Kolose 4:12 - Mɨkan wu Fi

¹² Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

Kolose 4:12 Referans Kwoze

Roma 15:30

Ma tiʼə nyiʼtə awɨŋ ɨbɔmbɨma ɨban ngə́ a ntsǎ a ndzum Maʼmbyí Yeso Kristo ɨwɨgɨnə abɔʼnɨ akɔŋnɨ za Azhwi a ghánə́, á nɨ twɛmtɨ aghan á bɨgɨnə tsaʼtɨ a Ŋwi nɨ mɨntəm ɨmɨgɨnə mɨtsum mbɨ́ʼ atú azə.

Kolose 1:9

Mbɨ́ʼ a məzen, bɨgɨ tsaʼtə a Ŋwi nkfu tsum mbɨ́ʼ awən nchwuʼnɨ mbáʼ bɨgɨ zúʼnɨ́ a məzen mbɨ́ʼ awɨŋ ə. Bɨgɨ lɔ́ntə́ a mbó Ŋwi ngə́ á wɛrə a lwɨgɨ awən nɨ azhyɛ ɨnu tsa zɨə lɔnə, ndwɨgɨ awən nɨ zóŋ nkɨ ndwɨgɨ awən nɨ ndzuʼ kɨ zhi za Azhwi zə Fɛmnɨ a ghánə́ ghe.

Firɨmɔn 1:23

Ebafrasɨ wa a tsinɨ atsáŋ bɨgɨ zɨ mbɨ́ʼ atú a Kristo Yeso a tsagə atsaʼtɨ azhi a mbó gho ghe,

Kolose 1:28

Ma lan, bɨgɨ sóŋə́ anu a Kristo a mbó ŋwɔn tsum ə. Nɨ zóŋ tsum wa a chinɨ tsi, bɨgɨ kwantə nkə́ ndiʼə awa taŋ ɨ lɔgɨ a ŋwɔn tsum ɨ yen nɨ wɛrə a ɨshi ɨmɨgɨ Ŋwi tso ŋwɔn wa a kwinɨ nkɨ ntsi a mbúm bo Kristo ghe.

Kolose 1:7

Nɨ zúʼ mbɨ́ʼ abɔŋəntəm a Ŋwi lá a mbó Ebafrasɨ, ngaŋ afaʼ za bɨgɨ bo faʼnə za bɨgɨ kɔŋnɨ lá. Wɛrə nɨ ngaŋ afaʼ Kristo za ɨ faʼnə tsɛʼ nɨ táʼ ntəm za ɨ faʼnə a nkfu bɨgɨ ə.

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

Galesha 4:19

O ɨbɔ ɨban! Tso mabvu wa a chiʼnɨ, ma bɨŋə nkwátə́ ndzuʼ abə́ŋ a ndzáŋə́ məza mbɨ́ʼ awən ɨ kuʼ nkfu za nɨ tiʼnɨ mbe tso Kristo ghe.

Galesha 1:10

Məzen a diʼ lá tsɛʼ tso ngə́ ma lɔ́btə́ ngə́ á ŋwɔn mɨsɔŋ a ntsu a bemtɨ aghan le? Kə́ kə́! Anu za ma lɔnə a nɨ ngə́ á Ŋwi a bemtɨ aghə. Ma lɔ́btə́ lá ngə́ á ɨbɛn zhinɨ aghan le? A be be ngə́ ma bvurə ndɔ́btə́ lá ngɨə mə lan, muŋ ma sa be ngaŋ afaʼ Kristo ghe.

Roma 15:14

Ɨbɔmbɨma ɨban, me mboŋ ma zhi ɨ shiʼnɨ ngə́ ɨbɔŋ ɨ tsi a nye bən tsɛʼ nkan, nɨ zhi ɨnu tsɨ ghaʼnɨ, nchi kɨ diʼ awən ŋwɔn nɨ ŋwɔn ə.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

Ɛbal 5:14

Lá mɨdzɨ mə chwaʼtɨnɨ tsi lá a mbó bɨləmə nkɨ ntsi lá a mbó ɨbɛn ba bɨ mərɨsɨnə ɨtumbəm ɨtsa a nkwátɨ́ ɨ kyɛrɨ ɨbɔŋ a nye ɨnu tsɨ tɔmnɨnɨ ə.

Ɛbal 5:7

A nkfu za Yeso a tsínɨ́ atuəshe, a tsáʼtɨ́ a Ŋwi, ndɔntɨ wəmbo nɨ nji nɨzɛʼ zɨ ntən bo nkyi a ɨmɨgɨ a mbó Ŋwi, zɨ wa a chínɨ́ kwarɨ ayi a mbó nɨvwo ə. Ŋwi a zúʼ nji ɨzhi mbɨ́ʼ ngə́ wɛrə a tsí nɨ abɔgɨtɨ a nye Ŋwi nkə́ faʼə nɨ mɨku bo bɨ mbó ə.

Kolose 1:22

Lá tɨtsɔŋnɨ, a ntsǎ a ndzum nɨvwo nɨ Mɔn ɨyi, Ŋwi a ghɨnə awən a nye bɨson ɨbyi, taŋ ɨ tiʼ yen nɨ bən a ɨshi zɨ á nɨ fɛm, nkeʼ nɨ alɔʼ zə tsɛrə tsi nkɨ ntsi tɨ ɨfərɨ wu tsɛrə,

2 Korɨnto 13:11

A ndwɨgɨnə nə ɨbɔmbɨma ɨban, fɨlye ɨfɨŋ ə. A nɨ ntǒkə́ ɨ kɔʼ tɛm ngə́ tsáŋ; á nɨ tɛgɨ ɨtú ɨtsən a nye ɨnu tsa ma buʼnɨ mbó a mbó bən mbɨ́ʼ a tsɛrə; á nɨ mbémnə́ bɨŋ bɨ ŋwɔn nɨ ŋwɔn; á nɨ nchyɛ̌ nɨ mbɔnɨ ə. Ŋwi, zɨ wa a ghánə́ akɔŋnɨ abɔʼnɨ mbɔnɨ a mɨ tsi bɨŋ bo ghe.

1 Korɨnto 14:20

Ɨbɔmbɨma ɨban, á nɨ keʼ tso ɨbɔ bə bɔrɨ be a nye ɨkwaʼtɨ ɨtsɨŋ ə; nɨ bəŋ awən a nye ɨbɔ bə bɔrɨ mbáʼ be a be anu mbɨ́ʼ ɨnu tsɨ tɔmnɨnɨ lá mbe bɨtankaŋ a nye ɨkwaʼtɨ ɨtsɨŋ ə.

1 Korɨnto 2:6

Lá bɨgɨ chwítɨ́ nkən mbɨ́ʼ a zóŋ a mbó ɨbɛn ba bo kwinɨ a mu azhwi ə. Lá ka a be ayi zóŋ atuəshe wen kə zóŋ wa a tsinɨ a mbó ɨdzɔŋ ɨlaʼ tsa tsɨ sáʼnə́ atuəshe — ɨdzɔŋ ɨlaʼ tsa tsɨ byɛ́gɨ́nɨ́ mɨtən ɨma ghe.

Yoane 12:26

Ŋwɔn tsum wa a faʼnə a mbó me a tsi nɨ ɨ zagɨ zɔŋ aghan, taŋ á ŋwɔn afaʼ ɨghan a tsi bɨgɨ zɨ adiʼ wa ma tsinɨ ɨwu ə. Ta ɨghan a mɨ kɔʼsɨ a ŋwɔn tsum wa a faʼnə a mbó me atɨ́ ə.”

Matyo 5:48

Bən, nɨ tsi nɨ ɨ zagɨ kɔʼ tɛm ngə́ tsáŋ tso mbáʼ ta ɨwən a fɔməbvurə a kɨnɨ nkɨ nkɔʼ ntɛm ngə́ tsáŋ lá!”

Jemsɨ 5:16

Ma lan, á nɨ ntiʼə sóŋə́ mɨbvu ma nɨ ghɨnɨ a mbó ŋwɔn nɨ ŋwɔn, nkə́ ntsáʼtə́ a Ŋwi atú ŋwɔn nɨ ŋwɔn, taŋ á bɨ tsuʼ awɨŋ ə. Atsaʼtɨ a Ŋwi a ŋwɔn wa a chinɨnɨ a tsi nɨ adaʼ nkə́ faʼə ghe.

Jemsɨ 1:1

Aŋwaʼnɨ zen a lo a mbó me Jemsɨ wa ma benɨ ngaŋ afaʼ Ŋwi bo zɨ Maʼmbyí Yeso Kristo ghe: Ma tsagə atɔ́ŋtɨ a mbó ɨbɛn bɨ Ŋwi bɨtsum ba bɨ dzagɨnɨnɨ a mu mbyi tsum ə.

1 Tesalonaika 5:23

A Ŋwi, zɨ wa a ghánɨ́ mbɔnɨ a mbó bɨgɨnə a ghɨ awən á nɨ fɛm a mu azhwi, gharɨ abɔʼnɨ mbəmnye a nye mɨndóm mɨtsum nkɨ ntsi tɨ ɨfərɨ a nkfu za Maʼmbyí Yeso Kristo ɨwɨgɨnə a ghɨnɨ yen lá.

Alukasɨ 22:44

Nɨ mɨlɨŋnɨ wu ngwi a kwíʼ mbə ntsáʼtɨ́ a Ŋwi tsɛʼ nɨ ntəm ɨyi ɨtsum, ndyiʼnɨ, ɨtam ɨchi tsəmkɨ a ɨshe ɨ fi ɨtam alɛm ə.

Alukasɨ 1:1

O Tiofilo: Ɨbɛn bə ghaʼnɨ zhwəŋtɨnə ndaʼ ɨwa a ŋwaʼnɨ ɨnu tsa tsɨ fúnɨ́ a tɨtərɨ bɨgɨnə,

Kolose 1:29

A ngɨə á məzen a fu, ma faʼə nɨ adaʼ azə atsum, ɨ faʼə nɨ adaʼ zə wi za Kristo a ghánə́, a tsi a mu ɨnye me ɨ faʼə ɨwu lá.

Kolose 4:9

Wɛrə a yiŋə bo Onesimusɨ, mɨma ɨwɨgɨnə wa a faʼnə tsɛʼ nɨ táʼ ntəm, bɨgɨnə kɨ nkɔŋ ayi tsɛʼ nkan, wa a kɨnɨ mbe ŋwɔn ngǒtə ɨzən lá. Bo mɨ soŋ ɨnu ɨtsum tsa tsɨ fúnə́ ɨghə.

Jemsɨ 1:4

A nɨ zɛn ngə́ achigəntəm a ghěn tsɛʼ nɨ mbyi, nkeʼ nkyɛ́ntə́, ɨ ghɛn fu a ndwitə, taŋ á nɨ kɔʼ ntɛm ngə́ tsáŋ nkɨ ndon, nkeʼ a zə tsɛrə a mbóŋə́ ghe.