Kolose 3:5 - Mɨkan wu Fi

⁵ Nɨ mɨ tiʼ zagɨ zhwitɨ ɨnu atuəshe zen tsa mbəmnye ɨtsɨŋ lɔnə, tso ɨnu ntɔrɨ ɨlɛbɨ, nɨshwe, nkfǒ a mbó nji mangye kə a mbó nji mbáŋnɨ́, ntɛgɨ ntəm a ngɨ ɨnu tsɨ tɔmnɨnɨ abɔʼnɨ mbe amiɛnɨngám ə. Mbɨ́ʼ ngə́ a mbé amiɛnɨngám a nɨ ndóm wu mɔʼɔ a nguʼsɨ mɔn abe ə.

Kolose 3:5 Referans Kwoze

Roma 8:13

Mbɨ́ʼ ngə́ be nɨ nchyɛ̌ ndzɔ̌ŋ ɨdzúm tsa ɨnyam ɨnye lɔnə, nɨ mɨ kfokə; lá nɨ mɨ tsi ntən mbáʼ be nɨ lɔgɨ Azhwi njwitɨ ngɨnɨ mɨnu ɨnyam ɨnye ɨwu ə.

Galesha 5:24

Ɨbɛn ba bɨ tsinɨ a mbó Kristo Yeso zhwitɨnə ɨnu tsa mbəmnye lɔnə nkwiʼtɨ ɨnu tsa mbəmnye bɨ́ŋnɨ́nə́ ɨwu nkə́ ndǒ lá.

Roma 6:13

Nɨ keʼ bə ndɔgɨ ɨlam ɨnye ɨtsən a nye ɨdzúm afaʼ a ngɨ ɨbvu, lá nɨ baŋnɨ ngyen nɨ ɨtumbəm ɨtsən a mbó Ŋwi tso ɨbɛn ba Ŋwi a kwarɨnɨ awa a mbó nɨvwo ngɨ bɨ tsi ntən, ntiʼ ndɔgɨ ɨtumbəm ɨtsən tsə fɨgɨnɨ ngɛn nɨ tsɛrə a mbó Ŋwi tso ɨdzúm afaʼ tsə ngɨ̌ ɨnu tsɨ chinɨnɨ ə.

1 Bita 2:11

Bɨson ɨban, ma bǔʼ mbó a mbó bən tso ɨbɛn ba bo nɨ bɨngyen-yenɨ bɨ atuəshe abɔʼnɨ ɨbɛn ba bɨ tumnɨ nɨ fɨnyaʼ ntsagɨ atuəshe ə! A nɨ tsɔʼ mɨntəm ɨmən a nye ɨnu tsa mbəmnye lɔnə, ɨnu tsa tsɨ tónɨ́ ntso bo bɨ gharɨ ɨwən nkfu tsum lá.

1 Korɨnto 6:18

A nɨ tsɔʼ mɨntəm ɨmən a nye ɨnu ntɔrɨ ɨlɛbɨ ə. Mɨbvu mə daŋ ma ŋwɔn mɨsɔŋ a ntsu a ghɨnə se anu zə tsɛrə a nye mbəmnye ɨzhi a ngɨə ghe; lá ŋwɔn wa a tɔrɨnɨ ɨlɛbɨ ɨchi, ɨbvu wa a ghɨnɨ lá, a ghɨ a wɛrə lá a nye mbəmnye ɨzhi ɛ.

Ɛfɛso 4:19

Ka bo bə mbvurɨ ntsi awa nɨ adɨrətú tsɛʼ mɨnya; bo nyɛʼtɨ ɨtumbəm ɨtsa tsɨ ghɨnɨ mɨbvu, adzaŋ məwen, bo ghɨ̌ mbúŋ ɨtɨshwe ɨnu ɨtsum tsɛʼ tɨ a njwɛ́rɨ́kə́ ghe.

2 Korɨnto 12:21

Ma bɔ́gə́ ngə́ nyom wa ma mɨ kwiʼ yen a ndzé bən, Ŋwi ɨghan a mɨ nɨŋ adɨrətú a ɨnye me a ɨshi bən, ma mɨ kɨ bugɨ mbɨ́ʼ a bə ghaʼnɨ ba bɨ ghɨ́nɨ́ mɨbvu a mbyi, mbvurɨ tɨ bəŋ mɨntəm ɨma ɨ fɨgɨ a nye ɨnu ntɔrɨ ɨlɛbɨ tsa bo ghɨnə tso ndyiŋ mangye ɨ ghɨʼnɨ abɔʼnɨ mɨbvu mɨ nɔŋə nɨ mangye kə mə nɔŋə nɨ mbáŋnɨ́ abɔʼnɨ ɨnyaʼnɨ ɨnu tsə mɔʼɔ tsa tsɨ yenə nɨ adɨrətú a nye ŋwɔn ə.

Nkyɛʼə 21:8

Lá bə kɨəngvwurɨ, bɨ tɨ tsi nɨ abeməntəm a nye Yeso, ɨbɛn ba bɨ ghɨnɨ ɨtumbəm tsa tsɨ nyaʼnɨ, ngaŋ njwítɨ́ ɨbɛn, ngaŋ ngɨ ɨnu ntɔrɨ ɨlɛbɨ, ngaŋ fu abú, ngaŋ nguʼsɨ ɨbɔ bɨ abe abɔʼnɨ ngaŋ ɨchwenu ɨtsum — adiʼ aza a nɨ sagɨrə ɨmugɨ wa ɨ tənɨ be tɨ́sə́n, mbáʼ lá nɨvwo na nɨ zɔŋtɨnɨ a nye ɨdiʼ tsi bá lá.”

Roma 7:23

Lá nyɔngɔŋ wə daŋ a faʼnə a mu ɨnye me — nyɔngɔŋ wa a tǒkɨ́nə́ bo nyɔngɔŋ wa akwaʼtɨ azə a bémtɨ́nə́ ghe. A ghɨə ma be ngaŋ atsáŋ a mbó nyɔngɔŋ ɨbvu wa mbáʼ a tsinɨ afaʼ a mu ɨnye me ghe.

Matyo 15:19

Mbɨ́ʼ ngə́ ɨwiʼtɨ tsə tɔmnɨnɨ fúə lá a mu ntəm ɨyi, ntyíŋə́ ayi ntságə́ ngə́ á zhwitɨ a ŋwɔn, nchwurɨ nkɨ ngɨ ɨtɨshwe ɨnu tsɨ mɔʼɔ; ndze, nchwe ɨnu nkɨ ngam ɨnu tɨbɔŋ mbɨ́ʼ ɨbɛn bə mɔʼɔ ghe.

Nkyɛʼə 22:15

Lá abyɛn ntáʼmbagə wu wi wa, a tsi ɨbɛn ba bɨ ghɨnɨ ɨtumbəm ɨtsa tsɨ nyaʼnɨ, ngaŋ fuə abú, ngaŋ ntɔrɨ ɨlɛbɨ, ngaŋ njwítɨ́ ɨbɛn, ngaŋ ngúʼsɨ́ ɨbɔ bɨ abe abɔʼnɨ ngaŋ ɨchwenu tsa tsɨ chwɛ́nɨ́ ɨnu a nye mɨgham ɨma abɔʼnɨ ngɨnɨ mɨnu ɨma ghe.

Jemsɨ 4:1

Fɨto fɨtsum abɔʼnɨ azɔŋ atsum a tɨtərɨ bən tsɨ lǒ lá ɨ ghé le? Tsɨ lǒ lá a nye ɨnu tsa nɨ lɔnə a ngɨə á mbəmnye ɨtsɨŋ mbɔ́ŋə́, tsa tsɨ tǒkɨ́nə́ a mu ɨnye ɨtsən lá.

1 Korɨnto 6:13

Wu mɔʼɔ ŋwɔn a mɨ soŋ ngə́, “Mɨdzɨ tsi lá a mbó mɨto, mɨto kɨ ntsi a mbó mɨdzɨ ə.” E; lá Ŋwi a ghɨ tsənkɨ mɨdzɨ abɔʼnɨ mɨto ə. Ka o tsi agho nɨ ndɔgɨ atuəmbəm azo a nye azúm a ntɔrɨ ɨlɛbɨ ə, a mbaŋnə faʼə nɨ zɛrə a mbó Maʼmbyí ɛ. Ɨdzúm ɨtsum tsa mbəmnye lɔnə, Maʼmbyí a ghǎ a tsɛrə ghe.

Roma 6:6

Bɨgɨnə zhi ngə́ a tsi lá tso ngə́ bɨ kwémtɨ́ mbɔm tsɨ lvuŋ tsa bɨgɨnə tsínɨ́ nɨ tsɛrə bɨgɨnə bɨ Yeso atɨ abaŋnɨ-baŋnɨ lá taŋ ɨ chi tsənkɨ mbəmnye ɨtsɨgɨnə tsen tsa a nɨ tsə ngɨ̌ ɨbvu ɨ kɨ ghɨ ngə́ á bɨgɨnə keʼ ɨbuʼ a mbó ɨbvu bə nkwiʼ mbe.

Ɛbal 13:4

A mangye bo ndóm nkɔ́ʼsə́ mɨzɔ́ʼ mɨtsum atɨ́, á achwurɨ a keʼ ɨwu be, mbɨ́ʼ ngə́ Ŋwi a ghɨ sáʼ ɨbɛn ba bɨ ghɨnɨ ɨnu ntɔrɨ ɨlɛbɨ abɔʼnɨ ba bɨ chwurɨnə ghe.

Ɛbal 12:16

A ŋwɔn tse a tɨtərɨ bən keʼ tsi tso Esao wa a bénɨ́ ŋwɔn ntɔrɨ ɨlɛbɨ, nkɨ mbe wa a sé nɨ́ŋ ntəm ɨyi a nye Ŋwi, wa a kɨ́nɨ́ nkɨ́ fén a za a tsínɨ́ nɨ mbé azhi tso ntsambyi mɔn a mbó azɔŋəndzum azhi atú táʼ akáŋ a mɨdzɨ lá.

1 Tesalonaika 4:3

Ŋwi a lǒ ngə́ á nɨ fɛm nkeʼ kɨ mbyi nyám ntsi nɨ anu zə tse a ngɨə nɨ ɨnu ntɔrɨ ɨlɛbɨ ə.

1 Korɨnto 5:1

Bɨ lanɨnə soŋ ngə́ anu a ntɔrɨ ɨlɛbɨ a tsi a tɨtərɨ bən, abə́ŋ za ka a tsi ayi tɨtərɨ bɨtɨbeməŋwi ə. Bɨ soŋ a mbó me ngə́ ŋwɔn a nɔŋə nɨ fúgɨ́ nɨmi ɨyi ɛ!

Roma 7:5

Mbɨ́ʼ ngə́ a nkfu wa bɨgɨnə kɨ́nə́ ngɨ̌ ɨnu tsa ɨnyam ɨnye lɔnə lá, Nyɔngɔŋ a kə́ shwɛbtɨ ɨkwaʼtɨ ngɨ ɨbvu tsa tsɨ tsínɨ́ a mu ɨnye ɨtsɨgɨnə, ɨnu ɨtsum tsa bɨgɨnə ghɨ́nɨ́, tsɨ tságɨ́nɨ́ awɨgɨnə a mbó nɨvwo ə.

Roma 1:29

Bo lon nɨ mbúŋ abɨgəntəm atsum, ɨnu tsɨ tɔmnɨnɨ, mbe amiɛnɨngám abɔʼnɨ ɨnu tɨbɔŋ ə; bo lon nɨ aghɨʼnɨ, bo zhwítə́ a bə mɔʼɔ, ntókə́, ntámtə́ a bə mɔʼɔ nkə́ nkwáʼtɨ́ ɨnu tɨbɔŋ a nye bə daŋ ə. Bo tǎŋ fɨnkərɨ

Roma 1:26

Mbáʼ ɨbɛn ghɨnə adzaŋ məwen lá, Ŋwi a nyɛʼtɨ awa bo ghɨnɨ ɨnu adɨrətú tsa bo kɔŋnɨ be tɨsɨŋə, tsɛʼ bəngye kə́ nɔ́ŋə́ nɨ bə mɔʼɔ, nkeʼ ndzɔ́ŋə́ adzaŋ za Ŋwi a káʼnɨ́ awa ngə́ á bo be.

1 Tesalonaika 4:5

A ŋwɔn tse a keʼ mbɛ́bə́ a nɔŋə nɨ mangye tso mbáʼ Bɨtɨbeməŋwi, bo ba bɨ se a Ŋwi nɨ azúm zə tsɛrə a ntɔ́ŋə́ a bɨ ghɨnə lá.

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Kolose 2:11

A mbúm bɨŋ bɨ Kristo, bɨ tsə́ŋ ɨlagɨ ɨtsən, nkeʼ ntsəŋ alagɨ za a tsəŋnə ŋwɔn mɨsɔŋ a ntsu be, lá mbe be ntsəŋ alagɨ za a tsəŋnə Kristo mbáʼ lá nkyɛtɨ mɨnkɨ mɨ abuʼ ma mbəmnye zɨ ɨbvu zen ɨ korɨnɨ awən ɨwu ə.

1 Timotyo 6:10

Mbɨ́ʼ ngə́ nkɔŋ nkáb nɨ adiʼ za ɨnu tsɨ tɔmnɨnɨ ɨtsum fúnə́ ɨwu ə. Bə tsɛrə lanɨnə mbɛbɨ a nchyɛ́ nɨ zɛrə tɨ́sə́n nkɔʼ nkuʼ ɨfɨʼ za bo furɨnɨ ndzum ɨtsa a nye abeməntəm, ntiʼ ndɛm mɨntəm ɨma nɨ ɨdzə́ŋnɨ a ɨnɔ ɨnɔ ghe.

Ɛbal 13:5

A nɨ keʼ nɨ ntɔŋ nkáb tsi, á nkáb za nɨ tsinɨ nɨ zɛrə ɨ kuʼ a mbó bən, mbɨ́ʼ ngə́ Ŋwi a soŋ ngə́, “Ma ghɨ láʼ kaʼ awən nyɛʼtɨ, ma ghɨ láʼ kaʼ awən nyɛʼnə.”