Kolose 3:10 - Mɨkan wu Fi

¹⁰ ntiʼ ngwəgɨ mbəmnye zɨ fi za. Nə nɨ mbəmnye zɨ fi za Ŋwi, zɨ wa a káʼnɨ́ a zɛrə, a kwébtɨ́nɨ́ nkfu tsum á ɨ tiʼ zɨ fi a nye afi azhi, taŋ ɨ ghɨ á nɨ tsi nɨ azhyɛ mbɨ́ʼ ayi a nɨ́lónɨ́ ə.

Kolose 3:10 Referans Kwoze

Roma 12:2

Njimbɨʼ nɨ zɔŋnɨ ngɨnɨ mɨnu mɨ ɨbɛn bɨ atuəshe wiŋ ə, lá nɨ nyɛʼtɨ á Ŋwi a bənkɨ mɨntəm ɨmən taŋ á nɨ kwebtɨ mbɔm ɨtsɨŋ ə. Adzaŋ məwen, nɨ mɨ tiʼ zhi anu za Ŋwi a lɔnə — anu za a bɔŋnɨ, nkɔʼ ntɛm ngə́ tsáŋ nkə́ ngɨə ɨnye Ŋwi bɔŋənə ghe.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

Kolose 3:14

A akɔŋnɨ a tsi atú ɨnu tsen ɨtsum, zɛrə za a ghótɨ́nɨ́ ɨnu tsiŋ ɨtsum tsɨ tsinə a mbúm nkɔ́ʼə ntɛ́mə́ ngə́ tsáŋ lá.

1 Yoane 2:5

Lá, be ŋwɔn tse a ndzúʼnɨ́ nɨgham ɨni, lá be ngə́ akɔŋnɨ za ŋwɔn məwa a tsinɨ nɨ zɛrə a nye Ŋwi a mu ɨnye zɨ a kɔʼ ntɛm ngə́ tsáŋ ə. Bɨgɨnə mɨ zhi ɨ shiʼnɨ ngə́ bɨgɨnə tsi a mbúm bɨgɨnə bɨ Ŋwi lá ɨ nanə ghe:

Roma 13:14

Lá, á nɨ tsi nɨ mbɔm Maʼmbyí Yeso Kristo, nkeʼ ɨtú ɨtsən tɛgɨ a nye ɨdzúm tsa mbəmnye lɔnə taŋ ɨ ghɨ ɨnu tsa mbəmnye lɔnə lá.

1 Yoane 2:3

Be bɨgɨnə ndzúʼnɨ́ ntɨgə Ŋwi, muŋ bɨgɨnə zhi ɨ shiʼnɨ ngə́ bɨgɨnə zhi ayi ɛ.

Roma 8:29

Ɨbɛn ba Ŋwi a kwɛ́nə ntsɔʼ lá, wɛrə a kɨ́ ntíntɨ́ awa ntɛgɨ táʼ bagɨ ngə́ á bo be tso Mɔn ɨyi, taŋ á Mɔn ɨyi məwen a tiʼ ntsi a mbó bo tso asándóm a mu ngwəgɨ zɨ ngwi ə.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Nkyɛʼə 21:5

Zɨ wa a shíʼtɨ́nə́ nchyɛ̌ atú abərɨ za a tíʼ sóŋ ngə́, “Tɨtsɔŋnɨ, ma mɨ ghɨ ɨdzúm ɨtsum tiʼ tsə fi ə!” Wɛrə a kɨ́ sóŋ a mbó me ngə́, “Ŋwaʼnɨ a zen, mbɨ́ʼ ngə́ mɨgham miŋ nɨ nkənu, bɨ chi kɨ nɨŋ ntəm a nye mɛrə ghe.”

Ɛfɛso 2:15

Wɛrə a fɨ́gɨ́ a nyɔngɔŋ Mosě abɔʼnɨ ntɨgə nɨ mbɔm, taŋ ɨ ghɨ a táʼ ngwəgɨ ŋwɔn mɨsɔŋ a ntsu á tsi a mbúm bo zɨ a nye ngwəgɨ mətsen tsi bá, adzaŋ məwen ɨ ghɨ á mbɔnɨ tiʼ nchyɛ.

Galesha 6:15

Ka líʼ a tsi ayi ɨwu ngə́ ŋwɔn a tsəŋ alagɨ azhi kə nkeʼ tsəŋə; líʼ wa a tsinɨ ɨwu a nɨ ngə́ á ŋwɔn a be azúm zə kaʼnɨ zə fi ə.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

2 Korɨnto 3:18

Mɨshi ɨmɨgɨnə tsi tɨkə bɨ kubɨnɨ lá, bɨgɨnə bɨtsum diʼnə nɨfáŋ nɨ Maʼmbyí, bɨgɨnə kwebtɨnə taŋ ɨ tsinə nɨ nɨfáŋ ɨni ɨ lo a nye táʼ ɨfɨʼ ɨ ghɛn a nye za ɨ tsinɨ a mbyi ɛ. Nɨfáŋ məniŋ lǒ lá a mbó Maʼmbyí, zɨ wa a nɨ Azhwi ə.

Roma 13:12

A tsi lá tso ngə́ ɨtfúʼ tiʼnə nkyɛ́nə́, njwi tiʼə ndə̌ ngyiŋə ghe. Bɨgɨnə mɨ zagɨ kyɛntɨ ngɨ ɨnu ndzumnɨ, ɨ baŋnɨ tiʼtɨ ɨdzúm ntso tsa bɨ tónə́ nɨ tsɛrə nəzhwɨgɨnɨ ə.

Galesha 3:27

Mbɨ́ʼ ngə́ nɨ kwárɨ́ nkyi, nɨ tíʼ ntsi a mbúm bɨŋ bɨ Kristo, ma lan, a tiʼ ntsi lá tsɛʼ tso ngə́ nɨ wəgɨ ntsi mbyi Kristo zɨmboŋ a nye bən tso ɨtsɛʼ ə.

Ɛbal 6:6

Be a be ngə́ bo nyɛ́ʼ abeməntəm aza, muŋ ka ndóm tse be ayi ɨwu a ngɨə á ɨbɛn bə mbəŋ mɨntəm ɨma a nye mɨbvu ɨma, mbɨ́ʼ ngə́ bo bɨŋə nkwemtə lá a Mɔn Ŋwi atɨ abaŋnɨ-baŋnɨ, ɨ nɨŋə adɨrətú wə ɨnye asaŋəsaŋ ə.

Roma 6:4

Ma lan, a tsi lá tso ngə́ bɨ twə́ŋ awɨgɨnə bɨgɨnə bɨ wɛrə, ntiʼ nkɨ nkfo tso wɛrə ntsa lá a ndzum nkyi wa bɨgɨnə kwárɨ́nɨ́, taŋ á be ngə́ adzaŋ za bɨ zhwémnɨ́nɨ́ a Kristo a mbó nɨvwo ntsa a ndzum nɨfáŋ nɨ Tarɨ lá, ma lan, bɨgɨnə chi kɨ tiʼ tsi nɨ ntsi ntən zɨ fi ə.

2 Korɨnto 4:16

Ma lan, ka bɨgɨ ntsɛ́gɨ́nə́ awɨgɨ ɨnye ə. Ntsi mbyi mbəmnye ɨtsɨgɨ báʼtə́ ndékə́ ngěn lá, ntsi mbyi azhwi ɨtsɨgɨ baŋnə nkwiə nɨ njwi nɨ njwi ə.

Firɨmɔn 1:6

Ma tsaʼtə a Ŋwi ngə́ ndzɨnɨ ɨzɨgɨnə tso ɨbɛn ba bɨ nɨŋnɨ mɨntəm ɨma a nye Kristo mɨ ghɨ á bɨgɨnə zuʼ nkɨ nji ɨfɔgə ɨtsum ngɛn nɨ mbyi, ɨfɔgə wa bɨgɨnə tsinɨ nɨ wɛrə a mu ntsi mbyi ɨzɨgɨnə a mbúm bɨgɨnə bɨ Kristo lá.