Kolose 3:8 - Mɨkan wu Fi

⁸ Lá tɨtsɔŋnɨ nɨ mɨ zagɨ nyɛʼ ɨnu mətsiŋ ɨtsum tso: alwɛntɔŋ, mɨlwi wa a faʼkɨnɨ abɔʼnɨ abɨgəntəm ə. A nɨgham nɨ ntsənkɨ ɨkum ŋwɔn wu shiʼnɨ ɨwu kə ɨtɨshwe mɨgham láʼ nkeʼ a ntsu bən fuə.

Kolose 3:8 Referans Kwoze

Ɛfɛso 4:29

A nɨgham nɨ tɨbɔŋ keʼ a ntsu bən a fúə, á be tsɛʼ nɨgham na nɨ kwátɨ́nə́, abə́ŋ za a ghɨnə ŋwɔn a kwinə, nkwátə́ a fɨ́gɨ́ anu za a bɔŋnɨ, taŋ anu za nɨ sóŋnə́ á ghɨ ɨbɔŋ a mbó ɨbɛn ba bɨ zuʼnɨ awɨŋ ə.

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Ɛfɛso 5:4

Kə ngə́ á ɨtɨshwe mɨgham, ɨlentɨ mɨgham abɔʼnɨ mɨgham mɨ atságɨ́ a mɨ fúə a ntsu bɨŋ ə. A nɨ mbáŋnə́ ngǎ a mɨya a mbó Ŋwi ə.

Kolose 3:5

Nɨ mɨ tiʼ zagɨ zhwitɨ ɨnu atuəshe zen tsa mbəmnye ɨtsɨŋ lɔnə, tso ɨnu ntɔrɨ ɨlɛbɨ, nɨshwe, nkfǒ a mbó nji mangye kə a mbó nji mbáŋnɨ́, ntɛgɨ ntəm a ngɨ ɨnu tsɨ tɔmnɨnɨ abɔʼnɨ mbe amiɛnɨngám ə. Mbɨ́ʼ ngə́ a mbé amiɛnɨngám a nɨ ndóm wu mɔʼɔ a nguʼsɨ mɔn abe ə.

Ɛfɛso 4:26

O lwi ntɔŋ, koʼ nyɛʼtɨ á alwɛntɔŋ azo a tintɨ agho ntsagɨ a ngɨ ɨbvu ə. Koʼ nyɛʼtɨ á nɨnyom a tsó nkwatɨ alwɛntɔŋ azo ə.

Ɛbal 12:1

Ma lan, mbáʼ bətɛmə-ndzě a ɨnɔ karɨsɨnɨ awɨgɨnə lá, á bɨgɨnə tiʼ nkɨ nyɛʼ ntasɨ tsum abɔʼnɨ ɨbvu ɨtsum wa ɨ korɨnɨ awɨgɨnə tso ŋwɔn a laʼnɨ a mu mɨndyiʼ, ntintɨ a tsɛrə ndɛn táʼ bagɨ ə. A bɨgɨnə nkɨə nɨkɨə nɨ amaŋnɨ na nɨ tsinɨ a ɨshi bɨgɨnə nɨ achigəntəm,

Kolose 3:9

A nɨ keʼ nchwě ɨnu a mbó ŋwɔn nɨ ŋwɔn, mbɨ́ʼ ngə́ nɨ tsɔʼnə mbəmnye zɨ ndvuŋ za abɔʼnɨ ngɨnɨ mɨnu ɨmyi tso bɨ tsɔʼtɨ ɨtsɛʼ

1 Bita 2:1

Ma lan, á nɨ kyɛntɨ ɨnu tsɨ tɔmnɨnɨ ɨtsum; nkeʼ mbɨŋə nchwě ɨnu kə mbɨŋə ngɨ̌ ɨtsi kə nkwiʼə nchyɛ̌ nɨ aghɨʼnɨ kə ngǎm mɨgham mɨ ntsənkɨ ɨkum ŋwɔn wu shiʼnɨ ə.

2 Korɨnto 12:20

Ma bɔ́gə́ ngə́ nyom wa ma mɨ yen a ndzé bən, nɨ mɨ tsi chwa a nye ndóm wa ma lɔnə ghe. A bagɨ bən, a ghagə tsɛrə nɨ mɨ kɨ ze aghan á ma tsi chwa ghe. Ma bɔ́gə́ ngə́, nyom wa ma yenɨ, azɔŋ, aghɨʼnɨ, alwɛntɔŋ, ɨkarɨ, nɨgham nɨ ntsənkɨ ɨkum ŋwɔn wu shiʼnɨ, fɨnkərɨ, kɨtɛrɨ abɔʼnɨ ndum mɨ tsi a tɨtərɨ bɨŋ ə.

1 Korɨnto 3:3

Mbɨ́ʼ ngə́ ɨkwaʼtɨ ɨtsɨŋ tsi lá tso tsɨ ɨbɛn bɨ atuəshe wiŋ ə. Aghɨʼnɨ abɔʼnɨ azɔŋ a tɨ bvurɨ kɔʼ a tɨtərɨ bən lá, məzen a keʼ diʼ lá ngə́ nɨ nɨ ɨbɛn bɨ atuəshe wen, nkə́ ngɨ̌ ɨnu ɨtsən ndzɔ̌ŋ mbɔm ɨbɛn bɨ atuəshe wen le?

Matyo 5:22

Lá ma soŋ a mbó bən tɨtsɔŋnɨ ngə́: be ntɔŋ ŋwɔn ɨ lwi a nye mɨma ɨyi muŋ bɨ mɨ sáʼ ayi ɛ; ŋwɔn tsum wa a zɔmnɨ a mɨma ɨyi ngə́, ‹Alentɨ zɛnə!› bɨ mɨ sáʼ ayi a ɨshi Ngɔʼ Abyɛn bə Yuda, ŋwɔn tsum wa a zɔmnɨ a mɨma ɨyi ngə́, ‹Abərɨ!› bɨ chi nɨŋ ayi a mu ɨmugɨ nɨnkoŋ wa.

Galesha 5:15

Lá be nɨ ngɨ̌ ɨnu tso ɨnyam mɨbaʼ, ndɛ́mtə́ nkə́ sɔ́btə́ a ŋwɔn nɨ ŋwɔn muŋ, be nɨ tú ɨtú ɨtsɨŋ lán muŋ, nɨ mɨ nyam tsənkɨ a ŋwɔn nɨ ŋwɔn ə.

Roma 13:13

Bɨgɨnə tsi nɨ ɨ zagɨ ghɨnɨ ɨnu tsɛʼ adzaŋ za bɨ ghɨnɨ ɨnu, tso ɨbɛn ba bɨ tsinɨ a mu nkaʼ — nkeʼ nchyɛ̌ nɨ afágɨ́nɨ, nkeʼ nǒ mɨluʼ mbánə́, nkeʼ ntɔrɨ ɨlɛbɨ kə ngɨ̌ ɨtɨshwe ɨnu, nkeʼ ndzɔŋnə kə nghɨ́ʼnə́ ghe.

Judɨ 1:8

Ndəŋndəŋ, ndzɛm nəzhwɨgɨnɨ kə́ ndyě bɨdiʼ bɨ aŋwaʼnɨ bɨ ɨchwenu məben, mbáʼ tsɨ ghɨnə bo ghɨnɨ mɨbvu a nye mbəmnye ɨtsa; bo wágɨ́nɨ́ mɨtən mɨ Ŋwi nkə́ ndzɔ̌m ɨdzúm tsa Ŋwi a káʼnɨ́ tsa tsɨ tsinɨ nɨ nɨfáŋ nkɨ ntsi atɨ́ lá.

2 Bita 2:18

Bo ghamə nɨ nji tsɨ tən mɨgham mɨ ŋǔʼ ɨnye mə dzɨŋtɨ, nkə́ ndɔ́gɨ́ ɨnu ntɔrɨ ɨlɛbɨ tsa mbəmnye ɨ kɔŋnɨ a mbentɨ ɨ ko ɨbɛn ba bɨ bvurɨnɨ mbiʼnɨ a fu bo a tɨtərɨ ɨbɛn ba bɨ tsínə́ awa a mu afənu ə.

Jemsɨ 2:7

A nɨ bo ba bɨ sóŋnɨ́ ɨnu tsɨ tɔmnɨnɨ mbɨ́ʼ ɨkum wu shiʼnɨ wa bɨ ghanə a mbó bən lá.

1 Timotyo 1:20

A tɨtərɨ bo Ayimɛnosɨ abɔʼnɨ Alɛgɨsanda bɨ tsi ɨwu mbáʼ ma nɨŋnə ngɨ́ʼ a nye bo a nɨ́ŋ bo a mu mbó Satan; məzen a mɨ diʼ awa ngə́ á bo kyɛntɨ a ngam ɨnu tɨbɔŋ mbɨ́ʼ a Ŋwi ə.

1 Timotyo 1:13

le buŋ, a mbyi ma ghám ɨnu tsɨ tɔmnɨnɨ mbɨ́ʼ ayi, ndɨgɨ ayi nkɨ ndzɔm ayi ɛ. Lá Ŋwi a kó a mɨlɨŋnɨ ɨghan mbɨ́ʼ ngə́ ma bvúrɨ́ tɨ tsi nɨ abeməntəm, ma lan, ma sá zhi anu za ma kɨ́nə́ ngɨ̌ nkfu məwa.

Galesha 5:26

Bɨgɨnə mɨ zagɨ nkeʼ ŋǔʼ ɨnye kə ɨ ghɨnə á ntɔŋ ŋwɔn nɨ ŋwɔn ndwɛ̌ kə nghɨʼnə a ŋwɔn nɨ ŋwɔn ə.

Galesha 5:20

ngúʼsɨ́ ɨbɔ bɨ abe nkə́ fuə abú ə. Ɨbɛn bə̌ŋ ngaŋ kɨban ntiʼə ntónə́; nghɨ́ʼnə́, nchyɛ̌ nɨ alwɛntɔ́ŋ nkə́ ndǒ nchyɛ a mbyi ŋwɔn tsum taŋ á bɔŋ tsɛʼ a mbó bo ghe. Bo yɛbtɨ ɨtumbəm ɨtsa nchyɛ̌ atú atú nchi keʼ bemnɨ;

Marɨkusɨ 7:22

achwurɨ, mbe amiɛnɨngám, abɨgəntəm, ntám, nɨshwe, aghɨʼnɨ, nɨgham nɨ ntsənkɨ ɨkum ŋwɔn wu shiʼnɨ, ɨŋuʼ ɨnye abɔʼnɨ ngɨ ɨnu atərɨ ə.

Nkyɛʼə 16:9

Bɨ tɔ́n awa nɨ ndomə zɨ tən, bo tiʼ ndɔʼ ɨkum Ŋwi, zɨ wa a tsinɨ nɨ mɨtən atú ngɨ́ʼ tsiŋ ə. Lá bo sé bəŋ mɨntəm ɨma a nye mɨbvu ɨma ɨ tiʼ kɨ gha nɨfáŋ a mbó Ŋwi ə.

Judɨ 1:13

Bo be lá tso nkyiɛ yiŋənɛmə wu tən a mu sagɨrə wu ngwi, nɨ ɨnu adɨrətú ɨtsa tsa tsɨ kɔ́ʼnə́ tso mɨfuʼ ə. Bo be lá tso mɨndzɔŋ ma mɨ ghə́nkɨ́nə́, bo məba, ba Ŋwi a lɛnə adiʼ a mbó bo nɨnkoŋ a mu adiʼ a ndzumnɨ za ɨ fɨ́ŋnə́ ntsa mbó lá.

2 Bita 2:7

Wɛrə a fɨ́gɨ́ a Lɔtərə a mu ngɨ́ʼ, zɨ wa a bénɨ́ ŋwɔn wu shiʼnɨ, wa a kɨ́nə́ ndzə́ŋnə́ mbɨ́ʼ ɨtɨshwe ngɨnɨ mɨnu mɨ ɨbɛn bɨtɨlɛn a nyɔngɔŋ ə.

Ɛfɛso 4:25

Ma lan, á ɨchwenu keʼ ɨwu bə mbe ə! Ŋwɔn nɨ ŋwɔn a tsi nɨ ɨ zagɨ soŋ nkənu a mbó wu mɔʼɔ mbɨ́ʼ ngə́ bɨgɨnə bɨtsum lá ɨlam ɨnye táʼ mbəmnye za a nɨ Kristo lá.