Kolose 3:12 - Mɨkan wu Fi

¹² Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

Kolose 3:12 Referans Kwoze

Ɛfɛso 4:32

A nɨ báŋnə́ ngɨ̌ ɨbɔŋ bən nɨ bən, nchyɛ̌ nɨ abɔnəntəm, ndɨ́gɨ́nə́ mɨbvu mɨ ŋwɔn nɨ ŋwɔn, tso mbáʼ Ŋwi, a ndzum Kristo a lɨgɨnɨnə mɨbvu ɨmən lá.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

1 Yoane 4:19

Bɨgɨnə kɔŋə mbɨ́ʼ ngə́ Ŋwi a fóm nkɔŋ awɨgɨnə ghe.

Kolose 3:10

ntiʼ ngwəgɨ mbəmnye zɨ fi za. Nə nɨ mbəmnye zɨ fi za Ŋwi, zɨ wa a káʼnɨ́ a zɛrə, a kwébtɨ́nɨ́ nkfu tsum á ɨ tiʼ zɨ fi a nye afi azhi, taŋ ɨ ghɨ á nɨ tsi nɨ azhyɛ mbɨ́ʼ ayi a nɨ́lónɨ́ ə.

2 Bita 1:10

Ma lan nə ɨbɔmbɨma ɨban, á nɨ zhwəŋtɨ a nye mɨndóm mɨtsum a ngɨə ngə́ ntsɔʼə za Ŋwi a tsɔ́ʼnɨ́ awən nkɨ ndzarɨ awɨŋ ghɔŋ nɨnkoŋ; be nɨ ghɨ ma lan muŋ nɨ mɨ láʼ keʼ abeməntəm azən nyɛʼə.

1 Tesalonaika 5:15

A nɨ zɛn ngə́ á ŋwɔn tse a keʼ tfutɨ mbɔʼ anu a tɨbɔŋ nɨ anu a tɨbɔŋ, lá nkfu tsum á nɨ ghɨ á be anu za nɨ lɔnə nɨ mɨntəm ɨmən mɨtsum a ngɨ ɨbɔŋ a nye ŋwɔn nɨ ŋwɔn, nkwiʼtɨ ɨbɛn bɨtsum ə.

2 Korɨnto 6:6

Bɨgɨ kə́ ndiʼə ngə́ bɨgɨ nɨ ngaŋ afaʼ Ŋwi a ntsǎ a ndzum mɨntəm mə fɛmnɨ, azhyɛ, achigəntəm, ngɨ ɨbɔŋ, Azhwi zə Fɛmnɨ abɔʼnɨ ngótɨ́ akɔŋnɨ ə.

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

1 Bita 1:2

Bɨ tsɔ́ʼ awən ndzɔ̌ŋ adzaŋ za Ŋwi, zɨ wa nɨ Tarɨ, a kɨ́nə́ ndǒ, nkɨ ngɨ awən a nye ɨbɛn bə fɛmnɨ ntsa a ndzum Azhwi azhi, ngə́ á nɨ ndzúʼnə́ a Yeso Kristo, á alɛm azhi za bɨ chwírɨ́nɨ́ atɨ abaŋnɨ-baŋnɨ a tiʼ sugɨ awɨŋ ə. A abɔŋəntəm abɔʼnɨ mbɔnɨ tsi a mbó bən a nɨ́lónɨ́ ə.

2 Timotyo 2:10

Ma lan, ma chigɨ ntəm a nye ɨnu ɨtsum mbɨ́ʼ atú a ɨbɛn bɨ Ŋwi ba wɛrə a tsɔʼnɨ, taŋ á bo chi kɨ tsi nɨ ɨloŋ wa ɨ yenə ntsǎ a ndzum Kristo Yeso, wa ɨ kɨ́nə́ nkə́ ngyíŋə́ nɨ nɨfáŋ nə nɨnkoŋ lá.

Roma 1:7

Ma tiʼə ŋwaʼnə a mbó bən bɨtsum alaʼ Roma ghe. Ŋwi a kɔŋ awən nkɨ ntsɔʼ awən ngə́ á nɨ be ɨbɛn ɨbyi: A Ŋwi, zɨ wa a nɨ Ta ɨwɨgɨnə abɔʼnɨ Maʼmbyí Yeso Kristo gha abɔŋəntəm abɔʼnɨ mbɔnɨ a mbó bɨŋ ə.

Tɨ́tósɨ 1:1

Aŋwaʼnɨ zen a lo a mbó me Baolo wa ma benɨ ngaŋ afaʼ Ŋwi, nkɨ mbe ntom Yeso zɨ Yeso Kristo lá. Bɨ tsɔ́ʼ aghan ntsagɨ ngə́ á ma kwatɨ ntintɨ abeməntəm a ɨbɛn bɨ Ŋwi ba bɨ tsɔ́ʼnɨ́, á ngěn nɨ mbyi, ɨ kɨ tsagɨnɨ awa á bo ghɛn nkon a mu nkənu za ndóm wa bɨgɨnə zhinɨ a Ŋwi ɨ diʼnə,

Matyo 24:31

Ntaŋ ghɨ tɔ́ŋ nɨ nji zɨ ngwi, á wɛrə tiʼ ntsagɨ bɨtsen bɨ ndá bɨ Ŋwi ɨbyi a nye bɨbagɨ bɨ mbyi ben bi nɨkwa, á bo ghotɨ ɨbɛn ɨbyi ba wɛrə a tsɔʼnə ɨ lɔgɨnɨ a nye táʼ bagɨ atuəshe ɨ ghɛn kuʼ a nye wu mɔʼɔ ghe.”

Alukasɨ 18:7

Adzaŋ məwen, Ŋwi a mɨ keʼ sáʼ mbyigɨ a mbó ɨbɛn ɨbyi ba bɨ zhwɨ́gɨ́nə́ mbúgə́ akwatɨ a mbó zɨ nɨ njwi nɨ njwi le? A mɨ keʼ yaŋ ɨnye a nkwátɨ́ bo le?

Alukasɨ 1:78

Ŋwi ɨwɨgɨnə a kǒ a mɨlɨŋnɨ nkɨ ndon nɨ akɔŋnɨ ə. Wɛrə a ghɨ ghɨ ɨloŋ ɨ yen a mbó bɨgɨnə tso ɨshiʼ njwi zɨ fɛmnɨ

Marɨkusɨ 13:27

Wɛrə a ghɨ tsagɨ bɨtsen bɨ ndá bɨ Ŋwi a nye bɨbagɨ bɨ mbyi ben bi nɨkwa ngə́ á bo ghotɨ ɨbɛn ba Ŋwi a tsɔ́ʼnɨ́, ɨ lɔgɨnɨ a nye táʼ nɨbú nɨ atuəshe ɨ ghɛn kuʼ a nye nə mɔʼɔ ghe.”

Ɛfɛso 4:24

ɨ kɨ be ɨbɛn bə fi ba bɨ káʼnɨ́ awa a nye ɨfi Ŋwi ə. Ɨbɛn bə fi məben, bɨ zě awa lá a nye ntsi mbyi ɨza za ɨ tɛmnɨnɨ nkɨ fɛmə.

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

Filibi 1:8

Ŋwi a nɨ atɛmə-ndzě ɨghan ngə́ ma sóŋə́ lá nkənu mbáʼ be ma soŋ ngə́ akɔŋnɨ za ma tsinɨ nɨ zɛrə a nye bən bɨtsum a lǒ lá a mu ntəm Kristo Yeso zɨmboŋ ə.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Roma 9:11

Tsɛʼ mbáʼ bɨ bvúrɨ́nɨ́ ɨbɔ ben tɨ jwi, kə ngə́ bɨ ghɨ́ anu zə tse zə shiʼnɨ kə zə tɨbɔŋ, a ngɨə ngə́ á afaʼ a Ŋwi zə ntyé ɨbɛn ɨbyi a ngěn nɨ mbyi, nkeʼ be be ngə́ bo fáʼ anu zə tsɛrə, lá mbaŋnɨ mbe be mbɨ́ʼ ntyé ɨzhi,

Marɨkusɨ 13:22

Bɨ Wa bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe ə. Bo ghɨ ghɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ a ntámtɨ́ ɨbɛn, ɨ ghɛn kuʼ a nye ɨbɛn ba Ŋwi a tsɔ́ʼnɨ́ mbáʼ be a chi be mə lá.

Marɨkusɨ 13:20

Maʼmbyí a bé tú ghɨ á njwi mətsa ɨ vutɨ, muŋ bɨ ghɨ keʼ loŋ a ŋwɔn mɨsɔŋ a ntsu tsɛrə ghe. Lá mbɨ́ʼ atú a ɨbɛn ɨbyi ba wɛrə a tsɔ́ʼnɨ́, wɛrə a ghɨ́ njwi mətsa vutə.

Matyo 24:22

Lá Ŋwi a kwɛnə shwɛʼtɨ ndvuŋ njwi mətsa ə. Wɛrə a tú mə lá fom ghɨ muŋ bɨ ghɨ keʼ a ŋwɔn mɨsɔŋ a ntsu tse loŋə. Lá, mbɨ́ʼ atú a ɨbɛn ɨbyi ba wɛrə a tsɔʼnə, Ŋwi a mɨ shwɛʼtɨ njwi mətsa.

Nkyɛʼə 17:14

Bo mɨ tǒkɨ a Mɔn Mbyindzɨ wa; lá Mɔn Mbyindzɨ wa abɔʼnɨ ɨbyi ba bɨ tsɔ́ʼnɨ́, ndzarɨ awa, bɨ kə́ ndzɔŋə ayi tsɛʼ nɨ táʼ ntəm lá, bo mɨ ghaʼ awa mbɨ́ʼ ngə́ wɛrə a nɨ Maʼmbyí bɨmaʼmbyí nkɨ mbe Ɨfɔ bɨfɔ ghe.”

2 Yoane 1:13

Ɨbɔ bɨ mɨma ɨwən wu mangye tsagə atɔ́ŋtɨ a mbó bɨŋ ə.

Matyo 24:24

Mbɨ́ʼ ngə́ bɨ Wa Bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe, ɨ ghɨnɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ taŋ ɨ tintɨ ɨnɔ ɨbɛn ɨ tsagɨ a mɨ́tfúŋ, mbáʼ be a chi fu, ɨ kɨ tsagɨ ɨbɛn ba Ŋwi a tsɔʼnɨ awa ghe.

Roma 13:14

Lá, á nɨ tsi nɨ mbɔm Maʼmbyí Yeso Kristo, nkeʼ ɨtú ɨtsən tɛgɨ a nye ɨdzúm tsa mbəmnye lɔnə taŋ ɨ ghɨ ɨnu tsa mbəmnye lɔnə lá.

1 Korɨnto 13:4

Akɔŋnɨ a nɨ nchyɛ nɨ nchigə abɔʼnɨ ntəm ngɨ ɨbɔŋ ə; akɔŋnɨ a sě ngɨ́ə á ɨbɛn nchyɛ̌ nɨ aghɨʼnɨ, nkeʼ nkə́ ngɨ́ə a ɨbɛn ŋǔʼ ɨnye;