Kolose 3:11 - Mɨkan wu Fi

¹¹ Adzaŋ məwen, ka líʼ a be ayi ɨwu a tɨtərɨ ba a se bə Yuda be abɔʼnɨ bə Yuda, a tɨtərɨ ba bɨ tsəŋnɨ ɨlagɨ ɨtsa abɔʼnɨ ba bɨ se ɨlagɨ ɨtsa tsəŋ, bɨngyen-yenɨ, ɨbɛn ba bɨ finɨ ɨnyam mɨbaʼ, ɨbuʼ abɔʼnɨ ɨbɛn ba ka bo be awa ɨbuʼ, lá ka wu tse ŋwɔn a tsi ayi ɨwu wa a dɨtɨnɨ ntsatɨ a Kristo, Kristo a tsi a mu ɨnye ŋwɔn tsum ə.

Kolose 3:11 Referans Kwoze

1 Korɨnto 12:13

Ndəŋndəŋ, bɨgɨnə bɨtsum, kə nɨ be be bə Yuda kə nɨ be be ba a se bə Yuda be, kə nɨ be be ɨbuʼ kə ɨbɛn nɨ ɨtú ɨtsa muŋ, ndəŋndəŋ Azhwi məzen a nɨŋnə nkyi atú bɨgɨnə bɨtsum a mu táʼ mbəmnye za, bɨgɨnə bɨtsum kɨnə nkɨ no ndəŋndəŋ Azhwi məza.

Roma 10:12

Məzen a kɔmtɨ a ŋwɔn tsum mbɨ́ʼ ngə́ ka líʼ a tsi ayi a tɨtərɨ bə Yuda abɔʼnɨ ba a se bə Yuda be ə; Ŋwi a nɨ tsɛʼ táʼ Maʼmbyí a mbó ŋwɔn tsum ə. Wɛrə a fɔ́gə́ a ŋwɔn tsum wa a yenɨ a mbó zɨə.

Ɛfɛso 3:6

Anu za bɨ lwɛ́ʼnɨ́ lá a nɨ ngə́, a ntsǎ a ndzum Nkən wu Shiʼnɨ, ɨbɛn ba bo se bə Yuda be chintɨ bə Yuda a nkwárɨ́ ɨfɔgə Ŋwi ə. Bo tiʼ mbe ɨlam ɨnye táʼ mbəmnye za, nkɨ ntiʼ ntsi a mu akaʼ za Ŋwi a káʼnɨ́, ntsa a ndzum Kristo Yeso ghe.

Ɛfɛso 1:23

Ndáŋwi lá mbəmnye wɛrə, za bɨ lwɨgɨnɨ nɨ Kristo, zɨ wa a lwɨ́gɨ́nɨ́ ɨnu ɨtsum adiʼ atsum lá.

Roma 3:29

Kə Ŋwi a lá tsɛʼ wu bə Yuda le? A se Ŋwi ba a se bə Yuda be kɨ mbe le? Tsɛʼ a nkənu, Ŋwi a kɨ mbe Ŋwi ba a se bə Yuda be ə.

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

Yoane 17:23

á ma tsi a mbúm bɨgɨ bo, o kɨ ntsi a mbúm bɔgə, taŋ á bo be táʼ azúm ɨ ghɛn mɛtɨ, taŋ á atuəshe a chi zhi ngə́ o tságɨ́ aghan, nkɨ nkɔŋ awa adzaŋ za o kɔŋnɨ aghan lá.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

1 Korɨnto 7:19

Mbɨ́ʼ ngə́ ntsəŋ alagɨ kə nchyɛ tɨ tsəŋ se anu zə tsɛrə a ɨshi ɨmɨgɨ Ŋwi be; anu za a təntɨnɨ a nɨ ndzuʼnɨ ntɨgə Ŋwi ə.

Ɨfaʼ 15:17

Ma lan, ŋwɔn mɨsɔŋ a ntsu tsum a mɨ yen a mbó me, ba a se bə Yuda be bɨtsum ba ma tsɔ́ʼnɨ́ ngə́ á bɨ be ɨbɛn ɨbə.

Kolose 2:10

Bɨ kɨnə nkɨ nga ntsi ntən a nɨ́lónɨ́ a mbó bən a mbúm bɨŋ bo ghe. Wɛrə a tsi atú ɨzhwi ɨtsum abɔʼnɨ mɨtən mɨtsum ə.

Roma 1:14

Ma tsi nɨ anu za ma mɨ zagɨ ghɨ a mbó ɨbɛn bɨtsum, a mbó ba ɨmɨgɨ ɨma ŋaʼnɨnɨ abɔʼnɨ ba bɨ bvúrɨ́nə́ ntsɛ́gə́ tso ɨnyam mɨbaʼ, a mbó ɨbɛn ba bɨ yigɨnɨnɨ abɔʼnɨ ɨdzɨŋtɨ ə.

Yoane 15:5

“Ma nɨ atɨ a mɨntam ma bɨ nyɛtɨnɨ mɨluʼ ɨwu, nɨ be mbó ɨmyi ɛ. Ɨbɛn ba bɨ ghɔŋnɨ a mu ɨnye me, ma kɨ nghɔŋ a mu ɨnye bo, ghɨ kónɨ́ mɨntam á mɨ gháʼ ngɛn nɨ mbyi; mbɨ́ʼ ngə́ o chi koʼ anu zə tsɛrə ghɨ tɨ me ghe.

Ɨfaʼ 28:4

Ngaŋ alaʼ tsa zé adzaŋ za ɨnyo za tɨ́ŋnɨ́nɨ́ a nye abó a Baolo ɨ soŋ a mbó ŋwɔn nɨ ŋwɔn ngə́, “Ŋwɔn wen a mɨ zagɨ be ngwarɨ ŋwɔn ə. Nɨvwo báʼtɨ́ nku ayi ɨ kunɨ nto a mu sagɨrə wu ngwi lá, ŋwi Fetɨ a mɨ keʼ nyɛʼtɨ á tsi ntɨŋ ə.”

Ɨfaʼ 28:2

Ngaŋ alaʼ tsa kɔ́ŋ awɨgɨ tsɛʼ a nkə. Mbəŋ bíʼnɨ́ ndǒ, ɨfɛgɨ kə́ nkǒ ghe. Ma lan, bo nyɛ́tɨ́ ɨmugɨ a mbó bɨgɨ nkɨ nkwarɨ awɨgɨ ɨ shiʼnɨ ə.

Yoane 14:23

Yeso a chwɨ́gɨ́ wəmbo ngə́, “Ŋwɔn tsum wa a kɔŋnɨ aghan, a mɨ zuʼnɨnə ɨnu tsa ma diʼnə ghe. Ta ɨghan a mɨ kɔŋ ayi, á bɨgɨ Ta ɨghə ghɨ ngyen wəmbo, ntsi bɨgɨ bo ghe.

2 Yoane 1:9

Ŋwɔn tsum wa mbáʼ a se ghɔŋ a mu za Kristo a díʼnɨ́, lá ntsa fəŋ a zɛrə, ka a tsi ayi nɨ Ŋwi ə. Ŋwɔn tsum wa a ghɔŋnɨ a mu ndiʼə zɨ Kristo, a tsi a mbúm bo Tarɨ nɨ Mɔn ə.

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Ɛfɛso 6:8

A nɨ zhi ngə́ Maʼmbyí a ghɨ tsɔ́ʼ afaʼ a ŋwɔn tsum zə shiʼnɨ za a ghɨnɨ kə o be be abuʼ kə ngáŋ ə.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

1 Korɨnto 14:11

Lá be ma tú zuʼnə nɨgham na ŋwɔn wu mɔʼɔ a ghamnə, lá be ngə́ ma nɨ ngyɛn-yenɨ wəmbo, wɛrə a kɨ mbe ngyɛn-yenɨ a mbó me ghe.

Roma 3:22

Ŋwi a chísɨ́ ɨbɛn bo bo tsinə a mbúm ntsǎ lá a ndzum abeməntəm aza a nye Yeso Kristo ghe. Ŋwi a ghɨə a məzen a mbó ŋwɔn tsum wa a nɨŋnɨ ntəm ɨyi a nye Kristo, mbɨ́ʼ ngə́ ka líʼ a tsi ayi ɨwu tsɛʼ mɨnyiə ghe:

Ɛfɛso 2:14

Mbɨ́ʼ ngə́ Kristo zɨmboŋ a yen nɨ mbɔnɨ a mbó bɨgɨnə adzaŋ za wɛrə a bosɨnɨ bə Yuda abɔʼnɨ ɨbɛn ba a se bə Yuda be bɨ tiʼ táʼ azúm ə. Nɨ mbəmnye ɨzhi wɛrə a saʼ afə́ŋ a ndá a kɨban za a tsínɨ́ a tɨtərɨ bo lá.

Ɛfɛso 2:15

Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.