Kolose 2:7 - Mɨkan wu Fi

⁷ A nɨ twəŋ mɨngaŋ ɨmən a nye Kristo á bɨŋ bo tsi a mbúm, á ntsi mbyi ɨzɨŋ tsum ɨ zɛʼtɨ ayi wə ɨnye, ɨ nyɛʼtɨ abeməntəm azən á ntɨŋə tsɛʼ tənɨ adzaŋ za bɨ díʼnɨ́ awən lá. A nɨ ngǎ a mɨya a mbó Ŋwi tsɛʼ nkfu tsum ə.

Kolose 2:7 Referans Kwoze

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

2 Tesalonaika 2:17

á bo wɔŋtɨ nkɨ shintɨ awən a ngɨə ɨ kɨ soŋ a za a bɔŋnɨ nkfu tsum ə.

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

Ɛfɛso 5:20

Nɨ ɨkum Maʼmbyí Yeso Kristo ɨwɨgɨnə, á nɨ ngǎ a mɨya mbɨ́ʼ anu atsum a mbó Ŋwi, zɨ wa a nɨ Tarɨ lá.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

1 Korɨnto 15:58

Ma lan nə ɨbɔmbɨma ɨban, nɨ tɛm á mɨku ɨmɨŋ təntɨ, á nɨ keʼ nchíʼnə́ ghe. A faʼnə ɨfaʼ ɨwən a mbó Maʼmbyí nkfu tsum, mbáʼ nɨ zhinɨ ngə́ ka anu zə tse za nɨ ghɨnə, a mu ɨfaʼ ɨwən a mbó Maʼmbyí a chi tsa ayi adaŋədaŋə lá.

Ɛbal 13:15

A bɨgɨnə tiʼ lá ntsa wə ndzum mbóntə́ a Ŋwi nkfu tsum tso ɨwɨgɨnə ndóm nga mɨtsuʼnɨ mɨ atú, lá be ngə́, məzen a tsi lá tso mɨtsuʼnɨ mɨ atú ma ɨwəŋ ntsu ghánə́ a nkfu za bɨgɨnə sóŋnə́ nɨ mɨtsu ɨmɨgɨnə ngə́ wɛrə nɨ Maʼmbyí ɛ.

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

1 Tesalonaika 5:18

ngǎ a mɨya a mbó Ŋwi mbɨ́ʼ atsum za a funɨ a nye bɨŋ ə. Nə nɨ anu za Ŋwi a lɔnə a mbó bən a mu ntsi mbyi ɨzən a mbúm bɨŋ bɨ Kristo Yeso ghe.

Alukasɨ 6:48

A fi a ŋwɔn wa a ghɛnɨ a ngvwu ndá ɨzhi, ntoŋ atsé ndá a shwi ndɨʼ nɨ ngɔʼ ə. Mɨzam a lon ɨfaʼkɨ ngyen ntum ndá za lá ɨ keʼ chiʼnɨ, mbɨ́ʼ ngə́ bɨ vwu a zɛrə ɨ shiʼnɨ ə.

Ɛfɛso 4:21

Tsɛʼ a nkənu, nɨ zúʼ anu mbɨ́ʼ ayi ɛ. Tso ɨbɛn ba bɨ nɨŋnɨ mɨntəm ɨma a nye Kristo, bɨ díʼ awən nɨ nkənu za ɨ tsinɨ a nye Yeso ghe.

Judɨ 1:20

Lá bən nə bɨson ɨban, á nɨ nkwi ɨ kwinɨ a mu abeməntəm azən za a fɛmnɨ ntsa atsum lá. A nɨ ntsáʼtə́ a Ŋwi adzaŋ za Azhwi zə Fɛmnɨ a tsɨŋnɨnə awən,

2 Korɨnto 1:21

A nɨ Ŋwi zɨmboŋ wa a ghɨnə ngə́ á bɨgɨnə tɛm ntən a mu ntsi mbyi ɨzɨgɨnə a mbúm bɨgɨnə bɨ Kristo ghe. A kɨ mbe Ŋwi, zɨ wa a zarɨnɨ awɨgɨ ɨ nɨŋ afaʼ məzen a mu mbó bɨgɨ ə.

Judɨ 1:12

Ɨbɛn biŋ be lá tso achwuʼtɨ adiʼ zə nyaʼnɨnɨ a tɨtərɨ bən a nkfu za nɨ bomnkɨnɨ a ndzɨ́ mɨdzɨ mɨ akɔŋnɨ, ndzɨə bɨŋ bo tsɛʼ tɨ mɨnya mɨ adɨrətú ə. Bo lə̌tú tsɛʼ nɨ ɨtumbəm ɨtsa ghe. Bo be lá tso mbaʼ za kɨfɛrɨ a tyíŋnə́ ngěn nɨ zɛrə, ɨ keʼ nɨ mbəŋ a ngyíŋə́ ghe. Bo be lá tso ɨtɨ tsa ka tsɨ nkónə́ awa mɨntam, ɨtɨ a nkfu alom tsa bɨ muʼtɨnə a nye mɨngaŋ ɨma, tsɨ kfokə.

1 Korɨnto 1:8

Ŋwi a mɨ kɨ ghɨ á nɨ tɛm ntɨŋə ɨ ghɛn kuʼ a ndwɨgɨnə, taŋ á nɨ ghɨ́ nkeʼ nɨ ɨfənu tse tsi a Njwi wa Maʼmbyí Yeso Kristo a lo bə yen lá.

Ɛbal 13:9

A nɨ keʼ nyɛʼtɨ á bɨ diʼ awən nɨ ɨbə́ŋ ɨnu tsədaŋ tsa tsɨ mɨ ghɨ á nɨ fə ndóm ɨwən; mbɨ́ʼ ngə́ a bɔŋ ngə́ á abɔŋəntəm a Ŋwi a nɨ̌ŋ mɨntəm ɨmən ntsa ndzúʼnɨ́ ntɨgə mbɨ́ʼ mɨdzɨ ə. Mbɨ́ʼ ngə́ ntɨgə mətsiŋ sé kwatɨ ɨbɛn ba bɨ zúʼnɨ́nɨ́ a tsɛrə ghe.