasɨ 1:35

Ntsendá Ŋwi za chwɨ́gɨ́ ngə́, “Azhwi zə Fɛmnɨ a mɨ shiʼ ɨ tsi atú gho, á mɨtən mɨ Ŋwi Akɔ́ʼɔ́ntsɨrə tsi atú gho ghe. Mbɨ́ʼ a məzen, mɔn wa o mɨ jwi lá, a mɨ be wu fɛmnɨ, á bɨ ntɔŋə ayi ngə́ Mɔn Ŋwi ə.

Alukasɨ 4:41

Bɨdzɨŋ kə́ sɔnkə fuə a ɨnye ɨbɛn a ɨnɔ ɨnɔ ntɔ́nkə́ ngə́, “O lá mɔn Ŋwi ə!” Yeso a ghámtɨ́ bɨdzɨŋ ba ngə́ á bɨ chwubtɨ mɨntsu ɨma nkeʼ nyɛʼtɨ ngə́ á bɨ gham, mbɨ́ʼ ngə́ bo zhí ngə́ wɛrə lá Wa bɨ Zɔ́ʼnɨ́ ə.

Alukasɨ 22:70

Bo bɨtsum tíʼ mbosɨ mbitɨ ngə́, “Ma lan, o sóŋə́ ngə́ o lá Mɔn Ŋwi le?” Wɛrə a chwɨ́gɨ́ a mbó bo ngə́, “A soŋ bən ngə́ ma nɨ wɛrə ghe.”

Yoane 1:34

Ma zɛnə a zɛrə ghe, ntíʼə nkə́ sóŋə́ a mbó bən ngə́ wɛrə a nɨ Mɔn Ŋwi ə.”

Yoane 1:49

Nataniɛ a chwɨ́gɨ́ wəmbo ngə́, “Ndiʼ Aŋwaʼnɨ, o nɨ Mɔn Ŋwi ə! O nɨ Ɨfɔ bə Izrai ghe!”

Yoane 9:35

Mbáʼ Yeso a zúʼnɨ́ anu za a fúnɨ́ lá, wɛrə a tsɔ́ʼ aku a ŋwɔn wa ndzɛn ayi, ntiʼ mbitɨ ayi ngə́, “O nɨŋ ntəm ɨgho a nye Mɔn Ŋwɔn le?”

Yoane 20:31

Lá bɨ ŋwaʼnɨ a tsen lá taŋ o chi nɨŋ ntəm ɨgho ɨwu ngə́ Yeso a nɨ Wa bɨ Zɔ́ʼnɨ́ nkɨ mbe Mɔn Ŋwi ə. Nkɨ mbe ngə́ a ntsǎ a ndzum abeməntəm azo wə nye, o chi tsi nɨ ntsi ntən nɨnkoŋ ə.

2 Korɨnto 1:19

Mbɨ́ʼ ngə́ Mɔn Ŋwi, Yeso Kristo, zɨ wa Sailasɨ, Timotyo abɔʼnɨ me, sóŋnɨ́ anu azhi a mbó bən lá, a láʼnə mbvurɨ tɨ be “E” kə “Ngáŋ ə”, a mbó Yeso, wɛrə a ghɨə atsum za wɛrə a soŋnɨ ngə́ zɨə mɨ ghɨə.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Ɛbal 4:14

Tso mbáʼ bɨgɨnə tsinɨ nɨ ntumshe wu ngwi, Yeso, Mɔn Ŋwi, zɨ wa a ghɛnə adiʼ wa Ŋwi a tsinɨ ɨwu lá, á bɨgɨnə chwa anu za bɨgɨnə nɨŋnɨ mɨntəm ɨmɨgɨnə ɨwu lá, ɨ shiʼnɨ ə.

Ɛbal 7:3

Ka anu zə tse a tsi ayi adiʼ zə tsɛrə mbáʼ bɨ ŋwaʼnɨnɨ mbɨ́ʼ a ta bɨ Mɛkisɛdɛkɨ kə nɨmɨ ɨyi kə ta ɨyi wu bə kɔ́ʼɔ́nguʼ wu tsɛrə ghe; ka bɨ ŋwaʼnɨ ayi anu zə tsɛrə mbɨ́ʼ njwi za bɨ jwínɨ́ ayi kə njwi za wɛrə a kfónə́. Wɛrə a tsi lá tsɛʼ tso Mɔn Ŋwi ə; wɛrə a ghɔŋ a nye ntumshe nɨnkoŋ ə.

1 Yoane 3:8

Ŋwɔn tsum wa a ghɛnə nɨ mbyi ngɨ̌ ɨbvu a tsi lá a mbó Dəbɨrɨ, mbɨ́ʼ ngə́ Dəbɨrɨ a ghɨnɨ ɨbvu ndɔgɨnɨ a mbiʼnə ghe. Mɔn Ŋwi a fú a ɨshe lá mbɨ́ʼ anu məziŋ ə, a ntsənkɨ anu za Dəbɨrɨ a ghɨ́nə́.